Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joshua 3;1-17

3  Ndien Joshua abak edemede ke usenubọk, enye ye kpukpru nditọ Israel, ẹdaha ke Shittim+ ẹsan̄a tutu ẹdisịm Jordan; mmọ ẹnyụn̄ ẹdan̄ do ke okoneyo mbemiso mmọ ẹsan̄ade ẹbe.  Ekem ke utịt usen ita+ oro, ikpọ owo+ ẹsan̄a ke ufọt itienna ẹbe  ẹnyụn̄ ẹwụk kpukpru owo ẹte: “Ke ndondo oro mbufo ẹdikụtde ekebe ediomi Jehovah Abasi mbufo, ye mme oku, kpa nditọ Levi oro ẹmende enye,+ mbufo ẹdaha ke itie mbufo, ẹnyụn̄ ẹtiene enye,  —edi ẹnịm ufan̄ emi ọniọn̄de ke tọsịn cubit iba ke ufọt mbufo ye ekebe oro;+ ẹkûsan̄a ẹkpere enye—man mbufo ẹfiọk usụn̄ eke ẹdisan̄ade, sia akanam mbufo mîsan̄ake usụn̄ oro.”  Ndien Joshua ọdọhọ kpukpru owo ete: “Ẹnam idem mbufo asana,+ koro n̄kpọn̄ Jehovah ayanam mme utịben̄kpọ ke ufọt mbufo.”+  Ekem Joshua ọdọhọ mme oku ete: “Ẹmen ekebe ediomi+ ẹbem kpukpru owo iso.” Ntre ke mmọ ẹmen ekebe ediomi oro, ẹbem mmọ iso.  Ndien Jehovah ọdọhọ Joshua ete: “Mfịn emi mmọn̄ ntọn̄ọ ndinam fi okpon ke iso ofụri Israel,+ man mmọ ẹkpefiọk ẹte ke kpa nte n̄kodude ye Moses,+ kpasụk ntre ke ndidu ye afo.+  Afo oyowụk+ mme oku emi ẹmende ekebe ediomi, ete, ‘Ke ndondo oro mbufo ẹsịmde mben mmọn̄ Jordan, ẹtuak ẹda+ ke Jordan.’”  Ndien Joshua ọdọhọ nditọ Israel ete: “Mbufo ẹsan̄a ẹkpere ẹnyụn̄ ẹkop ikọ Jehovah Abasi mbufo.” 10  Ekem Joshua ọdọhọ ete: “Emi ke mbufo ẹdida ẹfiọk nte ke odu-uwem Abasi odu ke ufọt mbufo,+ ye nte ke enye iditreke ndibịn mbon Canaan ye mme Hittite ye mme Hivite ye mme Perizzite ye mme Girgashite ye mme Amorite ye mbon Jebus+ mfep ke iso mbufo. 11  Sese! Ekebe ediomi Ọbọn̄ ofụri isọn̄ ọmọn̄ ebem mbufo iso ebe odụk Jordan. 12  Ndien ke emi, mbufo ẹsio irenowo duopeba ke esien Israel, owo kiet ke esien kiet.+ 13  Ndien ke ndondo oro ekaikpat mme oku oro ẹbiomde ekebe Jehovah, kpa Ọbọn̄ ofụri isọn̄, ẹtụkde mmọn̄ Jordan, mmọn̄ Jordan oro eyesịbe, kpa mmọn̄ oro otode ke iso efehe osụhọde, enye ayatuak ada nte ukpehemmọn̄.”+ 14  Edikem ke ini kpukpru owo ẹwọn̄ọde ke tent mmọ esisịt ini mbemiso ẹbede Jordan, mme oku emi ẹbiomde ekebe+ ediomi ẹnyụn̄ ẹbede iso, 15  ye ke ndondo oro mme andibiom Ekebe ẹsịmde Jordan, ke adan̄aemi mme oku oro ẹbiomde Ekebe oro ẹdebide ikpat ke mben mmọn̄ oro (koro mmọn̄ ọkọtọde ọyọhọ ofụri mben akpa+ Jordan ke ofụri ini ukpen̄e oro), 16  mmọn̄ oro otode ke iso efehe osụhọde ọtọn̄ọ ndituak nda. Adaha ada nte ukpehemmọn̄+ ata nsannsan ko ke Adam, kpa obio emi ekperede Zarethan,+ ke adan̄aemi enye oro efehede osụhọde ke inyan̄ Arabah, emi edide Inyan̄ Inụn̄,+ asatde. Ẹma ẹsịbe mmọn̄ oro, ndien kpukpru owo ẹsan̄a ke iso Jericho ẹbe. 17  Mme oku emi ẹmende ekebe ediomi Jehovah ẹsụk ẹdada ke ufọt Jordan oro ke edisat isọn̄,+ inyụn̄ isioho ikpat, ke adan̄aemi ofụri Israel ẹsan̄ade ke edisat isọn̄ ẹbe,+ tutu ofụri idụt oro ẹsan̄a ẹbe Jordan.

Mme Ikọ Idakisọn̄