Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joshua 1;1-18

1  Ndien edikem ke Moses asan̄autom Jehovah ama akakpa, Jehovah ọdọhọ Joshua+ eyen Nun, isụn̄utom+ Moses, ete:  “Moses asan̄autom mi amakpa;+ daha ke enyọn̄ be Jordan emi, afo ye kpukpru owo emi, kodụk isọn̄ oro nnọde mmọ, kpa isọn̄ emi nnọde nditọ Israel.+  Kpukpru ebiet eke mbufo ẹdidịghide ikpat, nditreke ndida mmọ nnọ mbufo, kpa nte n̄kọn̄wọn̄ọde nnọ Moses.+  Ikpehe isọn̄ mbufo editọn̄ọ ke wilderness ye ke Lebanon emi, tutu esịm akwa akpa, kpa Akpa Euphrates, oro edi, ofụri isọn̄ mme Hittite,+ onyụn̄ esịm Akwa Inyan̄ emi odude ke edem usoputịn.+  Baba owo kiet idisọn̄ọke ida fi ke iso ke ofụri eyouwem fo.+ Nte n̄kodude ye Moses, kpa ntre ke ndidu ye afo.+ Ndikpọn̄ke fi, ndinyụn̄ nduọkke fi tutu amama.+  Nyene uko nyụn̄ kop odudu,+ koro edi afo edinam mme owo emi ẹka ẹkeda+ isọn̄ oro n̄kọn̄wọn̄ọde ndinọ mme ete ete mmọ,+ ẹnyene.  “Edi kam nyene uko nyụn̄ nen̄ede kop odudu man ekpeme ndinam kpukpru ibet oro Moses asan̄autom mi okowụkde fi.+ Kûwọn̄ọde ukpọn̄ enye uka nnasia m̀mê ufien,+ man afo akpada eti ibuot anam n̄kpọ ke kpukpru ebiet eke afo edikade.+  Kûyak n̄wed ibet emi ọwọrọ ọkpọn̄ inua fo,+ edi kot enye ke nsụhọde-uyo uwemeyo ye okoneyo, man afo ekpeme ndinam kpukpru se ẹwetde ke esịt;+ do ke afo edikụt unen ke usụn̄ fo onyụn̄ ada eti ibuot anam n̄kpọ.+  Idịghe mma n̄wụk fi?+ Nyene uko nyụn̄ kop odudu. Kûdịghe, kûnyụn̄ uyak idem enyek fi,+ koro Jehovah Abasi fo odude ye afo ke ebiet ekededi eke afo akade.”+ 10  Ndien Joshua owụk ikpọ owo obio, ete: 11  “Mbufo ẹsan̄a ke ufọt itienna ẹbe ẹnyụn̄ ẹdọhọ kpukpru owo ẹte: ‘Ẹtịm udia eke mbufo ẹdidiade, koro osụk usen ita mbufo ẹmọn̄ ẹbe Jordan emi ẹkeda isọn̄ oro Jehovah Abasi mbufo ọnọde mbufo, ete ẹda ẹnyene.’”+ 12  Ndien Joshua ọdọhọ nditọ Reuben ye nditọ Gad ye ubak esien Manasseh, ete: 13  “Mbufo ẹti ewụhọ emi Moses asan̄autom Jehovah ọkọnọde mbufo,+ ete, ‘Jehovah Abasi mbufo ọmọnọ mbufo nduọkodudu omonyụn̄ ọnọ mbufo isọn̄ emi. 14  Iban mbufo, nditọwọn̄ mbufo, ye ufene mbufo ẹyedụn̄ ke isọn̄ oro Moses ọkọnọde mbufo ke edem Jordan+ emi; edi kpukpru mbufo n̄kpọsọn̄ iren uko+ ẹdisan̄a ke udịm+ ẹbem nditọete mbufo iso, ndien mbufo ẹnyene ndin̄wam mmọ. 15  Ndien ke ini Jehovah ọnọde nditọete mbufo nduọkodudu kpa nte ọnọde mbufo, mmọ ẹnyụn̄ ẹdade isọn̄ oro Jehovah Abasi mbufo ọnọde mmọ+ ẹnyene, adan̄aoro ke mbufo ẹdifiak ẹnyọn̄ọ isọn̄ emi ẹkedemede ẹnọ mbufo ẹnyụn̄ ẹkeda enye ẹnyene,+ kpa isọn̄ emi Moses asan̄autom Jehovah ọnọde mbufo ke edem usiahautịn Jordan.’”+ 16  Ndien mmọ ẹbọrọ Joshua ẹte: “Nnyịn iyanam kpukpru se afo ọdọhọde nnyịn inam, iyonyụn̄ ika ebiet ekededi eke afo edidọn̄de nnyịn.+ 17  Nte nnyịn ikokopde uyo Moses ke kpukpru n̄kpọ, kpa ntre ke idikop uyo fo. Jehovah Abasi fo akpakam odu ye afo+ kpa nte enye okodude ye Moses.+ 18  Owo ekededi eke edisọn̄de ibuot abiat ewụhọ fo+ mîdinyụn̄ ikopke uyo fo ke kpukpru ewụhọ emi afo ọnọde, ayakpa.+ Edi kam nyene uko nyụn̄ kop odudu.”+

Mme Ikọ Idakisọn̄