Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Judges 1;1-36

1  Ekem ke Joshua ama akakpa,+ nditọ Israel ẹbụp+ Jehovah ẹte: “Anie ke otu nnyịn edibem iso ọdọk akan̄wana ye mbon Canaan?”  Ndien Jehovah ọbọrọ ete: “Judah edidọk aka.+ Sese! Ami nditreke ndida isọn̄ oro nsịn enye ke ubọk.”  Ndien Judah ọdọhọ Simeon eyeneka esie ete: “Tiene mi di idọk ika udeme isọn̄ emi ẹdade afia+ ẹbahade ẹnọ mi man ikan̄wana ye mbon Canaan, ami nyonyụn̄ ntiene fi ndọk n̄ka udeme isọn̄ fo.”+ Ndien Simeon etiene enye.+  Ntre ke Judah ọdọk, ndien Jehovah ada mbon Canaan ye mme Perizzite esịn mmọ ke ubọk,+ ndien mmọ ẹkan mmọ ke Bezek, owo tọsịn duop.  Ke ini mmọ ẹkụtde Adoni-bezek ke Bezek, mmọ ẹn̄wana ye enye ẹnyụn̄ ẹkan mbon Canaan+ ye mme Perizzite.+  Ke ini Adoni-bezek efehede, mmọ ẹbịne enye ẹnyụn̄ ẹkemụm enye, ndien ẹkpok enye akpan nnuenubọk ye akpan nnuenukot.  Ntem ke Adoni-bezek ọdọhọ ete: “Ndidem ata ye duop emi ẹkekpokde mmọ akpan nnuenubọk ye akpan nnuenukot ke ẹtan̄ udia ẹdia ke idak okpokoro mi. Kpa nte n̄kanamde ye mmọ, ntre ke Abasi osio mi usiene.”+ Ekem mmọ ẹda enye ẹdi Jerusalem+ ndien enye akpa do.  Ke oro ama ekebe, nditọ Judah ẹn̄wana ekọn̄ ye Jerusalem+ ẹnyụn̄ ẹda enye ẹnyene, ndien ẹsobo mme andidụn̄ ke iso akan̄kan̄, ẹnyụn̄ ẹfọp obio oro ke ikan̄.  Edikem nditọ Judah ẹsụhọde ẹka ndin̄wana ekọn̄ ye mbon Canaan emi ẹdụn̄de ke obot obot ikpehe ye Negeb+ ye Shephelah.+ 10  Ndien Judah ada ekọn̄ etiene mbon Canaan emi ẹkedụn̄de ke Hebron+ (enyịn̄ Hebron ke mbemiso ekedi Kiriath-arba),+ mmọ ẹnyụn̄ ẹsobo Sheshai ye Ahiman ye Talmai.+ 11  Ndien mmọ ẹto do ẹda ekọn̄ ẹtiene mme andidụn̄ Debir.+ (Enyịn̄ Debir ke mbemiso ekedi Kiriath-sepher.)+ 12  Ekem Caleb+ ọdọhọ ete: “Owo ekededi eke edin̄wanade ye Kiriath-sepher edinyụn̄ akande enye, nyọnọ enye Achsah+ eyen mi an̄wan ọdọ.”+ 13  Ndien Othniel+ eyen Kenaz+ ekpri eyenete Caleb,+ akan obio oro. Ntre ke enye ọnọ enye Achsah eyen esie an̄wan ọdọ.+ 14  Edikem nte eyenan̄wan emi akade ke usụn̄ unyọn̄, enye eyịre ebe esie ete eben̄e ete imọ in̄wan̄. Ndien eyenan̄wan oro akwak ubọk ke ini enye odorode ke ass.+ Ntem Caleb obụp enye ete: “Nso ke afo oyom?” 15  Ntre enye ọbọrọ ete: “Diọn̄ mi,+ koro afo ọnọde mi ubak isọn̄ n̄kan̄ edem usụk, nọ mi Gulloth-maim.” Ntem ke Caleb ọnọ enye Enyọn̄ Enyọn̄ Gulloth+ ye Usụk Usụk Gulloth. 16  Ndien nditọ Kenite,+ emi Moses ekedide ebe eyen mmọ,+ ẹsan̄a ye nditọ Judah ẹto obio eyop+ ẹka wilderness Judah, emi odude ke edem usụk Arad.+ Ekem mmọ ẹka ẹkedụn̄ ye mbio oro.+ 17  Edi Judah asan̄a ye Simeon eyeneka esie aka ekọn̄, mmọ ẹnyụn̄ ẹn̄wana ye mbon Canaan emi ẹdụn̄de ke Zephath ẹnyụn̄ ẹsobo obio oro ẹfep.+ Mmọdo enyịn̄ obio oro edide Hormah.+ 18  Ke oro ebede, Judah akan Gaza+ ye n̄kann̄kụk esie ye Ashkelon+ ye n̄kann̄kụk esie ye Ekron+ ye n̄kann̄kụk esie. 19  Ndien Jehovah aka iso odu ye Judah, enye onyụn̄ ada obot obot ikpehe enyene, edi enye ikekemeke ndibịn mme andidụn̄ unaisọn̄ itịghede mfep, koro mmọ ẹkenyenede chariot+ ukwak emi enyenede ofụt.+ 20  Ke ini mmọ ẹkedade Hebron ẹnọ Caleb, kpa nte Moses ọkọn̄wọn̄ọde,+ enye ama ebịn nditọiren Anak+ mbita efep. 21  Ndien nditọ Benjamin ikebịnke mbon Jebus emi ẹkedụn̄de ke Jerusalem ifep;+ edi mbon Jebus ke ẹdodụn̄ ye nditọ Benjamin ke Jerusalem tutu esịm mfịn emi.+ 22  Ke emi, ufọk Joseph+ n̄ko ẹma ẹdọk ẹka ekọn̄ ye Bethel,+ Jehovah onyụn̄ odu ye mmọ.+ 23  Ndien ufọk Joseph ẹdọn̄ ẹkeyep+ Bethel (enyịn̄ obio oro ke mbemiso ekedi Luz),+ 24  ndien mbon uyep ẹkụt eren kiet nte ọwọrọde ke obio oro. Ntre mmọ ẹdọhọ enye ẹte: “Mbọk wụt nnyịn usụn̄ emi ẹsan̄ade ẹdụk obio emi, ndien nnyịn iditreke ndifọn ido ye afo.”+ 25  Ntre ke owo oro owụt mmọ usụn̄ emi ẹsan̄ade ẹdụk obio oro; ndien mmọ ẹka ẹkesobo obio oro ke iso akan̄kan̄,+ edi ẹyak owo oro ye ofụri ufọk esie ẹnyọn̄ọ.+ 26  Ntre ke owo oro ọwọrọ aka isọn̄ mme Hittite,+ akasiak obio do onyụn̄ okot enye Luz. Enyịn̄ esie edi oro tutu esịm mfịn emi. 27  Ndien Manasseh+ ikakanke Beth-shean+ ye n̄kpri obio esie ye Taanach+ ye n̄kpri obio esie ye mme andidụn̄ Dor+ ye n̄kpri obio esie ye mme andidụn̄ Ibleam+ ye n̄kpri obio esie ye mme andidụn̄ Megiddo+ ye n̄kpri obio esie, edi mbon Canaan ẹka iso ẹdụn̄ ke isọn̄ emi.+ 28  Edikem Israel ọsọn̄ odudu+ onyụn̄ enyịk mbon Canaan ẹnam ọkpọsọn̄ utom,+ ndien ikebịnke mmọ ifep ofụri ofụri.+ 29  Ephraim ikonyụn̄ ibịnke mbon Canaan emi ẹkedụn̄de ke Gezer ifep, edi mbon Canaan ẹka iso ẹdụn̄ ke otu mmọ ke Gezer.+ 30  Zebulun+ ikebịnke mme andidụn̄ ke Kitron ye mme andidụn̄ Nahalol+ ifep, edi mbon Canaan ẹka iso ẹdụn̄ ke otu mmọ,+ ndien Zebulun ẹnyịk mmọ ẹnam ọkpọsọn̄ utom.+ 31  Asher+ ikebịnke mme andidụn̄ ke Acco ye mme andidụn̄ ke Sidon+ ye Ahlab ye Achzib+ ye Helbah ye Aphik+ ye Rehob,+ ifep. 32  Ndien mbon Asher ẹka iso ẹdụn̄ ke otu mbon Canaan emi ẹkedụn̄de ke isọn̄ oro, koro mmọ mîkebịnke mmọ ifep.+ 33  Naphtali+ ikebịnke mme andidụn̄ ke Beth-shemesh ye mme andidụn̄ ke Beth-anath+ ifep, edi mmọ ẹka iso ẹdụn̄ ke otu mbon Canaan emi ẹdụn̄de ke isọn̄ oro;+ ndien ẹnyịk mme andidụn̄ ke Beth-shemesh ye Beth-anath ẹkabade ẹdi mme andinam ọkpọsọn̄ utom+ nnọ mmọ. 34  Ndien mme Amorite ẹbịn nditọ Dan+ ẹdọn̄ ke obot obot ikpehe, koro mmọ mîkayakke mmọ ẹsụhọde ẹdụk unaisọn̄ itịghede.+ 35  Ntre mme Amorite ẹyịre ndidụn̄ ke Obot Heres ye ke Aijalon+ ye Shaalbim.+ Edi ufọk Joseph ẹnen̄ede ẹsọn̄ ubọk tutu ẹnyịk mmọ ẹnam ọkpọsọn̄ utom.+ 36  Ndien adan̄a mme Amorite ọkọtọn̄ọ ke usụn̄ emi ọdọkde aka Akrabbim,+ tọn̄ọde ke Sela dọk.

Mme Ikọ Idakisọn̄