Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 17;1-18

17  Ndien afia+ ọduọ ọnọ esien Manasseh,+ koro enye ekedide akpan Joseph,+ ọduọ ọnọ Machir+ akpan Manasseh, ete Gilead,+ koro enye ekedide owoekọn̄,+ ndien Gilead+ ye Bashan ẹdi udeme esie.  Afia onyụn̄ ọduọ ọnọ nditọ Manasseh oro ẹkesụhọde nte mme ubon mmọ ẹdide, ọduọ ọnọ nditọ Abi-ezer+ ye nditọ Helek+ ye nditọ Asriel ye nditọ Shechem+ ye nditọ Hepher ye nditọ Shemida.+ Mmọ emi ẹdi nditọ Manasseh eyen Joseph, irenowo nte mme ubon mmọ ẹdide.  Edi Zelophehad+ eyen Hepher, eyen Gilead, eyen Machir, eyen Manasseh, ikenyeneke nditọiren, edi ekenyene nditọiban, ndien enyịn̄ nditọ esie iban ẹkedi: Mahlah ye Noah, Hoglah, Milcah ye Tirzah.+  Ndien mmọ ẹdi ke iso Eleazar+ oku ye Joshua eyen Nun ye mbọn̄, ẹdidọhọ ẹte: “Jehovah ama owụk Moses ete ọnọ nnyịn udeme ke otu nditọete+ nnyịn.” Ntem ke enye ọnọ mmọ udeme ke otu nditọete ete ete mmọ,+ kpa nte Jehovah okowụkde.  Ndien udeme isọn̄ duop ọduọ ọnọ Manasseh, ọkọrọ ye isọn̄ Gilead ye Bashan, emi ẹkedude ke edem Jordan+ oko;  koro nditọiban Manasseh ẹkedade udeme ẹnyene ke otu nditọiren esie; ndien isọn̄ Gilead akabade edi inyene nditọiren Manasseh oro ẹkesụhọde.  Ndien adan̄a Manasseh ọtọn̄ọ ke Asher ekesịm Michmethath,+ emi asakde iso ese Shechem,+ ndien adan̄a oro asan̄a n̄kan̄ ubọk nnasia ekesịm mme andidụn̄ En-Tappuah.  Ndien isọn̄ Tappuah+ akabade edi eke Manasseh, edi Tappuah emi odude ke n̄kan̄ adan̄a Manasseh enyene nditọ Ephraim.  Ndien adan̄a oro osụhọde aka itịghede mmọn̄ Kanah, ke n̄kan̄ usụk usụk itịghede mmọn̄ ke mme obio+ Ephraim ke ufọt mme obio Manasseh, ndien adan̄a Manasseh odu ke edem edere itịghede mmọn̄ oro, onyụn̄ ekeberi ibuot ke inyan̄.+ 10  Ephraim enyene edem usụk ndien Manasseh enyene edem edere, inyan̄ onyụn̄ edi adan̄a+ esie; ndien adan̄a Manasseh ada ekesịm edem edere ke Asher onyụn̄ ebe ekesịm edem usoputịn ke Issachar. 11  Ke Issachar ye Asher, Manasseh+ enyene Beth-shean+ ye n̄kpri obio esie ye Ibleam+ ye n̄kpri obio esie ye mme andidụn̄ ke Dor+ ye n̄kpri obio esie ye mme andidụn̄ ke Endor+ ye n̄kpri obio esie ye mme andidụn̄ ke Taanach+ ye n̄kpri obio esie ye mme andidụn̄ ke Megiddo+ ye n̄kpri obio esie, obio ita emi ẹdude ke obot obot ikpehe. 12  Edi nditọ Manasseh ikekemeke ndida mme obio emi nnyene,+ koro mbon Canaan ẹkesụk ẹdụn̄de ke isọn̄ emi.+ 13  Edikem ke adan̄aemi nditọ Israel ẹsọn̄de odudu,+ mmọ ẹnyịk mbon Canaan ẹnam ọkpọsọn̄ utom,+ edi mmọ ikebịnke mmọ ifep ofụri ofụri.+ 14  Ndien nditọ Joseph ẹbụp Joshua ẹte: “Ntak emi afo adade afia ọnọ nnyịn udeme kiet+ onyụn̄ odomode domo ubak eken ọnọ nnyịn, ke adan̄aemi edide Jehovah ọdiọn̄ nnyịn tutu esịm emi onyụn̄ anam nnyịn iwak?”+ 15  Ntem ke Joshua ọdọhọ mmọ ete: “Edieke mbufo ẹdide ediwak, mbufo ẹdụk ẹkewot akai ẹnọ idem mbufo ke isọn̄ mme Perizzite+ ye Rephaim,+ koro obot obot ikpehe+ Ephraim afahade akaha ọnọ mbufo.” 16  Ndien nditọ Joseph ẹdọhọ ẹte: “Obot obot ikpehe oro ikemke nnyịn, kpukpru mbon Canaan emi ẹdụn̄de ke itịghede, mbon oro ẹdude ke Beth-shean+ ye n̄kpri obio esie ye mbon oro ẹdude ke unaisọn̄ itịghede Jezreel+ ẹnyụn̄ ẹnyene chariot+ ukwak emi ẹnyenede ofụt.” 17  Ntre Joshua ọdọhọ ufọk Joseph, Ephraim ye Manasseh ete: “Mbufo ẹdi ediwak owo, ẹmenyụn̄ ẹkop odudu etieti.+ Ifọnke mbufo ẹnyene udeme kiet,+ 18  ẹda obot obot ikpehe oro ẹnyene.+ Sia enye edide akai, mbufo ẹwot enye, ndien enye eyedi adan̄a mbufo. Mbufo ẹbịn mbon Canaan ẹfep, okposụkedi mmọ ẹnyenede chariot ukwak emi ẹnyenede ofụt ẹnyụn̄ ẹdide n̄kpọsọn̄ owo.”+

Mme Ikọ Idakisọn̄