Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Jonah 2;1-10

2  Ekem Jonah esịne ke idịbi iyak oro ọbọn̄ akam ọnọ Jehovah Abasi esie+  onyụn̄ ọdọhọ ete: “Nnanenyịn mi esịn mi mfiori n̄kot Jehovah,+ ndien enye eyere mi.+ Ndu ke idịbi Udi* nseme nyom un̄wam.+ Ndien afo okop uyo mi.+   Ke ini afo okotopde mi esịn ke udem, ke esịt inyan̄,+ Do akpa mmọn̄ akan mi okụk. Kpukpru òdót ye mbufụt fo ẹtọ ẹfụk mi.+   Ndien ami ndọhọ nte, ‘Ẹmebịn mi ẹfep ke iso fo!+ Ndikeme didie ndifiak n̄wụk enyịn nse edisana temple fo?’+   Mmọn̄ ofụk mi tutu esịm ukpọn̄;+ udem onyụn̄ okụk mi esịn. Ikọn̄ ẹkọmọ mi ke ibuot.   Ami nsụhọde nsịm isọn̄ ikpọ obot. Isọn̄ onyụn̄ esịn usụn̄ esie abaha mi ke nsinsi. Edi afo, O Jehovah Abasi mi, osio uwem mi ke obube.+   Ke ini ukpọn̄ mi akpade mba,+ ami nti Jehovah.+ Ndien akam mi ọdọk ebịne fi ke edisana temple fo.+   Amaedi mmọ eke ẹkponode nsunsu ndisọi mbiet, mmọ ẹmekpọn̄ ima-mfọnido mmọ.+   Edi amaedi ami, nyada uyo ekọm n̄wa uwa nnọ fi.+ Nyosio se n̄kakan̄ade.+ Edinyan̄a enyene Jehovah.”+ 10  Ekem Jehovah owụk iyak oro ete ọkọkpọhi Jonah odori ke obot.+

Mme Ikọ Idakisọn̄

Heb., “Sheol.” Se N̄w. Ik. 5.