Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joshua 5;1-15

5  Edikem ke ndondo oro kpukpru ndidem Amorite+ emi ẹdude ke n̄kan̄ edem usoputịn Jordan, ye kpukpru ndidem Canaan,+ emi ẹdude ke mbeninyan̄, ẹkopde ke Jehovah ama anam mmọn̄ Jordan asat ke iso nditọ Israel tutu mmọ ẹsan̄a ẹbe, nsia ọtọn̄ọ ndiyemede mmọ,+ ibifịk inyụn̄ idụhe mmọ aba ke idem ke ntak nditọ Israel.+  Ke ini oro Jehovah ọdọhọ Joshua ete: “Da itiat nam ikwa nọ idemfo nyụn̄ tọn̄ọ ntak nịm nditọ Israel mbobi,+ ọyọhọ ikaba.”  Ntre ke Joshua ada itiat anam ikwa ọnọ idemesie onyụn̄ enịm nditọ Israel mbobi ke Gibeath-haaraloth.+  Ndien ntak emi Joshua ekenịmde mbobi oro edi emi: kpukpru owo emi ẹkewọn̄ọde ke Egypt, oro edi irenowo, kpukpru irenowo oro ẹsịmde isua uka ekọn̄, ẹma ẹkpan̄a+ ke usụn̄ ke wilderness ke ini emi mmọ ẹkewọn̄ọde ke Egypt.  Koro ẹma ẹnịm kpukpru mbon emi ẹkewọn̄ọde ke Egypt mbobi, edi owo ikenịmke kpukpru mbon emi ẹkemanade ke usụn̄ ke wilderness ke ini mmọ ẹkewọn̄ọde ke Egypt.  Koro nditọ Israel ẹkesan̄ade isua aba+ ke wilderness, tutu kpukpru irenowo oro ẹkesịmde isua uka ekọn̄, emi ẹkewọn̄ọde ke Egypt, emi mîkonyụn̄ ikopke uyo Jehovah ẹkpan̄a ẹkụre, kpa mmọ emi Jehovah ọkọn̄wọn̄ọde ete ke mmọ idikwe isọn̄+ emi Jehovah ọkọn̄wọn̄ọde ọnọ mme ete ete mmọ ete ke iyọnọ nnyịn,+ kpa isọn̄ emi ọfiọrọde mmọn̄eba ye aranọkwọk.+  Ndien enye emen nditọ enịm ke itie mmọ.+ Mmọ ke Joshua ekenịm mbobi, koro mmọ mîkanaha mbobi, sia owo mîkenịmke mmọ mbobi ke usụn̄.  Edikem ke ini mmọ ẹma ẹkenịm ofụri idụt oro mbobi, mmọ ẹdu do ke itienna tutu idem ọsọn̄ mmọ.+  Ekem Jehovah ọdọhọ Joshua ete: “Mfịn emi ami mmemen esuene Egypt mfep ke idem mbufo.”+ Mmọdo enyịn̄ ebiet oro ekerede Gilgal+ tutu esịm mfịn emi. 10  Ndien nditọ Israel ẹka iso ẹnam nna ke Gilgal, ẹnyụn̄ ẹnịm passover ke ọyọhọ usen duopenan̄ ke ọfiọn̄+ oro, ke mbubreyo, ke unaisọn̄ desat Jericho. 11  Ndien mmọ ẹtọn̄ọ ndidia ndusụk mbun̄wụm isọn̄ oro ke edem usen passover oro, ẹta edisan̄ uyo eke leaven mîdụhe+ ye edifọp wheat* kpa ke usen oro. 12  Ntem ke manna etre ke edem usen oro ke mmọ ẹma ẹkedia ndusụk mbun̄wụm isọn̄ oro, manna inyụn̄ idụhe aba inọ nditọ Israel,+ mmọ ẹnyụn̄ ẹtọn̄ọ ndidia ndusụk mbun̄wụm isọn̄ Canaan ke isua oro.+ 13  Edikem ke ini Joshua ekperede Jericho enye emenede enyịn esie, onyụn̄ okụt nte owo+ adade enye ke iso akama akan̄kan̄ ke ubọk.+ Ntre ke Joshua asan̄a ebịne enye onyụn̄ okobụp enye ete: “Ndi afo ada ye nnyịn m̀mê ada ye mme asua nnyịn?” 14  Ndien owo oro ọbọrọ ete: “Ndaha nnọ ndomokiet, edi ndi nte ọbọn̄ udịmekọn̄ Jehovah.”+ Ntem Joshua ọduọ+ ekịbi iso ke isọn̄ onyụn̄ ọdọhọ enye ete: “Nso ke ọbọn̄ mi ọdọhọ asan̄autom esie?” 15  Ekem ọbọn̄ udịmekọn̄ Jehovah ọdọhọ Joshua ete: “Sio ikpaukot ke ukot fo fep, koro ebiet emi afo adade edide edisana.” Ndien Joshua anam ntre iwiwa.+

Mme Ikọ Idakisọn̄

Mîdịghe, emi ekeme ndidi “barley.”