Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joshua 4;1-24

4  Edikem ke ndondo oro ofụri idụt oro ẹma ẹkesan̄a ke Jordan ẹbe,+ Jehovah ọdọhọ Joshua ete:  “Sio irenowo duopeba ke otu mbio emi, owo kiet ke esien kiet,+  nyụn̄ wụk mmọ ete, ‘Mbufo ẹmen itiat duopeba+ ke ufọt Jordan, ke ọtọ emi mme oku ẹketuakde ẹda, mîkonyụn̄ isioho ikpat,+ ẹnyụn̄ ẹmen mmọ ẹbiom ẹbe ẹkebon ke itie emi mbufo ẹdinade+ okoneyo emi.’”  Ntre ke Joshua okot irenowo duopeba+ emi enye ekemekde ke otu nditọ Israel, owo kiet ke esien kiet;  ndien Joshua ọdọhọ mmọ ete: “Mbufo ẹbem ekebe Jehovah Abasi mbufo iso ẹsan̄a ẹka ufọt Jordan, mbufo owo kiet kiet ẹmen itiat kiet ẹdori ke afara mbufo, nte ibat esien nditọ Israel edide,  man emi ekpedi idiọn̄ọ ke ufọt mbufo.+ Mbak edieke nditọ mbufo ẹdibụpde ke ini iso, ẹte, ‘Mbufo ẹbon itiat emi ẹnọ nso?’+  Mbufo ẹkpebọrọ mmọ ẹte, ‘Koro ẹkesịbede mmọn̄ Jordan ke iso ekebe ediomi Jehovah.+ Ẹma ẹsịbe mmọn̄ Jordan ke ini ẹkemende enye ẹbe Jordan, ndien mme itiat emi ẹnyene ndidi n̄kpọ editi nnọ nditọ Israel ke nsinsi.’”+  Ndien nditọ Israel ẹnam ntre, kpa nte Joshua okowụkde mmọ, ndien mmọ ẹmen itiat duopeba ke ufọt Jordan, kpa nte Jehovah eketemede Joshua, nte ibat esien nditọ Israel edide;+ mmọ ẹnyụn̄ ẹbiom itiat oro ẹbe ẹka itienna+ ẹkebon mmọ do.  Joshua ama onyụn̄ ọkọk itiat duopeba ke ufọt Jordan ke ọtọ+ emi mme oku oro ẹmende ekebe ediomi ẹketuakde ẹda, ndien mmọ ẹdu do tutu ẹsịm mfịn emi. 10  Ndien mme oku oro ẹkebiomde Ekebe ẹda ke ufọt+ Jordan tutu ẹnam kpukpru se Jehovah okowụkde Joshua ete etịn̄ ọnọ kpukpru owo, nte ekemde ye kpukpru se Moses eketemede Joshua.+ Kpukpru owo ẹnyụn̄ ẹsọsọp+ ẹbe. 11  Ndien edikem ke ndondo oro kpukpru owo ẹma ẹkesan̄a ẹbe, ẹmen ekebe+ Jehovah ẹbe, mme oku ẹnyụn̄ ẹbe, ke iso mbio oro. 12  Ndien nditọ Reuben ye nditọ Gad ye ubak esien Manasseh+ ẹsan̄a ke udịm+ ẹbe ke iso nditọ Israel, kpa nte Moses eketemede mmọ.+ 13  N̄kpọ nte owo tọsịn aba emi ẹketịmde idem ẹnọ ekọn̄ ẹkesan̄a ẹbe ke iso Jehovah ẹka ekọn̄ ke unaisọn̄ desat Jericho. 14  Ke usen oro, Jehovah anam Joshua okpon ke iso ofụri Israel,+ mmọ ẹnyụn̄ ẹtọn̄ọ ndibak enye kpa nte mmọ ẹkebakde Moses ke ofụri usen uwem esie.+ 15  Ekem Jehovah ọdọhọ Joshua ete: 16  “Dọhọ mme oku emi ẹbiomde ekebe ntiense+ ete mmọ ẹwọrọ ke Jordan ẹdọk.” 17  Ntre Joshua ọdọhọ mme oku ete: “Mbufo ẹwọrọ ke Jordan ẹdọk.” 18  Edikem ke ini mme oku oro ẹmende ekebe+ ediomi Jehovah ẹma ẹketo ufọt Jordan ẹwọrọ ẹdọk, mme oku ẹnyụn̄ ẹdoride ekaikpat+ ke edisat isọn̄, mmọn̄ Jordan ọtọn̄ọ ndifiak ke itie esie onyụn̄ ọtọ ọyọhọ+ kpukpru mben akpa oro kpa nte ekedide ke mbemiso. 19  Ndien kpukpru owo ẹto Jordan ẹwọrọ ẹdọk ke ọyọhọ usen duop ke akpa ọfiọn̄ ẹnyụn̄ ẹnam nna ke Gilgal+ ke n̄kan̄ adan̄a edem usiahautịn Jericho. 20  Ndien Joshua atan̄ itiat duopeba oro ẹkemende ke Jordan ọkọk ke Gilgal.+ 21  Enye onyụn̄ ọdọhọ nditọ Israel ete: “Ke ini nditọ mbufo ẹdibụpde mme ete mmọ ke ini iso, ẹte, ‘Mme itiat emi ẹda ẹban̄a nso?’+ 22  Adan̄aoro, mbufo ẹyesian nditọ mbufo ẹte ke ‘Israel akasan̄a ke edisat isọn̄ ebe Jordan emi,+ 23  ke ini Jehovah Abasi mbufo akanamde mmọn̄ Jordan asat ke iso mmọ tutu mmọ ẹsan̄a ke esịt ẹbe, kpa nte Jehovah Abasi mbufo akanamde ke Ididuot Inyan̄, ke ini enye akanamde enye asat ke iso nnyịn tutu nnyịn isan̄a ke esịt ibe;+ 24  man kpukpru owo ke isọn̄ ẹkpefiọk ẹte ke ubọk Jehovah+ edi ọkpọsọn̄,+ man mbufo ẹkpenyụn̄ ẹbak Jehovah Abasi mbufo kpukpru ini.’”+

Mme Ikọ Idakisọn̄