Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joshua 14;1-15

14  Ndien se nditọ Israel ẹkedade nte udeme ẹnyene edi emi ke isọn̄ Canaan,+ emi Eleazar oku ye Joshua eyen Nun ye mme etubom mme ete esien nditọ Israel ẹkenamde mmọ ẹda ẹnyene.+  Ẹkenọ mmọ udeme ke ndisịn afia,+ kpa nte Jehovah okowụkde Moses aban̄a esien usụkkiet ye ubak esien+ oro.  Koro Moses ama ọnọ esien iba eken ye ubak esien eken udeme ke edem Jordan oko,+ edi ikọnọhọ esien Levi udeme ke otu mmọ.+  Koro nditọ Joseph ẹkedide esien iba,+ Manasseh+ ye Ephraim;+ mmọ ikonyụn̄ inọhọ esien Levi udeme ke isọn̄ oro, ke mîbọhọke mme obio+ ndidụn̄ ye in̄wan̄ mbiet ufene ke ntak ufene ye inyene+ mmọ.  Kpa nte Jehovah okowụkde Moses, ntre ke nditọ Israel ẹkenam; ẹnyụn̄ ẹdeme isọn̄ oro.  Ekem nditọ Judah ẹka ẹbịne Joshua ke Gilgal,+ ndien Caleb+ eyen Jephunneh eyen Kenaz+ ọdọhọ enye ete: “Afo emetịm ọfiọk ikọ oro Jehovah eketịn̄de+ ọnọ Moses owo ata Abasi+ aban̄a mi ye afo ke Kadesh-barnea.+  N̄kedi isua aba ke ini Moses asan̄autom Jehovah okosiode mi ke Kadesh-barnea ọdọn̄ ete ndiyep isọn̄+ emi, ndien nda ibọrọ emi otode mi esịt mfiak nsọk enye.+  Edi nditọete mi oro ẹkesan̄ade ye ami ẹdọk ẹma ẹnam nsia eyemede+ kpukpru owo; edi ami mma ntiene Jehovah Abasi mi ke ofụri esịt.+  Mmọdo Moses ọkọn̄wọn̄ọde ke usen oro ete, ‘Isọn̄ oro afo akasan̄ade+ ke esịt ebe eyedi udeme fo ye eke nditọ fo ke nsinsi, koro afo eketienede Jehovah Abasi mi ke ofụri esịt.’+ 10  Ndien sese Jehovah enịm mi uwem,+ kpa nte enye ọkọn̄wọn̄ọde,+ isua aba ye ition edi emi tọn̄ọ nte Jehovah ọkọn̄wọn̄ọ un̄wọn̄ọ emi ọnọ Moses ke ini Israel ẹkesan̄ade ke wilderness+ ẹbe, ndien sese mfịn ami mmesịm isua anan̄ ye ition. 11  Edi idem ke ọsọsọn̄ mi mfịn emi kpa nte ọkọsọn̄de mi ke usen oro Moses okosiode mi ọdọn̄.+ Nte n̄kenyenede odudu adan̄aoro kpa ntre ke nnyene idahaemi ke ndin̄wana ekọn̄, ke ndiwọwọrọ ye ke ndidodụk.+ 12  Edi ke emi nọ mi obot obot ikpehe emi Jehovah ọkọn̄wọn̄ọde ke usen oro,+ koro afo ama okop ke usen oro ete ke mme Anakim+ ye ikpọ obio ibibene+ ẹkedu do. Eyedi Jehovah oyodu ye ami,+ ndinyụn̄ ntreke ndibịn mmọ mfep kpa nte Jehovah ọkọn̄wọn̄ọde.”+ 13  Ntem ke Joshua ọdiọn̄ enye onyụn̄ ayak Hebron ọnọ Caleb eyen Jephunneh nte udeme.+ 14  Ntak edi oro Hebron enyenede Caleb eyen Jephunneh eyen Kenaz tutu esịm mfịn emi, koro enye eketienede Jehovah Abasi Israel ke ofụri esịt.+ 15  Enyịn̄ Hebron ke mbemiso ekedi Kiriath-arba+ (ẹkedọhọ ke Arba+ ekedi akwa owo ke otu nditọ Anak). Ndien isọn̄ oro ana sụn̄ owo in̄wanake aba ekọn̄.+

Mme Ikọ Idakisọn̄