Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Judges 16;1-31

16  Ekem Samson aka Gaza+ okokụt n̄wan akpara kiet do, onyụn̄ odụk etiene enye.+  Ndien ẹketịn̄ ẹnọ mbon Gaza ẹte: “Samson odụk edi mi.” Ntre mmọ ẹkan enye ẹkụk+ ẹnyụn̄ ẹna ke inuaotop+ obio ẹbet enye ofụri okoneyo oro. Ndien mmọ ẹdobo ke ofụri okoneyo oro, ẹnyụn̄ ẹdọhọ ẹte: “Ke ndondo oro eyo esierede, nnyịn iyowot enye.”+  Edi, Samson ana tutu esịm ufọt okoneyo, ndien ke ufọt okoneyo enye adaha ada omụm usụn̄ inuaotop+ obio oro, ye obubọk mbiba owụbede mmọ ye eto esie osio, emen odori ke afara, obiom+ ọdọk aka etịn̄e obot emi asakde iso ese Hebron.+  Edikem ke n̄kpọ emi ama ekebe, enye ama n̄wan kiet ke itịghede mmọn̄ Sorek, n̄wan oro ekekere Delilah.+  Ndien mbọn̄+ Philistia emi ẹdianade kiet ẹdọk ẹdidọhọ n̄wan oro ẹte: “Tap+ enye fiọk ebiet emi akwa odudu esie odude, ye se nnyịn ikemede ndida mbọp enye, nnyụn̄ n̄kan enye; ndien nnyịn owo kiet kiet iyọnọ fi mbak silver tọsịn kiet ikie kiet.”+  Ekem Delilah ọdọhọ Samson ete: “Mbọk, sian mi, M̀mọ̀n̄ ke akwa odudu fo emi odu, ndien nso ke ẹkeme ndida mbọp fi man ẹkan fi?”+  Ndien Samson ọbọrọ enye ete: “Edieke ẹdade mbufa esịp+ itiaba emi mîsatke ẹbọp mi, idem eyemem mi, ndien nyakabade ntie nte owo efen ekededi.”  Ntre mbọn̄+ Philistia emi ẹdianade kiet ẹda mbufa esịp itiaba emi mîsatke ẹsọk n̄wan oro. Ekem enye ada mmọ ọbọp enye.  Ndien mbon udịbe ke ẹkedịbe ke esịt ubet n̄wan oro ẹbet,+ ndien n̄wan oro ọdọhọ enye ete: “Samson, mbon Philistia+ ẹmọn̄ ẹmụm fi!” Ndien enye esịbe esịp oro iba, kpa nte urụk emi ẹfiakde ke mfịbe esịbede iba ke ini ikan̄ otụkde enye.+ Ndien owo ifiọkke ebiet emi odudu esie odude.+ 10  Ekem Delilah+ ọdọhọ Samson ete: “Sese! Afo amabian̄a mi onyụn̄ osu nsu ọnọ mi.+ Mbọk, ke emi, sian mi nan̄a, se ẹkemede ndida mbọp fi.” 11  Ndien enye ọbọrọ enye ete: “Edieke ẹdade mbufa urụk emi akanam owo mîdaha ibọp n̄kpọ ẹbọp mi, idem eyemem mi, ndien nyakabade ntie nte owo efen ekededi.” 12  Mmọdo Delilah ada mbufa urụk ọbọp enye, onyụn̄ ọdọhọ ete: “Samson, mbon Philistia ẹmọn̄ ẹmụm fi!” Ofụri emi mbon udịbe ke ẹketie ke esịt ubet ẹbet.+ Ndien enye ekịbi mme urụk emi ke ubọk esie ẹfep nte urụk ọfọn̄.+ 13  Ekem Delilah ọdọhọ Samson, ete: “Afo osụk ababian̄a mi tutu esịm emi, ndien ke ososu nsu ọnọ mi.+ Sian mi se ẹkemede ndida mbọp fi.”+ Ndien enye ọbọrọ enye ete: “Edieke afo adade urụk ndidi+ ọdọk idet mi emi ẹsiakde ke itie itiaba ẹtan̄.” 14  Ntem enye ada ọkpọhọ ekịm mmọ adian, onyụn̄ ọdọhọ enye ete: “Samson, mbon Philistia ẹmọn̄ ẹmụm fi!”+ Ntre enye edemede ke idap, afahade ọkpọhọ oro osio onyụn̄ osion̄o urụk ndidi oro. 15  Ndien n̄wan emi ọdọhọ enye ete: “Afo anam didie ọdọhọ mi ete, ‘Mmama fi,’+ ke adan̄aemi esịt fo mîdụhe ye ami? Afo amabian̄a mi utịm ikata, unyụn̄ usianke mi ebiet emi akwa odudu fo emi odude.”+ 16  Edikem sia enye eyịrede+ etịn̄ kpukpru ini onyụn̄ osụk akpakde enye, ukpọn̄ esie akpa mba tutu ekpere ndikpa.+ 17  Ke akpatre, enye etịn̄ ofụri esịt+ esie ọnọ enye, ete: “Akananam akadan̄+ itụkke mi ibuot, koro ami ndide Nazirite Abasi toto ke idịbi+ eka mi. Edieke ẹkporode mi idet, odudu mi ọyọkpọn̄ mi, ndien idem eyemem mi, ami nyonyụn̄ n̄kabade ntie nte owo efen ekededi.”+ 18  Ndien ke ndondo oro Delilah okụtde ke enye etịn̄ ofụri esịt esie ọnọ imọ, enye ọdọn̄ ẹkekot mbọn̄+ Philistia emi ẹdianade kiet, ete: “Mbufo ẹdọk ẹdi, koro enye etịn̄ ofụri esịt+ esie ndien ọnọ mi.” Ndien mbọn̄ Philistia emi ẹdianade kiet do ẹdọk ẹbịne n̄wan oro man ẹda okụk emi odude mmọ ke ubọk ẹsọk enye.+ 19  Ntem n̄wan oro anam Samson ana enye ke edọn̄ ede. Ndien enye okot owo ete edikporo idet esie emi ẹsiakde ke itie itiaba ẹtan̄, onyụn̄ ọtọn̄ọ ndikara enye, odudu esie adaha ọkpọn̄ enye. 20  Ekem enye ọdọhọ ete: “Samson, mbon Philistia ẹmọn̄ ẹmụm fi!” Ndien enye edemede ke idap onyụn̄ ọdọhọ ete: “Mmọn̄ n̄wọrọ nte n̄kam nsiwọrọde ke mme ini eken+ nnyụn̄ nsịn̄ede mbọhọ.” Edi, enye ifiọkke ke Jehovah ama ọkpọn̄ imọ.+ 21  Ntre mbon Philistia ẹmụm enye ẹnyụn̄ ẹtịbi enye enyịn+ ndien ẹda enye ẹsụhọde ẹka Gaza,+ ẹkeda ebuka okpoho+ iba ẹsịn enye; enye onyụn̄ edi ọkọkn̄kpọ+ ke ufọk-n̄kpọkọbi.+ 22  Ndien idet ibuot esie ọtọn̄ọ ndikọri n̄kpon ke ndondo oro ẹma ẹkekporo.+ 23  Ndien mbọn̄ Philistia emi ẹdianade kiet ẹsop idem ọtọkiet ndiwa akwa uwa nnọ Dagon+ kpa abasi mmọ nnyụn̄ ndat esịt, ndien mmọ ẹdọhọ ẹte: “Abasi nnyịn amada Samson kpa asua+ nnyịn esịn nnyịn ke ubọk!” 24  Ke ndondo oro mbon oro ẹkụtde enye, mmọ ẹtoro abasi+ mmọ, ẹnyụn̄ ẹdọhọ ẹte, “koro abasi nnyịn amada asua+ nnyịn kpa andisobo isọn̄+ nnyịn ye owo emi anamde n̄kpan̄a+ nnyịn awak, esịn nnyịn ke ubọk.” 25  Edikem ke adan̄aemi esịt adatde mmọ,+ mmọ ẹdọhọ ẹte: “Mbufo ẹkot Samson edi man edibre mbre+ ọnọ nnyịn.” Mmọdo mmọ ẹkot Samson ẹsio ke ufọk-n̄kpọkọbi man enye osion̄o ndyọ ke iso mmọ;+ ndien mmọ ẹnam enye ada ke ufọt mme adaha. 26  Ekem Samson ọdọhọ eyeneren oro omụmde enye ubọk, ete: “Yak mi ntụk mme adaha emi ẹmụmde ufọk emi ẹkama nnyụn̄ mbere ke mmọ.” 27  (Ndien ufọk oro ọkọyọhọ ye iren ye iban, kpukpru mbọn̄ Philistia emi ẹdianade kiet ẹma ẹnyụn̄ ẹdu do;+ n̄kpọ nte iren ye iban tọsịn ita ẹkedoro ke enyọn̄ ufọk oro ẹse nte Samson ebrede mbre.)+ 28  Ndien Samson+ eseme okot Jehovah+ ọdọhọ ete: “Jehovah, Akakan Ọbọn̄ Andikara, mbọk ti mi,+ nyụn̄ sọn̄ọ mi idem+ ini kiet emi kpọt, mbọk, O afo emi edide ata Abasi, nyụn̄ yak mi nsio usiene ye mbon Philistia mban̄a kiet ke otu enyịn mi mbiba.”+ 29  Ntem Samson eberi ubọk ke adaha mbiba emi ẹdude ke ufọt, emi ẹmụmde ufọk oro ẹkama, kiet ke nnasia, kiet ke ufien. 30  Ekem Samson ọdọhọ ete: “Yak ukpọn̄ mi akpa+ ye mbon Philistia.” Ndien enye eberi ye ofụri odudu esie, ufọk oro onyụn̄ ọduọ ọtọ mbọn̄ oro ye kpukpru mbon oro ẹkedude ke esịt,+ ndien mbon emi enye okowotde ke usen n̄kpa esie ẹwak ẹkan mbon emi enye okowotde ke eyouwem esie.+ 31  Ekem nditọete esie ye ofụri ufọk ete esie ẹsụhọde ẹdi ẹdimen enye ẹdọk ẹkebụk ke ufọt Zorah+ ye Eshtaol+ ke itie ubụkowo Manoah+ ete esie. Ndien enye ekekpe ikpe Israel ke isua edịp.+

Mme Ikọ Idakisọn̄