Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 13;1-33

13  Ekem Joshua ọsọn̄ onyụn̄ awak isua.+ Ntre Jehovah ọdọhọ enye ete: “Afo ọmọsọn̄ onyụn̄ awak isua, ndien isọn̄ emi osụhọde ndida nnyene ke osụk okpokpon.+  Isọn̄ emi osụk osụhọde ẹdi emi:+ ofụri ikpehe mbon Philistia+ ye ofụri ikpehe mbon Geshur+  (ọtọn̄ọde ke n̄kọk Nile emi asakde iso ese Egypt tutu esịm adan̄a Ekron ke edem edere,+ emi ẹkesibatde ẹnọ mbon Canaan);+ mbọn̄+ Philistia ition emi ẹdianade kiet, mbon Gaza,+ ye mbon Ashdod,+ mbon Ashkelon,+ mbon Gath+ ye mbon Ekron;+ ye mbon Avvim.+  Ke edem usụk ofụri isọn̄ mbon Canaan; ye Mearah, emi enyenede mbon Sidon,+ tutu esịm Aphek, onyụn̄ esịm adan̄a mme Amorite;  ye isọn̄ mbon Gebal+ ye ofụri Lebanon ke edem usiahautịn, ọtọn̄ọde ke Baal-gad+ ke ukot Obot Hermon tutu esịm ebiet emi ẹtode ẹdụk Hamath;+  kpukpru mme andidụn̄ obot obot ikpehe, ọtọn̄ọde ke Lebanon+ esịm Misrephoth-maim,+ kpukpru mbon Sidon;+ ami nyebịn mmọ mfep ke iso nditọ Israel.+ Yak enye edi udeme nditọ Israel, kpa nte ami n̄kowụkde fi.+  Ndien ke emi deme isọn̄ emi nọ esien usụkkiet ye ubak esien Manasseh.”+  Ubak esien Manasseh eken ye nditọ Reuben ye nditọ Gad ẹda udeme mmọ emi Moses ọkọnọde mmọ ke edem Jordan oko ke edem usiahautịn, nte Moses asan̄autom Jehovah ọkọnọde mmọ,+  ọtọn̄ọde ke Aroer,+ emi odude ke mben itịghede mmọn̄ Arnon,+ ye obio emi odude ke ufọt ufọt itịghede mmọn̄, ye ofụri unaisọn̄ Medeba+ tutu esịm Dibon;+ 10  ye kpukpru mme obio Sihon kpa edidem Amorite, emi akakarade ke Heshbon, tutu esịm adan̄a nditọ Ammon;+ 11  ye Gilead ye ikpehe mbon Geshur+ ye mbon Maacath ye ofụri Obot Hermon+ ye ofụri Bashan+ tutu esịm Salecah;+ 12  kpukpru obio emi Og+ akadade ubọn̄ ke Bashan okonyụn̄ akarade ke Ashtaroth ye ke Edrei+—enye okosụhọ ke otu mbon Rephaim+—ndien Moses akan mmọ onyụn̄ ebịn mmọ efep.+ 13  Edi nditọ Israel ikebịnke+ mbon Geshur ye mbon Maacath ifep, edi mbon Geshur+ ye mbon Maacath ẹdụn̄ ke otu Israel tutu esịm mfịn emi. 14  Esien Levi kpọt ke enye mîkọnọhọ udeme.+ Uwa emi ẹfọpde ke ikan̄+ ẹnọ Jehovah Abasi Israel ekedi udeme+ mmọ, kpa nte enye ọkọn̄wọn̄ọde ọnọ mmọ.+ 15  Ekem Moses ọnọ esien nditọ Reuben enọ nte mme ubon mmọ ẹdide, 16  ndien ikpehe mmọ ọtọn̄ọ ke Aroer,+ emi odude ke mben itịghede mmọn̄ Arnon, ye obio oro odude ke ufọt ufọt itịghede mmọn̄, ye ofụri unaisọn̄ Medeba;+ 17  Heshbon+ ye kpukpru mme obio+ esie emi ẹdude ke unaisọn̄, Dibon+ ye Bamoth-baal+ ye Beth-baalmeon,+ 18  ye Jahaz+ ye Kedemoth+ ye Mephaath,+ 19  ye Kiriathaim+ ye Sibmah+ ye Zereth-shahar ke obot unaisọn̄ itịghede, 20  ye Beth-peor ye usụhọde obot Pisgah+ ye Beth-jeshimoth,+ 21  ye kpukpru mme obio unaisọn̄+ ye kpukpru obio emi Sihon edidem Amorite akadade ubọn̄, emi enye akakarade ke Heshbon,+ emi Moses akakande,+ enye ye mbọn̄ Midian, Evi ye Rekem ye Zur ye Hur ye Reba,+ mbọn̄ Sihon, emi ẹkedụn̄de ke isọn̄ oro. 22  Ndien Balaam eyen Beor,+ abiaidiọn̄,+ ke nditọ Israel ẹkewot ke akan̄kan̄ ọkọrọ ye mbon emi ẹkewotde ke ekọn̄. 23  Ndien adan̄a nditọ Reuben edi Jordan; ndien ikpehe emi ekedi udeme nditọ Reuben+ nte mme ubon mmọ ẹdide, ye mme obio ye mme obio-in̄wan̄ mmọ. 24  N̄ko-n̄ko, Moses ọnọ esien Gad enọ, kpa nditọ Gad nte mme ubon mmọ ẹdide,+ 25  ndien ikpehe mmọ edi Jazer+ ye kpukpru mme obio Gilead+ ye ubak isọn̄ nditọ Ammon+ tutu esịm Aroer,+ emi asakde iso ese Rabbah;+ 26  ndien ọtọn̄ọ ke Heshbon+ esịm Ramath-mizpeh ye Betonim onyụn̄ ọtọn̄ọ ke Mahanaim+ esịm adan̄a Debir;+ 27  ye ke unaisọn̄ itịghede Beth-haram+ ye Beth-nimrah+ ye Succoth+ ye Zaphon, mme obio eken emi Sihon edidem Heshbon+ akadade ubọn̄, emi Jordan ekedide adan̄a tutu esịm utịt utịt inyan̄ Chinnereth+ ke edem Jordan oko ke n̄kan̄ edem usiahautịn. 28  Emi ekedi udeme nditọ Gad+ nte mme ubon mmọ ẹdide, ye mme obio ye mme obio-in̄wan̄ mmọ. 29  N̄ko, Moses ọnọ ubak esien Manasseh enọ, ndien emi enyene ubak esien nditọ Manasseh nte mme ubon mmọ ẹdide.+ 30  Ndien ikpehe mmọ ọtọn̄ọ ke Mahanaim,+ ofụri Bashan, kpukpru obio emi Og edidem Bashan+ akadade ubọn̄, ye kpukpru mme obio tent Jair+ oro ẹdude ke Bashan, obio ata. 31  Ndien ubak Gilead, ye Ashtaroth+ ye Edrei,+ mme obio emi Og akadade ubọn̄ ke Bashan, ẹkenyene nditọ Machir+ eyen Manasseh, kpa ubak nditọ Machir nte mme ubon mmọ ẹdide. 32  Mme isọn̄ emi ke Moses akanam mmọ ẹda ẹnyene, ke unaisọn̄ desat Moab ke edem Jordan oko, ke Jericho, ke n̄kan̄ edem usiahautịn.+ 33  Ndien Moses ikọnọhọ esien Levi udeme.+ Jehovah Abasi Israel edi udeme mmọ, kpa nte enye ọkọn̄wọn̄ọde ọnọ mmọ.+

Mme Ikọ Idakisọn̄