Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 19;1-51

19  Ndien ọyọhọ afia+ iba ọduọ ọnọ Simeon, kpa esien nditọ Simeon+ nte mme ubon mmọ ẹdide. Ndien udeme mmọ odu ke otu udeme nditọ Judah.+  Ndien mmọ ẹnyene Beer-sheba+ ye Sheba ye Moladah+ ke udeme mmọ,  ye Hazar-shual+ ye Balah ye Ezem,+  ye Eltolad+ ye Bethul ye Hormah,  ye Ziklag+ ye Beth-marcaboth ye Hazar-susah,+  ye Beth-lebaoth+ ye Sharuhen; obio duopeta ye mme obio-in̄wan̄ mmọ.  Ain,+ Rimmon+ ye Ether ye Ashan;+ obio inan̄ ye mme obio-in̄wan̄ mmọ,  ye kpukpru obio-in̄wan̄ oro ẹkedude ẹkanade mme obio emi tutu esịm Baalath-beer,+ Ramah+ ke edem usụk. Emi ekedi udeme esien nditọ Simeon nte mme ubon mmọ ẹdide.  Udeme nditọ Simeon ọkọwọrọ oto udeme nditọ Judah, koro udeme nditọ Judah okokponde akaha.+ Mmọdo nditọ Simeon ẹkenyenede udeme ke otu udeme nditọ Judah.+ 10  Ekem ọyọhọ afia+ ita ọduọ ọnọ nditọ Zebulun+ nte mme ubon mmọ ẹdide, adan̄a udeme mmọ onyụn̄ esịm Sarid. 11  Ndien adan̄a mmọ asan̄a n̄kan̄ edem usoputịn n̄ko ekesịm Mareal, onyụn̄ ebe ekesịm Dabbesheth ye itịghede mmọn̄ emi asakde iso ese Jokneam.+ 12  Ndien oto Sarid afiak ọwọn̄ọde aka edem usiahautịn ekesịm adan̄a Chisloth-tabor onyụn̄ ebe asan̄a Daberath+ ọdọk ekesịm Japhia. 13  Enye onyụn̄ oto do ebe asan̄a n̄kan̄ edem usiahautịn ekesịm Gath-hepher,+ ebe esịm Eth-kazin, ndien esịm Rimmon onyụn̄ eketre ke Neah. 14  Ndien adan̄a oro asan̄a akanade aka edem edere ekesịm Hannathon, ekeberi ibuot ke itịghede Iphtah-el, 15  ye Kattath ye Nahalal ye Shimron+ ye Idalah ye Bethlehem;+ obio duopeba ye mme obio-in̄wan̄ mmọ. 16  Emi ekedi udeme+ nditọ Zebulun nte mme ubon mmọ ẹdide.+ Emi ẹkedi mme obio ye mme obio-in̄wan̄ mmọ. 17  Ọyọhọ afia inan̄ ọkọduọ ọnọ Issachar,+ kpa nditọ Issachar nte mme ubon mmọ ẹdide. 18  Ndien adan̄a mmọ edisịm Jezreel+ ye Chesulloth ye Shunem,+ 19  ye Hapharaim ye Shion ye Anaharath, 20  ye Rabbith ye Kishion ye Ebez, 21  ye Remeth ye En-gannim+ ye En-haddah ye Beth-pazzez. 22  Ndien adan̄a oro esịm Tabor+ ye Shahazumah ye Beth-shemesh, onyụn̄ ekeberi ibuot ke Jordan; obio efịtekiet ye mme obio-in̄wan̄ mmọ. 23  Emi ekedi udeme esien nditọ Issachar nte mme ubon mmọ ẹdide,+ mme obio ye mme obio-in̄wan̄ mmọ. 24  Ndien ọyọhọ afia+ ition ọduọ ọnọ esien nditọ Asher+ nte mme ubon mmọ ẹdide. 25  Adan̄a mmọ onyụn̄ edi Helkath+ ye Hali ye Beten ye Achshaph,+ 26  ye Allammelech ye Amad ye Mishal.+ Ndien esịm Carmel+ ke n̄kan̄ edem usoputịn onyụn̄ esịm Shihor-libnath, 27  onyụn̄ afiak ọwọn̄ọde aka edem usiahautịn ekesịm Beth-dagon ndien ebe ekesịm Zebulun+ ye itịghede Iphtah-el asan̄a edem edere ekesịm Beth-emek ye Neiel ọwọrọ ekesịm Cabul ke n̄kan̄ ubọk ufien, 28  esịm Ebron ye Rehob ye Hammon ye Kanah tutu esịm Sidon+ emi awakde owo etieti. 29  Ndien adan̄a oro afiak ọwọn̄ọde aka Ramah tutu ekesịm obio ibibene Tyre.+ Adan̄a oro onyụn̄ afiak ọwọn̄ọde aka Hosah, ekeberi ibuot ke inyan̄ ke n̄kan̄ Achzib,+ 30  ye Ummah ye Aphek+ ye Rehob;+ obio edịp ye iba ye mme obio-in̄wan̄ mmọ. 31  Emi ekedi udeme esien nditọ Asher nte mme ubon mmọ ẹdide.+ Emi ẹkedi mme obio ye mme obio-in̄wan̄ mmọ. 32  Ọyọhọ afia+ itiokiet ọkọduọ ọnọ nditọ Naphtali,+ kpa nditọ Naphtali nte mme ubon mmọ ẹdide. 33  Adan̄a mmọ onyụn̄ ọtọn̄ọ ke Heleph, ke akamba eto emi odude ke Zaanannim,+ ye Adami-nekeb ye Jabneel tutu ekesịm Lakkum; onyụn̄ ekeberi ibuot ke Jordan. 34  Ndien adan̄a oro afiak ọwọn̄ọde aka n̄kan̄ edem usoputịn ekesịm Aznoth-tabor onyụn̄ oto do ọwọrọ ekesịm Hukkok onyụn̄ ebe esịm Zebulun+ ke edem usụk, ebe ekesịm Asher+ ke edem usoputịn onyụn̄ oto edem usiahautịn ekesịm Judah+ ke Jordan. 35  Ndien mme obio ibibene oro ẹkedi Ziddim, Zer ye Hammath,+ Rakkath ye Chinnereth,+ 36  ye Adamah ye Ramah ye Hazor,+ 37  ye Kedesh+ ye Edrei ye En-hazor, 38  ye Yiron ye Migdal-el, Horem ye Beth-anath ye Beth-shemesh,+ obio efịtenan̄ ye mme obio-in̄wan̄ mmọ. 39  Emi ẹkedi udeme+ esien nditọ Naphtali nte mme ubon mmọ ẹdide,+ mme obio ye mme obio-in̄wan̄ mmọ. 40  Ọyọhọ afia+ itiaba ọkọduọ ọnọ esien nditọ Dan+ nte mme ubon mmọ ẹdide. 41  Ndien adan̄a udeme mmọ ekedi Zorah+ ye Eshtaol ye Ir-shemesh, 42  ye Shaalabbin+ ye Aijalon+ ye Ithlah, 43  ye Elon ye Timnah+ ye Ekron,+ 44  ye Eltekeh ye Gibbethon+ ye Baalath,+ 45  ye Jehud ye Bene-berak ye Gath-rimmon,+ 46  ye Me-jarkon ye Rakkon, adan̄a onyụn̄ asak iso ese Joppa.+ 47  Ndien obio nditọ Dan ikokponke ikem+ mmọ. Ntre nditọ Dan ẹdọk ẹka ẹken̄wana ekọn̄ ye Leshem,+ ẹkan enye ẹnyụn̄ ẹsobo enye ke iso akan̄kan̄. Ekem mmọ ẹda enye ẹnyene ẹnyụn̄ ẹdụn̄ do, ndien mmọ ẹda Dan, kpa enyịn̄ ete ete+ mmọ ẹsio Leshem. 48  Emi ekedi udeme esien nditọ Dan nte mme ubon mmọ ẹdide. Emi ẹkedi mme obio ye mme obio-in̄wan̄ mmọ. 49  Ntem ke mmọ ẹkekụre ndideme isọn̄ oro ke obio ke obio. Ndien nditọ Israel ẹnọ Joshua eyen Nun udeme ke otu mmọ. 50  Mmọ ẹnọ enye obio oro enye okoyomde,+ oro edi, Timnath-serah,+ ke obot obot ikpehe Ephraim, kpa nte Jehovah okowụkde mmọ; ndien enye ọbọp obio oro onyụn̄ odụn̄ ke esịt. 51  Mmọ emi ẹkedi udeme oro Eleazar oku ye Joshua eyen Nun ye mme etubom mme ete esien nditọ Israel ẹkesịnde afia ke iso Jehovah ke Shiloh+ ẹda ẹdeme,+ ke enyịnusụn̄ tent usopidem.+ Ntre ke mmọ ẹkebahade isọn̄ oro ẹma.

Mme Ikọ Idakisọn̄