Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jonah 4;1-11

4  Edi n̄kpọ emi ọdiọk Jonah esịt etieti,+ esịt onyụn̄ ofụt enye.  Ntem enye ọbọn̄ akam ọnọ Jehovah, ete: “O Jehovah, mbọk, nte idịghe emi ke n̄kọdọhọ ke ini n̄kodude ke edem nnyịn? Ntak edi oro n̄kadahade mfehe nte n̄ka Tarshish;+ koro mma mfiọk nte ke afo edi Abasi mfọn ye mbọm,+ usọpke iyatesịt, edi awak ima-mfọnido,+ onyụn̄ okpokpụhọ ekikere* edida nsobo ndi.+  Ndien ke emi, O Jehovah, mbọk men ukpọn̄+ mi fep, koro n̄kpa ọfọn akan uwem mi.”+  Edi Jehovah obụp enye ete: “Nte enen fi ndifụt esịt?”+  Ekem Jonah ọwọrọ ke obio oro okosụhọde etie ke n̄kan̄ edem usiahautịn obio oro; enye onyụn̄ ọbọp ataya ọnọ idemesie man ekpetie ke mfụt+ esie tutu enye okụt se idiwọrọde inọ obio oro.+  Ndien Jehovah Abasi anam ekikop etịbe ọbiọk, man ofụk Jonah, man anam mfụt ke enyọn̄ ibuot esie, onyụn̄ anyan̄a enye osio ke nnanenyịn esie.+ Ndien Jonah adat esịt etieti aban̄a ekikop oro.  Edi ke tụhi-tụhi usenubọk ndan̄nsiere, ata Abasi osio utụn̄+ ọdọn̄ ete akata ekikop oro; ndien enye eyemede sụn̄sụn̄.+  Edikem ke ndondo oro utịn asiahade, Abasi anam n̄ko ufiop ofụm edem usiahautịn+ efịme, ndien utịn oro ọfọp Jonah ibuot tutu enye ekpere ndisụhọ;+ ndien enye eben̄e ete ukpọn̄ imọ akpakam akpa, onyụn̄ ọdọhọ ndien ndien ete: “N̄kpa ọfọn akan uwem mi.”+  Ndien Abasi obụp Jonah ete: “Nte enen fi ndifụt esịt mban̄a ekikop oro?”+ Ndien enye ọbọrọ ete: “Enen mi ndifụt esịt tutu n̄kpere n̄kpa.” 10  Edi Jehovah ọdọhọ enye ete: “Afo omokop mbọm aban̄a ekikop oro mûkakpaha utom ke esịt, mûkonyụn̄ unamke ọkọri okpon, emi ọkọkọride okoneyo kiet onyụn̄ akpade okoneyo kiet. 11  Nte ami ndien n̄kpokopke mbọm mban̄a Nineveh akwa obio,+ emi enyenede se iwakde ibe owo tọsịn ikie ye edịp eke mîfiọkke ukpụhọde ke ufọt ubọk nnasia ye ufien mmọ, ọkọrọ ye ediwak ufene emi ẹdude ke esịt?”+

Mme Ikọ Idakisọn̄

At. Ed., “atua n̄kpọfiọk.”