Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 16;1-10

16  Ndien afia+ ọduọ ọnọ nditọ Joseph+ ọtọn̄ọde ke Jordan+ ke Jericho ke n̄kan̄ edem usiahautịn mmọn̄ Jericho, emi wilderness otode ke Jericho ọdọk esịm obot obot ikpehe Bethel.+  Ndien oto Bethel emi enyenede mbon Luz+ ebe adan̄a mme Archite+ ke Ataroth,  onyụn̄ osụhọde aka n̄kan̄ edem usoputịn tutu esịm adan̄a mme Japhletite ebe ekesịm adan̄a Usụk Usụk Beth-horon+ ye Gezer,+ ekeberi ibuot ke inyan̄.+  Ndien nditọ Joseph,+ kpa Manasseh ye Ephraim+ ẹka ẹkeda isọn̄+ oro ẹnyene.  Ndien adan̄a nditọ Ephraim nte mme ubon mmọ ẹdide, kpa adan̄a udeme mmọ ke n̄kan̄ edem usiahautịn edi Ataroth-addar,+ tutu esịm Enyọn̄ Enyọn̄ Beth-horon;+  ndien adan̄a oro ada ekeberi ibuot ke inyan̄. Michmethath+ okodu ke edem edere, adan̄a oro onyụn̄ oto n̄kan̄ edem usiahautịn akanade ekesịm Taanath-shiloh, onyụn̄ ebe ke n̄kan̄ edem usiahautịn ekesịm Janoah.  Ndien enye oto ke Janoah osụhọde aka Ataroth ye Naarah onyụn̄ esịm Jericho+ ndien osụhọde ekesịm Jordan.  Adan̄a ọtọn̄ọ ke Tappuah+ asan̄a n̄kan̄ edem usoputịn ebe ekesịm itịghede mmọn̄ Kanah,+ onyụn̄ aka ekeberi ibuot ke inyan̄.+ Emi edi udeme esien nditọ Ephraim nte mme ubon mmọ ẹdide.  Ndien nditọ Ephraim ẹnyene mme obio+ eke ẹdian̄arede ẹnọ mmọ ke otu udeme nditọ Manasseh, kpukpru obio ye mme obio-in̄wan̄ mmọ. 10  Ndien mmọ ikebịnke mbon Canaan+ emi ẹkedụn̄de ke Gezer+ ifep, mbon Canaan ẹnyụn̄ ẹka iso ẹdụn̄ ke otu mbon Ephraim tutu esịm mfịn emi,+ mbon Ephraim ẹsinyụn̄ ẹnyịk mmọ ndinam ọkpọsọn̄ utom.+

Mme Ikọ Idakisọn̄