Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 21;1-45

21  Ekem mme etubom mme ete nditọ Levi ẹsan̄a ẹkpere Eleazar+ oku ye Joshua+ eyen Nun ye mme etubom mme ete esien nditọ Israel,  ẹnyụn̄ ẹdọhọ mmọ ke Shiloh+ ke isọn̄ Canaan, ẹte: “Jehovah okowụk Moses ete ẹnọ nnyịn mme obio man idụn̄ ke esịt, ọkọrọ ye mme in̄wan̄ mbiet ufene mmọ man mme ufene nnyịn ẹkpeta.”+  Ntre nditọ Israel ẹsio mme obio emi ye mme in̄wan̄ mbiet ufene mmọ ke otu udeme+ mmọ ẹnọ nditọ Levi,+ kpa nte Jehovah okowụkde.  Ekem afia ọduọ ọnọ mme ubon nditọ Kohath,+ ndien nditọ Aaron oku, emi ẹdide nditọ Levi ẹdinyene obio duopeta, ke ndisịn afia, ẹto ke esien Judah+ ye ke esien Simeon+ ye ke esien Benjamin.+  Ndien ẹda afia ẹsio obio duop ke mme ubon esien Ephraim+ ye esien Dan+ ye ubak esien Manasseh+ ẹnọ nditọ Kohath+ emi ẹkesụhọde.  Nditọ Gershon+ ẹnyụn̄ ẹda obio duopeta ke afia ẹto mme ubon esien Issachar+ ye esien Asher+ ye esien Naphtali+ ye ubak esien Manasseh ke Bashan.+  Ndien nditọ Merari+ ẹnyene obio duopeba nte mme ubon mmọ ẹdide ẹto esien Reuben+ ye esien Gad+ ye esien Zebulun.+  Ntem ke nditọ Israel ẹda afia+ ẹdeme mme obio emi ye mme in̄wan̄ mbiet ufene+ mmọ ẹnọ nditọ Levi, kpa nte Jehovah akadade Moses eteme mmọ.+  Ntre ke mmọ ẹsio mme obio emi ẹsiakde enyịn̄+ mi ke esien nditọ Judah ye ke esien nditọ Simeon ẹnọ, 10  ndien mmọ ẹdi eke nditọ Aaron emi ẹtode mme ubon nditọ Kohath kpa nditọ Levi, koro akpa afia ọkọduọde ọnọ mmọ.+ 11  Ntem ẹnọ mmọ Kiriath-arba+ (ẹdọhọ ke Arba ekedi ete Anak),+ oro edi, Hebron,+ ke obot obot ikpehe Judah,+ ye ofụri in̄wan̄ mbiet ufene esie; 12  ndien mmọ ẹda in̄wan̄ obio oro ye mme obio-in̄wan̄ esie ẹnọ Caleb eyen Jephunneh ẹte ada enyene.+ 13  Ndien mmọ ẹnọ nditọ Aaron oku obio ubọhọ+ emi owotowo+ edifehede aka, oro edi, Hebron,+ ye in̄wan̄ mbiet ufene esie, ye Libnah+ ye in̄wan̄ mbiet ufene esie, 14  ye Jattir+ ye in̄wan̄ mbiet ufene esie, ye Eshtemoa+ ye in̄wan̄ mbiet ufene esie, 15  ye Holon+ ye in̄wan̄ mbiet ufene esie, ye Debir+ ye in̄wan̄ mbiet ufene esie, 16  ye Ain+ ye in̄wan̄ mbiet ufene esie, ye Juttah+ ye in̄wan̄ mbiet ufene esie, Beth-shemesh+ ye in̄wan̄ mbiet ufene esie; obio usụkkiet ke esien mbiba emi. 17  Ke esien Benjamin, ẹnọ Gibeon+ ye in̄wan̄ mbiet ufene esie, Geba+ ye in̄wan̄ mbiet ufene esie, 18  Anathoth+ ye in̄wan̄ mbiet ufene esie, ye Almon+ ye in̄wan̄ mbiet ufene esie; obio inan̄. 19  Kpukpru obio oro ẹkenọde nditọ Aaron,+ kpa mme oku, ẹkedi obio duopeta ye mme in̄wan̄ mbiet ufene+ mmọ. 20  Ndien amaedi mme ubon nditọ Kohath, kpa nditọ Levi emi ẹkesụhọde ke otu nditọ Kohath, ẹkeda afia ẹnọ mmọ mme obio ke esien Ephraim.+ 21  Ntem ke ẹkenọ mmọ obio ubọhọ+ emi owotowo+ edifehede aka, oro edi, Shechem,+ ye in̄wan̄ mbiet ufene+ esie ke obot obot ikpehe Ephraim, ye Gezer+ ye in̄wan̄ mbiet ufene esie, 22  ye Kibzaim+ ye in̄wan̄ mbiet ufene esie, ye Beth-horon+ ye in̄wan̄ mbiet ufene esie; obio inan̄. 23  Ndien ke esien Dan, ẹnọ Elteke ye in̄wan̄ mbiet ufene esie, Gibbethon+ ye in̄wan̄ mbiet ufene esie, 24  Aijalon+ ye in̄wan̄ mbiet ufene esie, Gath-rimmon+ ye in̄wan̄ mbiet ufene esie; obio inan̄. 25  Ndien ke ubak esien Manasseh, Taanach+ ye in̄wan̄ mbiet ufene esie, ye Gath-rimmon ye in̄wan̄ mbiet ufene esie; obio iba. 26  Kpukpru obio ye ofụri in̄wan̄ mbiet ufene oro mme ubon nditọ Kohath emi ẹkesụhọde ẹkenyenede ẹkedi obio duop. 27  Ndien amaedi nditọ Gershon,+ emi ẹtode mme ubon nditọ Levi, ẹkesio obio ubọhọ emi owotowo edifehede aka ke otu ubak esien Manasseh+ ẹnọ mmọ, oro edi, Golan+ ke Bashan ye in̄wan̄ mbiet ufene esie, ye Beeshterah+ ye in̄wan̄ mbiet ufene esie, obio iba. 28  Ndien ke esien Issachar,+ ẹsio Kishion+ ye in̄wan̄ mbiet ufene esie, Daberath+ ye in̄wan̄ mbiet ufene esie, 29  Jarmuth+ ye in̄wan̄ mbiet ufene esie, En-gannim+ ye in̄wan̄ mbiet ufene esie; obio inan̄. 30  Ke esien Asher,+ ẹsio Mishal+ ye in̄wan̄ mbiet ufene esie, Abdon+ ye in̄wan̄ mbiet ufene esie, 31  Helkath+ ye in̄wan̄ mbiet ufene esie, ye Rehob+ ye in̄wan̄ mbiet ufene esie; obio inan̄. 32  Ndien ke esien Naphtali,+ obio ubọhọ+ emi owotowo+ edifehede aka ekedi Kedesh+ ke Galilee, ye in̄wan̄ mbiet ufene esie, ye Hammoth-dor+ ye in̄wan̄ mbiet ufene esie, ye Kartan ye in̄wan̄ mbiet ufene esie; obio ita. 33  Kpukpru obio nditọ Gershon nte mme ubon mmọ ẹdide ẹkedi obio duopeta ye mme in̄wan̄ mbiet ufene mmọ. 34  Ndien ke esien Zebulun+ ẹsio mme obio emi ẹnọ mme ubon nditọ Merari,+ kpa nditọ Levi emi ẹkesụhọde, oro edi, Jokneam+ ye in̄wan̄ mbiet ufene esie, Kartah ye in̄wan̄ mbiet ufene esie, 35  Dimnah+ ye in̄wan̄ mbiet ufene esie, Nahalal+ ye in̄wan̄ mbiet ufene esie; obio inan̄. 36  Ndien ke esien Reuben,+ ẹsio Bezer+ ye in̄wan̄ mbiet ufene esie, ye Jahaz+ ye in̄wan̄ mbiet ufene esie, 37  Kedemoth+ ye in̄wan̄ mbiet ufene esie, ye Mephaath+ ye in̄wan̄ mbiet ufene esie; obio inan̄. 38  Ke esien Gad,+ obio ubọhọ emi owotowo edifehede aka ekedi Ramoth ke Gilead,+ ye in̄wan̄ mbiet ufene esie, ye Mahanaim+ ye in̄wan̄ mbiet ufene esie, 39  Heshbon+ ye in̄wan̄ mbiet ufene esie, Jazer+ ye in̄wan̄ mbiet ufene esie; kpukpru ẹkedi obio inan̄. 40  Kpukpru obio emi nditọ Merari,+ kpa mbon emi ẹkesụhọde ke mme ubon nditọ Levi, ẹkenyenede, emi ẹkenọde mmọ, nte mme ubon mmọ ẹdide, ẹkedi obio duopeba. 41  Kpukpru obio nditọ Levi emi ẹkedude ke otu udeme emi nditọ Israel ẹkenyenede ẹkedi obio aba ye itiaita+ ọkọrọ ye mme in̄wan̄ mbiet ufene+ mmọ. 42  Mme obio emi kiet kiet ẹma ẹnyene in̄wan̄ mbiet ufene mmọ oro ẹkekande mmọ ẹkụk—kpa ntre ke ekedi ye kpukpru mme obio emi.+ 43  Ntre ke Jehovah ọkọnọ Israel ofụri isọn̄ emi enye ọkọn̄wọn̄ọde ndinọ mme ete ete+ mmọ, ndien mmọ ẹda enye ẹnyene+ ẹnyụn̄ ẹdụn̄ ke esịt. 44  N̄ko-n̄ko, Jehovah ama ọnọ mmọ nduọkodudu+ akan okụk, nte ekemde ye kpukpru se enye ọkọn̄wọn̄ọde+ ọnọ mme ete ete mmọ, ndien baba kiet ke otu kpukpru mme asua mmọ ikadaha mmọ ke iso.+ Jehovah ama ada kpukpru mme asua mmọ esịn mmọ ke ubọk.+ 45  Baba un̄wọn̄ọ kiet ke otu kpukpru nti un̄wọn̄ọ emi Jehovah ọkọn̄wọn̄ọde ọnọ ufọk Israel ikokpụhu; kpukpru ẹma ẹsu.+

Mme Ikọ Idakisọn̄