Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 23;1-16

23  Edikem ke ediwak usen ẹma ẹkebe ke Jehovah ama akanam Israel ẹnyene nduọkodudu+ ẹbọhọ mme asua emi ẹkekande mmọ ẹkụk, ke Joshua ama ọkọsọn̄ onyụn̄ awak isua,+  Joshua okot ofụri Israel+ ẹdi, mbiowo ye mme etubom ye mme ebiereikpe ye ikpọ owo,+ onyụn̄ ọdọhọ mmọ ete: “Ami mmọsọn̄, mmonyụn̄ n̄wak isua.  Ndien mbufo ke idem mbufo ẹmekụt ofụri se Jehovah Abasi mbufo akanamde ye kpukpru mme idụt emi ke ntak mbufo,+ koro edi Jehovah Abasi mbufo akan̄wana ekọn̄ ọnọ mbufo.+  Sese, mma nsịn afia+ nda mme idụt emi ẹkesụhọde nnọ mme esien mbufo nte udeme, ọkọrọ ye kpukpru mme idụt emi n̄kosobode mfep,+ ọtọn̄ọde ke Jordan tutu esịm Akwa Inyan̄ ke edem usoputịn.+  Ndien edi Jehovah Abasi mbufo ekebịn mmọ efep ke iso mbufo,+ enye okonyụn̄ ebịn mmọ efep ke ntak mbufo, ndien mbufo ẹmeda isọn̄ mmọ ẹnyene, kpa nte Jehovah Abasi mbufo ọkọn̄wọn̄ọde ọnọ mbufo.+  “Ndien mbufo ẹnyene uko+ etieti man ẹnam kpukpru se ẹwetde ke n̄wed+ ibet Moses ẹkûnyụn̄ ẹwọn̄ọde ẹka nnasia m̀mê ufien,+  ẹkûnyụn̄ ẹdụk ke otu mme idụt emi,+ kpa mmọ emi ẹsụhọde ke otu mbufo. Mbufo ẹkûnyụn̄ ẹsiak enyịn̄ mme abasi+ mmọ ẹkûnyụn̄ ẹtomo enyịn̄ mmọ,+ ẹkûnam n̄kpọ mmọ ẹkûnyụn̄ ẹnụhọ ẹnọ mmọ.+  Edi mbufo ẹsọn̄ọ ẹyịre+ ye Jehovah Abasi mbufo, kpa nte mbufo ẹsụk ẹnamde tutu esịm mfịn emi.  Ndien Jehovah eyebịn ikpọ ye n̄kpọsọn̄ idụt efep ke iso mbufo.+ (Ndien baba owo kiet idaha mbufo ke iso tutu esịm mfịn emi.)+ 10  Owo kiet kpọt ke otu mbufo eyebịne tọsịn owo,+ koro edi Jehovah Abasi mbufo an̄wana ekọn̄ ọnọ mbufo,+ kpa nte enye ọkọn̄wọn̄ọde ọnọ mbufo.+ 11  Mbufo ẹnyụn̄ ẹkpeme+ ukpọn̄ mbufo kpukpru ini ke ndima Jehovah Abasi mbufo.+ 12  “Edi edieke mbufo ẹdeide-dei ẹfiak edem+ ẹnyụn̄ ẹsọn̄ọde ẹyịre ye mme idụt emi ẹsụhọde,+ kpa mmọ emi ẹdude ke otu mbufo, ẹnyụn̄ ẹnamde ediomi ndọ+ ye mmọ ẹnyụn̄ ẹbuahade ye mmọ, mmọ ẹnyụn̄ ẹbuahade ye mbufo, 13  mbufo ẹtịm ẹfiọk ẹte ke Jehovah Abasi mbufo idibịnke aba mme idụt emi ifep inọ mbufo;+ mmọ ẹyekabade ẹtie nte afia ye ekpọ ye ikpa+ ẹnọ mbufo, ẹnyụn̄ ẹtie mbufo nte n̄kukịm ke enyịn tutu mbufo ẹtak ẹkụre ke eti isọn̄ emi Jehovah Abasi mbufo ọnọde mbufo.+ 14  “Ndien, sese! mfịn emi ami mmọn̄ n̄ka usụn̄ ofụri ererimbot,+ ndien mbufo ẹmetịm ẹfiọk ke ofụri esịt mbufo ye ke ofụri ukpọn̄ mbufo ẹte ke baba ikọ kiet ke otu kpukpru nti ikọ emi Jehovah Abasi mbufo eketịn̄de ọnọ mbufo ikpụhu. Kpukpru ẹmesu ẹnọ mbufo. Baba ikọ kiet ke otu mmọ ikpụhu.+ 15  Ndien ama ekem, kpa nte kpukpru nti ikọ emi Jehovah Abasi mbufo etịn̄de ọnọ mbufo ẹsude,+ ntre ke Jehovah edinam kpukpru mme idiọk ikọ ẹsu ẹnọ mbufo tutu Jehovah Abasi mbufo osobo mbufo efep ke eti isọn̄ oro enye ọnọde mbufo,+ 16  koro mbufo ẹbiatde ediomi Jehovah Abasi mbufo oro enye okodụkde ye mbufo, ẹnyụn̄ ẹnamde n̄kpọ ẹnọ mme abasi efen ẹnyụn̄ ẹnụhọde ẹnọ mmọ.+ Ndien Jehovah iditreke ndida iyatesịt esie ntiene mbufo,+ mbufo ẹyenyụn̄ ẹwara nditak ke eti isọn̄ emi enye ọnọde mbufo.”+

Mme Ikọ Idakisọn̄