Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joshua 9;1-27

9  Edikem ke ndondo oro kpukpru ndidem+ emi ẹdude ke edem Jordan ke ikpehe oro etiede obot obot ye ke Shephelah ye ke ofụri mben Akwa Inyan̄+ ye ke iso Lebanon,+ kpa mme Hittite+ ye mme Amorite, ye mbon Canaan,+ ye mme Perizzite,+ ye mme Hivite ye mbon Jebus,+ ẹkopde n̄kpọ emi,  mmọ ẹsop idem ọtọkiet ye esịt kiet ndin̄wana ekọn̄ ye Joshua ye Israel.+  Ndien mme andidụn̄ Gibeon+ ẹkop se Joshua akanamde Jericho+ ye Ai.+  Ntre mmọ ẹnyịme ke otu idemmọ ndida mbufiọk+ nnam n̄kpọ, ẹda udia ẹkama ẹnyụn̄ ẹdori ntaha ekpat ke mme ass mmọ, ẹnyụn̄ ẹbọp ntaha ikpa wine emi asiahade+ ẹkama,  ẹnyụn̄ ẹsịne ntaha ikpaukot emi ẹkịmde, ye ntaha ọfọn̄ ke idem, ndien kpukpru uyo emi mmọ ẹkamade ẹsat ẹnyụn̄ ẹbehe.  Ndien mmọ ẹka ẹbịne Joshua ke Gilgal,+ ẹkedọhọ enye ye mbon Israel, ẹte: “Nnyịn ito anyan idụt idi. Ndien, ke emi, mbufo ẹnam ediomi+ ye nnyịn.”  Ndien mbon Israel ẹdọhọ mme Hivite+ ẹte: “Eyedi mbufo ẹdụn̄ ke mbọhọ nnyịn. Mmọdo, ikeme didie ndinam ediomi ye mbufo?”+  Ndien mmọ ẹdọhọ Joshua ẹte: “Nnyịn idi mme asan̄autom fo.”+ Ekem Joshua obụp mmọ ete: “Mbufo ẹdi mmanie, ẹnyụn̄ ẹto m̀mọ̀n̄?”  Ndien mmọ ẹbọrọ enye ẹte: “Mme asan̄autom fo ẹto ata anyan idụt+ ẹdi ke ntak enyịn̄+ Jehovah Abasi mbufo, koro nnyịn imokop etop esie ye kpukpru se enye akanamde ke Egypt,+ 10  ye kpukpru se enye akanamde ndidem Amorite mbiba, emi ẹkedude ke edem Jordan oko, kpa Sihon+ edidem Heshbon ye Og+ edidem Bashan, emi okodude ke Ashtaroth.+ 11  Oro anam mbiowo nnyịn ye kpukpru mme andidụn̄ obio nnyịn ẹdọhọde nnyịn ẹte,+ ‘Ẹda udia usụn̄ isan̄ ẹkama ẹnyụn̄ ẹka ẹkesobo ye mmọ, ndien mbufo ẹdọhọ mmọ ẹte: “Nnyịn idi ikọt mbufo.+ Ndien, ke emi, mbufo ẹnam ediomi ye nnyịn.”’+ 12  Uyo nnyịn emi ekedi ufiop ke ini nnyịn ikadade enye ikpọn̄ ufọk ite idi ibịne mbufo, ndien ke emi, sese! enye asat onyụn̄ ebehe.+ 13  Mme ikpa wine emi ẹkedi mbufa ke ini nnyịn ikọdọn̄de wine, edi sese! mmọ ẹmesiaha,+ ndien ọfọn̄ ye ikpaukot nnyịn ẹnyụn̄ ẹtaha ke ntak anyan usụn̄ isan̄.” 14  Ndien mbio oro ẹbọ ndusụk udia mmọ, inyụn̄ ibụpke uyo Jehovah.+ 15  Ndien Joshua anam emem ye mmọ+ onyụn̄ anam ediomi ye mmọ ndinịm mmọ uwem, ntem ke mbọn̄ esop+ ẹnyụn̄ ẹn̄wọn̄ọ un̄wọn̄ọ ẹnọ mmọ.+ 16  Edikem ke utịt usen ita, ke mmọ ẹma ẹkenam ediomi ye mbon Gibeon, mmọ ẹdikop ke mbon Gibeon ẹdu ẹkpere mmimọ, ye nte ke mmọ ẹdụn̄ ke mbọhọ mmimọ. 17  Ndien nditọ Israel ẹdaha isan̄ ẹnyụn̄ ẹdisịm obio mmọ ke ọyọhọ usen ita, obio mmọ ẹkedi Gibeon+ ye Chephirah+ ye Beeroth+ ye Kiriath-jearim.+ 18  Nditọ Israel ikonyụn̄ in̄wanake ye mmọ, sia mbọn̄ esop ẹma ẹketomo+ enyịn̄ Jehovah Abasi Israel ẹnọ mmọ.+ Ndien ofụri esop ẹtọn̄ọ ndisụk mbọn̄ oro uyo.+ 19  Ndien kpukpru mbọn̄ ẹdọhọ ofụri esop ẹte: “Nnyịn ke idem nnyịn ima itomo enyịn̄ Jehovah Abasi Israel inọ mmọ, ndien ke emi, nnyịn idikemeke ndinam mmọ idiọk.+ 20  Se nnyịn idinamde mmọ edi emi ke adan̄aemi iyakde mmọ ẹdu uwem, mbak iyatesịt edidoro nnyịn ke idem ke ntak un̄wọn̄ọ oro ikọn̄wọn̄ọde inọ mmọ.”+ 21  Mmọdo mbọn̄ oro ẹdọhọ mmọ ẹte: “Yak mmọ ẹdu uwem ẹnyụn̄ ẹdi mme aka-ifia ye mme okoi-mmọn̄ nnọ ofụri esop,+ kpa nte mbọn̄ ẹken̄wọn̄ọde ẹnọ mmọ.”+ 22  Ekem Joshua okot mmọ onyụn̄ ọdọhọ mmọ ete: “Ntak emi mbufo ẹkebian̄ade nnyịn ẹnyụn̄ ẹdọhọde ẹte, ‘Nnyịn ito ata anyan ebiet idi,’+ ke ini edide mbufo ẹdụn̄ mi ke otu nnyịn?+ 23  Ndien ke emi mbufo ẹdi mbon oro ẹsụn̄ide,+ mbufo idinyụn̄ itreke ndidi ifịn+ ye mme aka ifia ye mme okoi mmọn̄ nnọ ufọk Abasi mi.”+ 24  Ndien mmọ ẹbọrọ Joshua ẹte: “Edi koro ẹma ẹtịn̄ in̄wan̄-in̄wan̄ ẹnọ mme asan̄autom fo ẹte ke Jehovah Abasi fo ama owụk Moses asan̄autom esie ete ọnọ mbufo ofụri isọn̄ emi onyụn̄ osobo kpukpru mme andidụn̄ isọn̄ emi efep ke iso mbufo,+ ndien nnyịn ima ikop ndịk etieti iban̄a ukpọn̄ nnyịn ke ntak mbufo.+ Ntak edi oro nnyịn ikanamde n̄kpọ emi.+ 25  Ndien ke emi, se nnyịn mi ke ubọk fo. Nam ye nnyịn kpa nte ọfọnde onyụn̄ enende fi ke enyịn.”+ 26  Ndien enye anam ntre ye mmọ onyụn̄ anyan̄a mmọ osio ke ubọk nditọ Israel, ndien mmọ iwotke mmọ.+ 27  Ntem ke Joshua enịm+ mmọ ke usen oro nte mme aka ifia ye mme okoi mmọn̄ nnọ mbio esop+ ye itieuwa Jehovah, tutu esịm mfịn emi, ke ebiet emi enye edimekde.+

Mme Ikọ Idakisọn̄