Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Judges 13;1-25

13  Ekem nditọ Israel ẹtọn̄ọ ntak ẹnam se idiọkde ke enyịn Jehovah,+ ntre Jehovah ayak mmọ esịn mbon Philistia+ ke ubọk ke isua aba.  Ndien owo Zorah+ kiet ama odu emi okotode ubon Dan,+ emi okonyụn̄ ekerede Manoah.+ N̄wan esie ekedi ada inyụn̄ imanke eyen+ ndomokiet.  Edikem angel Jehovah owụt n̄wan+ oro idem onyụn̄ ọdọhọ enye ete: “Sese, ke emi, afo edi ada unyụn̄ umanke eyen ndomokiet. Afo oyoyomo, onyụn̄ aman eyeneren.+  Ndien, ke emi, mbọk, kpeme idem, kûn̄wọn̄ wine m̀mê ọkpọsọn̄ mmịn,+ kûnyụn̄ udia n̄kpọ ekededi emi edehede.+  Koro, sese! afo oyoyomo, onyụn̄ aman eyeneren, ndien baba akadan̄ kiet okûtụk enye ibuot,+ koro eyen oro edidide Nazirite+ Abasi toto ke ini emi enye amanade;+ enye edinyụn̄ ebe iso ke ndinyan̄a Israel nsio mbon Philistia+ ke ubọk.”  Ndien n̄wan oro aka eketịn̄ ọnọ ebe esie ete: “Owo ata Abasi kiet ama edi edisobo ye ami, enye okonyụn̄ ebiet angel ata Abasi,+ enen̄ede enyene uten̄e.+ Edi ami n̄kobụpke enye ebiet emi enye otode edi, enye ikonyụn̄ isiakke enyịn̄+ esie inọ mi.  Edi enye ọkọdọhọ mi ete, ‘Sese! Afo oyoyomo, onyụn̄ aman eyeneren.+ Ndien, ke emi, kûn̄wọn̄ wine m̀mê ọkpọsọn̄ mmịn, kûnyụn̄ udia n̄kpọ ekededi emi edehede, koro eyen oro edidide Nazirite Abasi toto ke ini emi enye amanade tutu esịm usen emi enye akpade.’”+  Ndien Manoah ekpe Jehovah ubọk onyụn̄ ọdọhọ ete: “Mbọk Jehovah,+ owo ata Abasi oro afo okosụk ọdọn̄de utom do, mbọk, yak enye ọtọn̄ọ ntak edi editeme+ nnyịn se idinamde ye eyen oro edimanade.”+  Ntem ata Abasi okop uyo Manoah,+ ndien angel ata Abasi ọtọn̄ọ ntak edi ebịne n̄wan oro ke adan̄aemi enye etiede ke in̄wan̄, edi Manoah ebe esie ikodụhe ye enye. 10  Ke ndondo oro n̄wan oro ọsọsọp efehe eketịn̄ ọnọ ebe+ esie, ete: “Sese! Owo emi ekedide usen oko omowụt mi idem.”+ 11  Ndien Manoah adaha ke enyọn̄ asan̄a ye n̄wan esie okosobo ye owo oro onyụn̄ obụp enye ete: “Ndi afo edi owo emi eketịn̄de ikọ ọnọ n̄wan emi?”+ ndien enye ọbọrọ ete: “Ami ke edi.” 12  Ndien Manoah ọdọhọ ete: “Ke emi, yak ikọ fo ọwọrọ osu. Nso ididi edu eyen emi ye utom esie?”+ 13  Ntre angel Jehovah ọdọhọ Manoah ete: “N̄wan emi enyene ndibet kpukpru n̄kpọ oro n̄kọdọhọde enye.+ 14  Enye okûdia baba n̄kpọ kiet emi otode vine, okûnyụn̄ ọn̄wọn̄ wine m̀mê ọkpọsọn̄ mmịn+ ekededi, okûnyụn̄ adia n̄kpọ ekededi eke edehede.+ Yak enye ebet kpukpru n̄kpọ oro ami ntemede+ enye.” 15  Ndien Manoah ọdọhọ angel Jehovah ete: “Mbọk, yak nnyịn imụm fi inịm inyụn̄ item eyen ebot idinịm fi ke iso.”+ 16  Edi angel Jehovah ọdọhọ Manoah ete: “Edieke afo omụmde mi enịm, ami nditaha uyo fo; edi edieke afo oyomde ndifọp uwa nnọ Jehovah,+ emekeme ndifọp.” Manoah ikonyụn̄ ifiọkke ke enye edi angel Jehovah. 17  Ntem Manoah obụp angel Jehovah ete: “Afo ekere didie,+ man nnyịn ikpokpono fi ke ini ikọ fo ediwọrọde osu?” 18  Edi, angel Jehovah ọdọhọ enye ete: “Ntak emi okpobụpde mi enyịn̄ mi, ke ini enyịn̄ mi edide utịbe?” 19  Ndien Manoah ada eyen ebot ye uwa n̄kpasịp onyụn̄ awa ọnọ Jehovah+ ke enyọn̄ itiat. Enye onyụn̄ anam n̄kpọ ke utịbe utịbe usụn̄ ke adan̄aemi Manoah ye n̄wan esie ẹsụk ẹsede-se. 20  Edikem, nte edemeikan̄ otode ke itieuwa ọdọk enyọn̄, angel Jehovah oro asan̄a ke edemeikan̄ itieuwa oro ọdọk ke adan̄aemi Manoah ye n̄wan esie ẹsụk ẹsede.+ Ke ndondo oro mmọ ẹduọ ẹkịbi iso ke isọn̄.+ 21  Angel Jehovah ikonyụn̄ ifiakke aba iwụt Manoah ye n̄wan esie idem. Adan̄aoro ke Manoah ọkọfiọk ke enye edi angel Jehovah.+ 22  Mmọdo Manoah ọdọhọ n̄wan esie ete: “Nnyịn iditreke ndikpa,+ koro nnyịn imokụt Abasi.”+ 23  Edi n̄wan esie ọdọhọ enye ete: “Edieke ekpenemde Jehovah ndiwot nnyịn, enye ikpọbọhọ nnyịn edifọp uwa ye uwa n̄kpasịp ke ubọk,+ ikponyụn̄ iwụtke nnyịn kpukpru n̄kpọ emi, ikponyụn̄ iyakke nnyịn ikop orụk n̄kpọ emi.”+ 24  Ekem n̄wan oro aman eyeneren onyụn̄ osio enye enyịn̄ Samson;+ ndien eyen oro ọdọdiọn̄ okpon, Jehovah onyụn̄ aka iso ọdiọn̄ enye.+ 25  Ekem spirit Jehovah+ ọtọn̄ọ ndidemede enye ke idem ke Mahaneh-dan+ ke ufọt Zorah+ ye Eshtaol.+

Mme Ikọ Idakisọn̄