Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Judges 12;1-15

12  Ekem ẹkot mbon Ephraim ẹdisop idem ọtọkiet ndien mmọ ẹbe ẹka n̄kan̄ edem edere ẹkedọhọ Jephthah ẹte: “Ntak emi afo ekebede akan̄wana ye nditọ Ammon ndien mûkotke nnyịn isan̄a ye afo ika?+ Nnyịn imọn̄ ifọp ufọk fo ke ikan̄.”+  Edi Jephthah ọbọrọ mmọ ete: “Ami n̄kakabade ndi akpan owo utọk nnọ nditọ Ammon,+ ami ye ikọt mi. Ndien mma n̄kot mbufo nte ẹdin̄wam mi, edi mbufo ikanyan̄ake mi isio mmọ ke ubọk.  Ke ini n̄kụtde ke mbufo idịghe idinyan̄a mi, mma mbiere ndisịn ukpọn̄ mi ke itiendịk,+ nnyụn̄ n̄ka n̄kan̄wana ye nditọ Ammon.+ Ntem Jehovah ama ayak mmọ esịn mi ke ubọk. Mmọdo ntak emi mbufo ẹdide ndin̄wana ye ami mfịn emi?”  Ke ndondo oro Jephthah okot kpukpru mbon Gilead obon ọtọkiet+ onyụn̄ akan̄wana ye Ephraim; ndien mbon Gilead ẹwot mbon Ephraim, koro mmọ ẹkedọhọde ẹte: “Mbufo mbon Gilead, mbufo ẹdi mbon emi ẹketode ke Ephraim ẹfen̄e ẹwọn̄ọ ke ufọt Ephraim ye ke ufọt Manasseh.”  Ndien mbon Gilead ẹbem Ephraim iso ẹkeda ke mme ebiet ube mmọn̄ ke Jordan;+ edikem ke ini mbon Ephraim emi ẹfen̄ede ẹwọn̄ọ, ẹdọhọde ẹte: “Yak mi mbe,” mbon Gilead ẹbụp mmọ owo kiet kiet ẹte: “Ndi afo edi owo Ephraim?” Edieke enye ọdọhọde: “Ihih!”  mmọ ẹdọhọ enye ẹte: “Dọhọ Shibboleth+ ise.” Edi enye ọdọhọ “Sibboleth,” sia enye mîkemeke ndikot ọfọn. Ndien mmọ ẹmụm enye ẹwot ke ebiet ube mmọn̄ ke Jordan. Ntre ke ẹwot nditọ Ephraim tọsịn aba ye iba ke ini oro.+  Ndien Jephthah ekpe ikpe Israel ke isua itiokiet, ekem Jephthah owo Gilead akpa, ẹnyụn̄ ẹbụk enye ke obio esie ke Gilead.  Ndien Ibzan emi otode Bethlehem+ ekpe ikpe Israel ke Jephthah ama akakpa.+  Enye onyụn̄ enyene nditọiren edịp ye duop ye nditọiban edịp ye duop. Enye ọdọn̄ ẹwọrọ ẹkeda nditọiban edịp ye duop ẹsọk nditọiren esie. Ndien enye ekpe ikpe Israel ke isua itiaba. 10  Ekem Ibzan akpa ẹnyụn̄ ẹbụk enye ke Bethlehem. 11  Ke enye ama akakpa Elon eyen Zebulun+ ọtọn̄ọ ndikpe ikpe Israel. Enye onyụn̄ ekpe ikpe Israel ke isua duop. 12  Ekem Elon eyen Zebulun akpa ẹnyụn̄ ẹbụk enye ke Aijalon ke isọn̄ Zebulun. 13  Ke enye ama akakpa Abdon eyen Hillel owo Pirathon+ ọtọn̄ọ ndikpe ikpe Israel. 14  Enye onyụn̄ enyene nditọiren aba ye nditọ nditọiren edịp ye duop emi ẹsiwatde ke ass+ ata ye duop emi ẹma ẹkekponi ẹwọrọ. Ndien enye ekpe ikpe Israel ke isua itiaita. 15  Ekem Abdon eyen Hillel owo Pirathon akpa ẹnyụn̄ ẹbụk enye ke Pirathon ke isọn̄ Ephraim ke obot Amalek.+

Mme Ikọ Idakisọn̄