Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 18;1-28

18  Ndien ofụri nditọ Israel ẹsop idem ke Shiloh,+ mmọ ẹnyụn̄ ẹwụk tent usopidem do,+ ke adan̄aemi mmọ ẹma ẹkeda isọn̄ oro ẹnyene.+  Edi okosụk ososụhọ mbon oro mîkọbọhọ udeme ke otu nditọ Israel, oro edi, esien itiaba.  Ntem Joshua obụp nditọ Israel ete: “Adan̄a didie ke mbufo ẹdinam ubịghi ndikada isọn̄+ oro Jehovah Abasi mme ete ete mbufo ọnọde mbufo+ ete ẹda ẹnyene?  Mbufo ẹsio owo ita ke esien kiet kiet man ndọn̄ mmọ ẹka ẹkesan̄a ẹse isọn̄ oro ẹnyụn̄ ẹbahade enye, ẹwet nte udeme mmọ edide ẹsịn ke n̄wed, ndien yak mmọ ẹfiak ẹbịne mi.+  Yak mmọ ẹnyụn̄ ẹdeme enye ke otu idemmọ ke mbak itiaba.+ Judah ayaka iso odu ke obio esie ke edem usụk,+ ndien ufọk Joseph ayaka iso odu ke obio mmọ ke edem edere.+  Edi, mbufo ẹbahade isọn̄ ẹsịn ke mbak itiaba ẹnyụn̄ ẹwet enye ẹsịn ke n̄wed, ndien ẹda ẹsọk mi, man nsịn afia+ nnọ mbufo ke iso Jehovah Abasi nnyịn.  Koro nditọ Levi mînyeneke udeme ke otu mbufo,+ sia itie oku Jehovah edide udeme mmọ;+ ndien Gad ye Reuben+ ye ubak esien Manasseh+ ẹma ẹbọ udeme mmọ ke edem Jordan oko ke edem usiahautịn, emi Moses asan̄autom Jehovah ọkọnọde mmọ.”+  Ntre ke iren oro ẹdaha ke enyọn̄ ndika, ndien Joshua owụk+ mbon oro ẹkade ndibahade isọn̄ oro nnyụn̄ n̄wet enye nsịn ke n̄wed, ete: “Mbufo ẹka ẹkesan̄a ẹse isọn̄ oro ẹnyụn̄ ẹbahade enye ẹnyụn̄ ẹwet enye ẹsịn ke n̄wed ndien ẹfiak ẹdi ẹbịne mi, ndien nyesịn afia+ ke ọtọ emi nnọ mbufo ke iso Jehovah ke Shiloh.”+  Ndien iren oro ẹka ẹkesan̄a ẹse isọn̄ oro ẹnyụn̄ ẹbahade+ enye ke obio ke obio, ke mbak itiaba, ẹwet ẹsịn ke n̄wed. Ekem mmọ ẹfiak ẹbịne Joshua ke itienna ke Shiloh, 10  ndien Joshua esịn afia ọnọ mmọ ke Shiloh ke iso Jehovah.+ Ntem ke Joshua abahade isọn̄ oro ọnọ nditọ Israel ke udeme mmọ.+ 11  Ekem afia+ ọduọ ọnọ esien nditọ Benjamin+ nte mme ubon mmọ ẹdide, ndien obio emi afia ọduọde ọnọ mmọ edi ke ufọt nditọ Judah+ ye nditọ Joseph.+ 12  Ndien adan̄a mmọ odu ke inụk edem edere Jordan, onyụn̄ ọdọk ekesịm usụhọde obot Jericho+ ke edem edere ndien ọdọk aka obot obot n̄kan̄ edem usoputịn, onyụn̄ ekeberi ibuot ke wilderness Beth-aven.+ 13  Ndien adan̄a oro oto do ebe ekesịm Luz,+ ke edem usụk usụhọde obot Luz, oro edi, Bethel;+ adan̄a onyụn̄ osụhọde aka Ataroth-addar+ ke obot emi odude ke edem usụk ke Usụk Usụk Beth-horon.+ 14  Ndien ẹnịm adan̄a ọtọn̄ọde ke n̄kan̄ edem usoputịn ẹkanade ẹka edem usụk ke obot emi asakde iso ese Beth-horon ke edem usụk; onyụn̄ ekeberi ibuot ke Kiriath-baal, oro edi, Kiriath-jearim,+ kpa obio nditọ Judah. Emi edi edem usoputịn. 15  Ndien n̄kan̄ edem usụk ọtọn̄ọ ke utịt utịt Kiriath-jearim, adan̄a onyụn̄ oto ke n̄kan̄ edem usoputịn asan̄a ekesịm idịm mmọn̄ Nephtoah.+ 16  Ndien adan̄a oro asan̄a utịt utịt obot emi esede itịghede eyen Hinnom,+ emi odude ke unaisọn̄ itịghede Rephaim+ ke edem edere, osụhọde aka itịghede Hinnom, ekesịm usụhọde obot mbon Jebus+ ke edem usụk, onyụn̄ osụhọde aka En-rogel.+ 17  Ndien ẹnịm adan̄a n̄kan̄ edem edere tutu ekesịm En-shemesh onyụn̄ ebe esịm Geliloth, emi asakde iso ese usụn̄ emi ọdọkde aka Adummim;+ onyụn̄ osụhọde ekesịm itiat+ Bohan+ eyen Reuben. 18  Enye onyụn̄ ebe ekesịm usụhọde obot edem edere emi asakde iso ese Arabah ndien osụhọde ekesịm Arabah. 19  Adan̄a oro onyụn̄ ebe ekesịm usụhọde obot edem edere Beth-hoglah,+ onyụn̄ ekeberi ibuot (oro edi, adan̄a) ke itụn̄ inyan̄ edem edere Inyan̄ Inụn̄+ emi odude ke edem usụk ke utịt Jordan. Emi edi adan̄a edem usụk. 20  Ndien adan̄a n̄kan̄ edem usiahautịn esie ekedi ke Jordan. Emi ekedi udeme nditọ Benjamin nte mme ubon mmọ ẹdide, nte adan̄a mmọ akasan̄ade akanade. 21  Ndien obio esien nditọ Benjamin nte mme ubon mmọ ẹdide edi ke Jericho+ ye Beth-hoglah ye Emek-keziz, 22  ye Beth-arabah+ ye Zemaraim ye Bethel,+ 23  ye Avvim ye Parah ye Ophrah,+ 24  ye Chephar-ammoni ye Ophni ye Geba;+ obio duopeba ye mme obio-in̄wan̄ mmọ. 25  Gibeon+ ye Ramah ye Beeroth, 26  ye Mizpeh+ ye Chephirah+ ye Mozah, 27  ye Rekem ye Irpeel ye Taralah, 28  ye Zelah+ ye Ha-eleph ye Jebusi, oro edi, Jerusalem,+ Gibeah+ ye Kiriath; obio duopenan̄ ye mme obio-in̄wan̄ mmọ. Emi ekedi udeme nditọ Benjamin nte mme ubon mmọ ẹdide.+

Mme Ikọ Idakisọn̄