Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joshua 20;1-9

20  Ekem Jehovah ọdọhọ Joshua ete:  “Dọhọ nditọ Israel ete, ‘Ẹsio mme obio ubọhọ+ emi n̄kadade Moses nteme mbufo, ẹnịm ẹnọ idem mbufo,  man owotowo+ eke owotde ukpọn̄ ke ndudue, mînyụn̄ ikohokoi, ekpefehe aka do; ndien mmọ ẹyedi ebiet emi mbufo ẹdifehede ẹka man ẹbọhọ osio-usiene iyịp.+  Owotowo eyefehe+ aka kiet ke otu mme obio emi, akada ke nto-ndụk inuaotop+ obio, etịn̄ ikọ esie ọnọ mbiowo+ obio oro; ndien mmọ ẹyeda enye ẹsịn ke obio ẹnyụn̄ ẹnọ enye itie ndidụn̄ ye mmọ.  Ndien edieke osio-usiene iyịp ebịnede enye, mmọ idiyakke owotowo oro inọ enye;+ koro enye mîkokohokoi iwot ekemmọ owo, mîkonyụn̄ isuaha enye ke mbemiso.+  Ndien enye oyodụn̄ ke obio oro tutu ẹkpe ikpe+ esie ke iso esop, tutu akwa oku+ emi odude ini oro onyụn̄ akpa. Adan̄aoro ke owotowo oro ekeme ndifiak nnyọn̄,+ ndien enye enyene ndikodụk obio esie nnyụn̄ ndụk ufọk esie, kpa obio emi enye ekefehede ọwọrọ.’”  Ntem ke mmọ ẹsio Kedesh+ ke Galilee ke obot obot ikpehe Naphtali, ye Shechem+ ke obot obot ikpehe Ephraim ye Kiriath-arba,+ oro edi, Hebron ke obot obot ikpehe Judah, ẹnịm san̄asan̄a ke edisana.  Ndien mmọ ẹsio Bezer+ ke unaisọn̄ wilderness ke esien Reuben+ ke ikpehe n̄kan̄ edem usiahautịn Jordan, ke Jericho, ẹnyụn̄ ẹsio Ramoth+ emi odude ke Gilead ke esien Gad, ẹsio Golan+ emi odude ke Bashan ke esien Manasseh.  Mmọ emi ẹdi mme obio emi ẹkenịmde ẹnọ ofụri nditọ Israel ye isenowo emi ẹkedụn̄de ke otu mmọ, man owo ekededi eke owotde ukpọn̄ ke ndudue+ ekpefehe aka do, man osio-usiene iyịp okûwot enye tutu ẹkpe ikpe esie ke iso esop.+

Mme Ikọ Idakisọn̄