Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Judges 11;1-40

11  Ekem Jephthah+ owo Gilead+ akabade edi ọkpọsọn̄ owo uko,+ enye okonyụn̄ edi eyen n̄wan akpara,+ ndien Gilead ekedi ete Jephthah.  Ndien n̄wan Gilead aman nditọiren ọnọ enye. Ke ini nditọ n̄wan emi ẹma ẹkekponi, mmọ ẹbịn Jephthah ẹsio ẹnyụn̄ ẹdọhọ enye ẹte: “Afo unyeneke udeme ke ufọk ete+ nnyịn, koro afo edide eyen isio an̄wan.”  Ntre Jephthah efehe ke ntak nditọete esie okodụn̄ ke isọn̄ Tob.+ Ndien mme anana ubọkutom ẹdian idem ye Jephthah, mmọ ẹnyụn̄ ẹsisan̄a ye enye ẹwọrọ.+  Ekem ke mîbịghike nditọ Ammon ẹdi en̄wan ye Israel.+  Edikem ke ini nditọ Ammon ẹn̄wanade ye Israel,+ mbiowo Gilead ẹdaha ke ndondo oro ẹka ndida Jephthah ke isọn̄ Tob.+  Ndien mmọ ẹdọhọ Jephthah ẹte: “Afo didi etubom nọ nnyịn, man nnyịn ikan̄wana ye nditọ Ammon.”  Edi Jephthah ọdọhọ mbiowo+ Gilead ete: “Idịghe ami ke mbufo ẹkesua ẹnyụn̄ ẹbịn ẹfep ke ufọk ete mi?+ Ndien ntak emi mbufo ẹdide ẹtiene mi idahaemi mbufo ẹdude ke nnanenyịn?”+  Ntem mbiowo Gilead ẹdọhọ Jephthah ẹte: “Ntak edi oro nnyịn ifiakde itiene+ fi idahaemi, san̄a ye nnyịn, man ikan̄wana ye nditọ Ammon, ndien afo ayakabade edi etubom kpukpru mme andidụn̄ ke Gilead+ ọnọ nnyịn.”  Ntre Jephthah ọdọhọ mbiowo Gilead ete: “Edieke mbufo ẹfiakde ẹda mi ẹnyọn̄ ndikan̄wana ye nditọ Ammon, ndien Jehovah onyụn̄ ayak+ mmọ esịn mi ke ubọk, ami nyakabade ndi etubom mbufo!” 10  Ekem mbiowo Gilead ẹdọhọ Jephthah ẹte: “Yak Jehovah okop se nnyịn+ itịn̄de emi edieke nnyịn mîdinamke uyo fo emi.”+ 11  Mmọdo Jephthah etiene mbiowo Gilead ndien mmọ ẹnịm enye nte ibuot ye etubom+ mmọ. Ndien Jephthah etịn̄ kpukpru ikọ esie ke iso Jehovah+ ke Mizpah.+ 12  Ndien Jephthah ọdọn̄ mme isụn̄utom ọnọ edidem nditọ Ammon,+ ete: “Nso ke ami nnam fi+ emi afo edide isọn̄ mi ndin̄wana ye ami?” 13  Ntre edidem nditọ Ammon ọbọrọ mme isụn̄utom Jephthah ete: “Edi koro Israel ẹkedade isọn̄ mi, ọtọn̄ọde ke Arnon+ tutu esịm Jabbok onyụn̄ emen esịm Jordan,+ ke ini mmọ ẹketode Egypt+ ẹwọn̄ọ. Ndien ke emi fiak yak enye nọ mi ke emem.” 14  Edi Jephthah afiak ọdọn̄ mme isụn̄utom ọnọ edidem nditọ Ammon 15  onyụn̄ ọdọhọ enye ete: “Jephthah ọdọhọ, ‘Israel ikadaha isọn̄ Moab+ ikonyụn̄ idaha isọn̄ nditọ Ammon.+ 16  Koro ke ini Israel ẹketode Egypt ẹwọn̄ọ mmọ ẹkesan̄a ke wilderness tutu ẹdisịm Ididuot Inyan̄+ ẹnyụn̄ ẹbe ẹsịm Kadesh.+ 17  Ekem Israel ẹdọn̄ mme isụn̄utom ẹnọ edidem Edom,+ ẹte: “Mbọk, yak nnyịn isan̄a ke isọn̄ fo ibe,” edi edidem Edom inyịmeke. Mmọ ẹdọn̄ mme isụn̄utom n̄ko ẹnọ edidem Moab,+ enye inyụn̄ inyịmeke. Ndien Israel ẹka iso ẹdu ke Kadesh.+ 18  Ke ini mmọ ẹkesan̄ade ke wilderness ẹbe, mmọ ẹma ẹsan̄a ẹkanade isọn̄ Edom+ ye isọn̄ Moab, ẹnyụn̄ ẹsan̄a n̄kan̄ edem usiahautịn isọn̄ Moab,+ ẹkenam nna ke n̄kan̄ ikpehe Arnon; edi mmọ ikebehe idụk adan̄a Moab,+ koro Arnon ekedide adan̄a Moab.+ 19  “‘Ekem Israel ẹdọn̄ mme isụn̄utom ke ọtọ Sihon edidem mme Amorite, kpa edidem Heshbon,+ Israel ẹnyụn̄ ẹdọhọ enye ẹte: “Mbọk yak nnyịn isan̄a ke isọn̄ fo ibe ika ebiet nnyịn.”+ 20  Edi Sihon ikenịmke ke akpanikọ ite ke Israel ẹyom ndisasan̄a mbe ke obio imọ, ntre Sihon obon kpukpru ikọt esie ọtọkiet, ndien mmọ ẹnam nna ke Jahaz+ ẹnyụn̄ ẹn̄wana ye Israel.+ 21  Ntem Jehovah Abasi Israel ayak Sihon ye kpukpru ikọt esie esịn Israel ke ubọk, Israel ẹwot mmọ ẹnyụn̄ ẹda ofụri isọn̄ emi mme Amorite ẹkedụn̄de ke obio+ oro ẹnyene. 22  Ntem mmọ ẹda ofụri isọn̄ mme Amorite ẹnyene, ọtọn̄ọde ke Arnon tutu esịm Jabbok, onyụn̄ ọtọn̄ọde ke wilderness tutu esịm Jordan.+ 23  “‘Ndien ke emi, Jehovah Abasi Israel ama ebịn mme Amorite efep ke iso ikọt esie Israel,+ afo onyụn̄ oyom ndibịn mmọ mfep. 24  Nte idịghe owo ekededi emi Chemosh+ abasi fo anamde fi ebịn efep ke afo edibịn efep? Ndien kpukpru owo eke Jehovah Abasi nnyịn edibịnde efep ke iso nnyịn kpa enye ke nnyịn idibịn ifep.+ 25  Ndien ke emi, nte afo ọmọfọn akan Balak eyen Zippor, kpa edidem Moab?+ Nte akanam enye ọtọhọ ye Israel, m̀mê an̄wana ye mmọ? 26  Ke adan̄aemi Israel okodụn̄de ke Heshbon ye n̄kpri obio+ esie ye ke Aroer+ ye n̄kpri obio esie ye ke kpukpru obio emi ẹdude ke mben akpa Arnon ke isua ikie ita, ntak emi afo mûkawamakede mmọ ubọ ke ofụri ini oro?+ 27  Amaedi ami, nnamke fi idiọkn̄kpọ ndomokiet, edi afo amanam mi idiọk ke ndin̄wana ye ami. Yak Jehovah kpa Ebiereikpe,+ ekpe ikpe ke ufọt nditọ Israel ye nditọ Ammon mfịn emi.’” 28  Edi edidem nditọ Ammon ikakpan̄ke utọn̄ ke etop oro Jephthah ọkọdọn̄de ọnọ enye.+ 29  Ekem spirit Jehovah edidoro Jephthah ke idem,+ ndien enye asan̄a ke Gilead ebe onyụn̄ asan̄a ke Manasseh ebe onyụn̄ asan̄a ke Mizpeh mbon Gilead+ ebe, ndien enye oto ke Mizpeh mbon Gilead asan̄a edisịm nditọ Ammon. 30  Ekem Jephthah anam akan̄a+ ọnọ Jehovah, ete: “Edieke afo edidade nditọ Ammon esịn mi ke ubọk, 31  owo eke ediwọrọde edi, editode ke enyịnusụn̄ ufọk mi ọwọrọ edisobo ye ami ke ini ntode ndin̄wana ye nditọ Ammon nnyọn̄ ndi ke emem,+ enye ayakabade edi eke Jehovah,+ nyonyụn̄ n̄wa enye nte edifọp uwa.”+ 32  Ntre Jephthah asan̄a ekesịm nditọ Ammon ndin̄wana ye mmọ, ndien Jehovah ayak mmọ esịn enye ke ubọk. 33  Ndien enye owot mmọ ọkwọkudịm ọtọn̄ọde ke Aroer tutu esịm Minnith+—obio edịp—tutu onyụn̄ esịm Abel-keramim. Ntem, nditọ Israel ẹkan nditọ Ammon. 34  Ekem Jephthah ọnyọn̄ edisịm ufọk esie ke Mizpah,+ ndien, sese! adiaha esie ke ọwọrọ edi ndisobo ye enye, amia ekọmọ onyụn̄ enek unek.+ Ndien enye ekedi n̄kukụre eyen oro enye enyenede. Enye ikenyeneke eyeneren m̀mê eyenan̄wan ke ebede enye. 35  Edikem ke ini enye adade okụt adiaha esie, enye awak ọfọn̄idem+ esie onyụn̄ ọdọhọ ete: “O adiaha mi! Afo amanam mi mfụhọ, afo ke ami ndisio nnọ. Koro mma ntat inua mi n̄kan̄a akan̄a nnọ Jehovah, ndikemeke ndifiak edem.”+ 36  Edi adiaha esie ọdọhọ enye ete: “Ete mi, edieke edide afo ama atat inua fo akan̄a akan̄a ọnọ Jehovah, nam ye ami se ikọwọrọde fi ke inua,+ koro Jehovah omosio usiene ye mme asua fo, kpa nditọ Ammon.” 37  Ndien enye ọdọhọ ete esie ete: “Nam n̄kpọ emi nọ mi: Nọ mi ọfiọn̄ iba, ndien yak n̄ka n̄kasan̄a ke mme obot, ami ye mme ufan mi iban, nnyụn̄ ntua ke emi mmendifiọkke erenowo.”+ 38  Ndien ete esie ọdọhọ enye ete: “Ka!” Ntre ayak enye aka ọfiọn̄ iba; ndien enye asan̄a ye mme ufan esie iban aka, ẹkesan̄a ke mme obot ẹtua sia enye mîdifiọkke erenowo. 39  Edikem ke ọfiọn̄ iba ẹma ẹkebe enye afiak ọnyọn̄ ebịne ete esie, ndien ete esie osio akan̄a oro enye akakan̄ade aban̄a enye.+ Edi enye ikenyeneke ebuana ye erenowo ke ofụri eyouwem esie. Ndien akabade edi ido ke Israel: 40  Nditọiban Israel ẹsika ke isua ke isua ẹketoro adiaha Jephthah kpa owo Gilead, usen inan̄ ke isua.+

Mme Ikọ Idakisọn̄