Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Jude 1;1-25

 Ami Jude, ofụn Jesus Christ, emi ndide eyeneka James,+ n̄wet n̄wed emi nnọ ẹsọk mbon emi ẹkotde+ emi ẹbuanade n̄kpọ ye Abasi oro edide Ete,+ kpa mbon oro ẹmade, emi ẹnyụn̄ ẹkpemede+ ẹnịm ẹnọ Jesus Christ:  Ẹkpekam ẹnam mbọm+ ye emem+ ye ima+ ọdọdiọn̄ awak ọnọ mbufo. +  Ndima,+ okposụkedi n̄kesịnde ofụri ukeme ndiwet mbufo mban̄a edinyan̄a emi kpukpru nnyịn idinyenede,+ mmokụt ke oyom n̄wet n̄kpe ye mbufo nte ẹsọn̄ọ ẹn̄wana ọkpọsọn̄ en̄wan kaban̄a mbuọtidem+ emi ẹkeyakde ẹnọ ndisana owo ini kiet ko.+  Ntak edi nte ke ndusụk owo ẹmedọn̄ ikpat ndịbe ndịbe ẹdụk ẹdi,+ kpa mbon emi N̄wed Abasi ekemekde+ ke anyan ini ko enịm ọnọ ubiomikpe emi,+ mbon emi mîten̄eke Abasi,+ emi ẹwọn̄ọrede mfọnido Abasi nnyịn oro owo mîdotke ẹsịn ke ndinam obukpo ido+ mînyụn̄ inamke akpanikọ+ inọ n̄kukụre Andinyene+ nnyịn ye Ọbọn̄+ nnyịn, Jesus Christ.  Ọdọn̄ mi nditi mbufo, kpa ye oro mbufo ẹma ẹkefiọk kpukpru n̄kpọ+ ini kiet ko, nte ke Jehovah, okposụkedi enye akanyan̄ade mme owo osio ke isọn̄ Egypt,+ ke oro ebede, enye ama osobo mbon oro mînyeneke mbuọtidem.+  Ndien mme angel oro mîkomụmke akpa itie mmọ ikama edi ẹkpọn̄de nnennen ebietidụn̄+ mmọ, enye ama ọkọbi mmọ ke nsinsi n̄kpọkọbi+ enịm ke makmak ekịm ebet ubiereikpe akwa usen oro.+  Ntre n̄ko Sodom ye Gomorrah ye mme obio oro ẹkekande mmọ ẹkụk,+ ke mmọ ẹma ẹkenam use ẹbe nde kpa nte mbon emi ẹkenamde ẹnyụn̄ ẹwọn̄ọde ẹtiene obụkidem ndinam ido eke mîkemke ye obot,+ ẹsio mmọ ẹnịm nnyịn ke iso nte uwụtn̄kpọ+ ndidụri owo utọn̄ ke ndinọ mmọ ubiereikpe ufen nsinsi ikan̄.+  Kpasụk ntre, mmọ emi, n̄ko, kpa ye oro, ẹma ẹsịn idem ke ndap ndap ekikere,+ ẹsabade obụkidem ẹnyụn̄ ẹfụmi itie ubọn̄+ ẹnyụn̄ ẹsụn̄i mme akama itie ubọn̄.+  Edi ke ini Michael+ etubom mme angel+ mîkenyịmeke inọ+ Devil edi enenide aban̄a okpo+ Moses, enye ikedehedei ida ikọ isụn̄i+ ibiom enye ikpe, edi ọkọdọhọ ete: “Jehovah akpakam asua ọnọ fi.”+ 10  Edi mmọ emi ẹsụn̄i kpukpru n̄kpọ eke mmọ mîtịmke ifiọk;+ ndien kpukpru n̄kpọ emi mmọ ẹfiọkde ke ndammana usụn̄ kpa nte mme unam emi mîsikereke n̄kpọ,+ mmọ ẹka iso ndida mme n̄kpọ emi mbiat+ idemmọ. 11  Etetịm ọdiọk ye mmọ, koro mmọ ẹsan̄ade ke afan̄ Cain,+ ẹnyụn̄ ẹbụmerede ẹdụk idiọk usụn̄ Balaam+ ẹyom utịp, ẹnyụn̄ ẹtakde ke ikọ nsọn̄ibuot+ Korah!+ 12  Mmọ ẹdi mme itiat emi ẹdịbede ke isọn̄ mmọn̄ ke mme usọrọ+ ima mbufo ke adan̄aemi mmọ ẹdiade udia ye mbufo, kpa mme ọbọkerọn̄ emi mîkopke ndịk ndibọk idemmọ;+ mmọ ẹdi idiọk enyọn̄ eke mîsion̄oke edịm, emi ofụm+ emende ebe;+ mmọ ẹbiet mme eto utịt ini idọk eke mîn̄wụmke mfri, emi ẹkpan̄ade utịm ikaba, ẹnyụn̄ ẹwụberede ẹduọn̄ọ;+ 13  mmọ ẹdi aya inyan̄ emi ẹsion̄ode efot ẹda ẹsuene idemmọ;+ mmọ ẹdi mme nyon̄ ntantaọfiọn̄ emi ẹnịmde makmak ekịm ẹnọ mmọ ke nsinsi.+ 14  Ih, Enoch,+ emi edide ọyọhọ owo itiaba ke udịm ubon Adam, ama etịn̄ ntịn̄nnịm ikọ n̄ko aban̄a mmọ, ke ini enye ọkọdọhọde ete: “Sese! Jehovah asan̄a ye akwa udịm ndisana angel+ esie edi, 15  ndibiere ikpe nnọ kpukpru owo,+ ndinyụn̄ mbiom kpukpru mbon emi mîten̄eke Abasi ikpe mban̄a kpukpru edinam unana uten̄e Abasi emi mmọ ẹkenamde ke usụn̄ unana uten̄e Abasi, ye kaban̄a kpukpru mbukpo n̄kpọ oro mme anamidiọk oro mîten̄eke Abasi ẹketịn̄de ẹdian enye.”+ 16  Mmọ ẹdi mbon nsụkuyo,+ mbon oro ẹsemede ẹban̄a itie mmọ ke uwem, ẹsan̄ade ke udọn̄ idemmọ,+ inua mmọ onyụn̄ etịn̄ ikọ iseri,+ mmọ ẹnyụn̄ ẹma mme ọwọrọiso owo+ ke ufọn idemmọ. 17  Ndima, mbufo ẹti ikọ emi mme apostle Ọbọn̄ nnyịn Jesus Christ ẹkebemde iso ẹtịn̄,+ 18  nte mmọ ẹkesidọhọde mbufo ẹte: “Mbon nsahi ẹyedu ke ukperedem ini, ẹnyụn̄ ẹsan̄a ke udọn̄ idemmọ ke mbubiam n̄kpọ.”+ 19  Mmọ emi ẹdi mbon oro ẹtọde ubahade,+ mme owo mbiet unam,+ inyeneke spirit Abasi.+ 20  Edi ndima, ẹda ata edisana mbuọtidem+ ẹbọp idem mbufo,+ ẹnyụn̄ ẹbọn̄ akam ke edisana spirit,+ 21  ẹnịm idem mbufo ke ima Abasi,+ ke adan̄aemi mbufo ẹtiede ẹbet mbọm+ Ọbọn̄ nnyịn Jesus Christ ye idotenyịn ndinyene nsinsi uwem.+ 22  N̄ko, ẹka iso ẹtua ndusụk mbon emi ẹnyenede eyịghe+ mbọm;+ 23  ẹnyan̄a mmọ+ ke ndidabade mmọ nsio ke ikan̄.+ Ndien ẹka iso nditua mbon eken mbọm, ẹnyụn̄ ẹkpeme idem nte ẹnamde emi, ndien ẹsua kpa ọfọn̄ idakidem oro obụkidem anamde edehe.+ 24  Ndien amaedi enye emi ekemede ndikpeme+ mbufo mbak mbufo ẹdituak ukot ẹduọn̄ọ emi onyụn̄ anamde mbufo ẹnana ndo+ ke iso ubọn̄ esie ye akwa idatesịt, 25  emi edide n̄kukụre Abasi Andinyan̄a+ nnyịn ebe ke Jesus Christ+ Ọbọn̄ nnyịn, yak ubọn̄,+ ye ubom, ye odudu,+ ye edikara,+ ẹnyene enye ke ofụri eyo emi ekebede+ ye ke eyo emi ye ke nsinsi nsinsi.+ Amen.+

Mme Ikọ Idakisọn̄