Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joshua 24;1-33

24  Edikem Joshua okot kpukpru esien Israel obon ọtọkiet ke Shechem+ onyụn̄ okot mbiowo Israel+ ye mme etubom ye mme ebiereikpe ye ikpọ owo, mmọ ẹnyụn̄ ẹda ke iso ata Abasi.+  Ndien Joshua ọdọhọ kpukpru owo ete: “Ntem ke Jehovah Abasi Israel ọdọhọ, ete, ‘Mme ete ete+ mbufo, kpa Terah ete Abraham ye ete Nahor,+ ẹkedụn̄ ke edem Akpa*+ oko ke eset, ndien mmọ ẹkenam n̄kpọ mme abasi efen.  “‘Ekem nda Abraham+ ete ete mbufo ke edem Akpa+ oko nnyụn̄ nnam enye asan̄a akanade ofụri isọn̄ Canaan nnyụn̄ nnam mfri esie awak.+ Ntre mma nnyụn̄ nnọ enye Isaac.+  Ndien nda Jacob ye Esau+ nnọ Isaac. Ekem nnọ Esau Obot Seir nte ada enyene;+ ndien Jacob ye nditọ esie ẹsụhọde ẹka Egypt.+  Ekem nsio Moses ye Aaron+ ndọn̄, nnyụn̄ mmia Egypt ufen ke se n̄kanamde ke otu mmọ;+ ekem nda mbufo n̄wọrọ ke esịt.+  Ke ini n̄kadade mme ete mbufo n̄wọrọ ke Egypt,+ mbufo ẹkenyụn̄ ẹdide ẹdisịm inyan̄, nditọ Egypt ẹma ẹda mme chariot ekọn̄ ye mme awat enan̄-mbakara ekọn̄ ẹbịne+ mme ete mbufo tutu ẹdisịm Ididuot Inyan̄.  Ndien mmọ ẹseme ẹkot Jehovah.+ Ntre enye esịn ekịm ke ufọt mbufo ye nditọ Egypt+ onyụn̄ anam inyan̄ ọtọ emen mmọ onyụn̄ ofụk mmọ,+ mbufo ẹma ẹnyụn̄ ẹda enyịn mbufo ẹkụt se n̄kanamde ke Egypt;+ ẹma ẹnyụn̄ ẹdụn̄ ke wilderness ke ediwak usen.+  “‘Ekem nda mbufo n̄ka isọn̄ mme Amorite emi ẹkedụn̄de ke edem Jordan oko, ndien mmọ ẹn̄wana ye mbufo.+ Ekem nda mmọ nsịn mbufo ke ubọk man mbufo ẹda isọn̄ mmọ ẹnyene, mma nnyụn̄ nsobo mmọ mfep ke iso mbufo.+  Ndien Balak eyen Zippor,+ kpa edidem Moab, adaha ada an̄wana ye Israel.+ Ntre enye ọdọn̄ ẹkekot Balaam eyen Beor ete edisụn̄i mbufo.+ 10  Edi n̄kenyịmeke ndikpan̄ utọn̄ nnọ Balaam.+ Mmọdo enye ama akabade ọdiọn̄ mbufo ediwak ini.+ Ntem ke n̄kanyan̄a mbufo nsio ke ubọk esie.+ 11  “‘Ekem mbufo ẹsan̄a ke Jordan+ ẹbe ẹdisịm Jericho.+ Ndien mme andinyene isọn̄ Jericho, kpa mme Amorite ye mme Perizzite ye mbon Canaan ye mme Hittite ye mme Girgashite ye mme Hivite ye mbon Jebus ẹdaha ẹda ẹn̄wana ye mbufo; edi mma nda mmọ nsịn mbufo ke ubọk.+ 12  Ntre mma mbem iso nnam mmọ ẹkop ndịk ẹban̄a mbufo, ndien nte ini akade, emi ama anam mmọ—ndidem Amorite mbiba—ẹfen̄e ke iso mbufo,+ idịghe koro mbufo ẹkekamade akan̄kan̄ m̀mê utịgha.+ 13  Ntem mma nnọ mbufo isọn̄ emi mbufo mîkakpaha utom ke esịt, ye mme obio eke mbufo mîkọbọpke,+ man ẹdụn̄ ke esịt. In̄wan̄ vine ye in̄wan̄ olive emi mîdịghe mbufo ẹketọ, kpa oro ke mbufo ẹdia.’+ 14  “Ke emi, mbufo ẹbak Jehovah+ ẹnyụn̄ ẹnam n̄kpọ esie ke edinen ido ye ke akpanikọ,+ ẹnyụn̄ ẹduọn̄ọ mme abasi emi mme ete ete mbufo ẹkenamde n̄kpọ mmọ ke edem Akpa oko ye ke Egypt,+ ẹnyụn̄ ẹnam n̄kpọ Jehovah. 15  Ndien edieke ọdiọkde mbufo ke enyịn ndinam n̄kpọ Jehovah, mbufo ẹmek mfịn emi enye emi mbufo ẹdinamde n̄kpọ esie,+ edide mme abasi oro mme ete ete mbufo emi ẹkedude ke edem Akpa oko ẹkenamde n̄kpọ ẹnọ+ m̀mê mme abasi mme Amorite emi mbufo ẹdụn̄de ke isọn̄ mmọ.+ Edi amaedi ami ye mbonufọk mi, nnyịn iyanam n̄kpọ Jehovah.”+ 16  Ntem mmọ ẹbọrọ ẹte: “Nsa nnyịn-o! nnyịn idikpọn̄ke Jehovah ikanam n̄kpọ mme abasi efen. 17  Koro edi Jehovah Abasi nnyịn okosion̄o nnyịn ye mme ete ete nnyịn ke isọn̄ Egypt,+ ke ufọk ufụn,+ onyụn̄ anam ikpọ idiọn̄ọ ke iso nnyịn,+ enye okonyụn̄ ekpeme nnyịn ke ofụri usụn̄ emi ikasan̄ade ye ke otu kpukpru mbon oro nnyịn ikasan̄ade ke ufọt mmọ ibe.+ 18  Jehovah ama onyụn̄ ebịn kpukpru mmọ,+ ye mme Amorite, emi ẹdụn̄de ke isọn̄ oro efep ke iso nnyịn. Amaedi nnyịn, nnyịn n̄ko iyanam n̄kpọ Jehovah, koro enye edide Abasi nnyịn.”+ 19  Ekem Joshua ọdọhọ mmọ ete: “Mbufo idikemeke ndinam n̄kpọ Jehovah, koro enye edide edisana Abasi;+ enye edi Abasi emi oyomde san̄asan̄a utuakibuot.+ Enye idifenke nsọn̄ibuot mbufo ye mme idiọkn̄kpọ mbufo.+ 20  Edi edieke mbufo ẹkpọn̄de Jehovah+ ẹnyụn̄ ẹnamde n̄kpọ isen abasi,+ enye ayakabade anam mbufo idiọk onyụn̄ osobo mbufo okposụkedi enye ọkọfọnde ye mbufo.”+ 21  Ndien mmọ ẹdọhọ Joshua ẹte: “Ihih, nnyịn idinam n̄kpọ Jehovah!”+ 22  Ntem Joshua ọdọhọ mmọ ete: “Mbufo ẹdi ntiense ẹnọ idem mbufo+ ẹte ke mmimọ imemek Jehovah ndinam n̄kpọ nnọ enye.”+ Ndien mmọ ẹbọrọ ẹte: “Nnyịn idi mme ntiense.” 23  “Ndien ke emi ẹsion̄o isen abasi oro ẹdude ke otu mbufo ẹduọn̄ọ,+ ẹnyụn̄ ẹyak esịt mbufo ẹnọ Jehovah Abasi Israel.” 24  Ekem mmọ ẹdọhọ Joshua ẹte: “Nnyịn iyanam n̄kpọ Jehovah Abasi nnyịn, iyonyụn̄ ikop uyo esie!”+ 25  Ndien Joshua anam ediomi ye mmọ ke usen oro onyụn̄ ọnọ mmọ ewụhọ ye ibet+ ke Shechem. 26  Ekem Joshua ewet ikọ emi ke n̄wed ibet Abasi+ onyụn̄ owụk akwa itiat+ ke idak akamba eto+ oro odude ekpere edisana ebiet Jehovah. 27  Ndien Joshua ọdọhọ kpukpru owo ete: “Sese! Itiat emi eyedi ntiense ọnọ nnyịn,+ koro enye omokop kpukpru ikọ emi Jehovah etịn̄de ọnọ nnyịn, enye oyonyụn̄ edi ntiense ọnọ mbufo, man mbufo ẹkûkan̄ Abasi mbufo.” 28  Ndien Joshua anam kpukpru owo ẹnyọn̄ọ ẹka mme udeme+ obio mmọ. 29  Edikem ke mme n̄kpọ emi ẹma ẹkebe, Joshua eyen Nun, kpa asan̄autom Jehovah, akpa ke esịmde isua ikie ye duop.+ 30  Ntre mmọ ẹbụk enye ke udeme obio esie ke Timnath-serah,+ ke obot obot ikpehe Ephraim, ke edem edere Obot Gaash. 31  Israel onyụn̄ aka iso ndinam n̄kpọ Jehovah ke ofụri ini emi Joshua odude uwem ye ke ofụri ini uwem kpukpru mbiowo emi ẹkesụk ẹdude uwem ke Joshua ama akakpa,+ emi ẹkefiọkde kpukpru n̄kpọ emi Jehovah akanamde ọnọ Israel.+ 32  Ndien mmọ ẹtan̄ ọkpọ Joseph+ emi nditọ Israel ẹketan̄de ke Egypt ẹwọrọ, ẹbụk ke Shechem ke in̄wan̄ emi Jacob ekedepde oto nditọ Hamor,+ kpa ete Shechem, ke mbak okụk ikie;+ enye onyụn̄ edi udeme nditọ Joseph.+ 33  Eleazar eyen Aaron onyụn̄ akpa.+ Ntre mmọ ẹbụk enye ke Obot Phinehas eyen esie,+ emi ẹkenọde enye ke obot obot ikpehe Ephraim.

Mme Ikọ Idakisọn̄

Oro edi, “Euphrates.”