Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 9;1-41

9  Ndien nte enye asan̄ade ebe enye okụt owo emi edide nnan toto ke emana.  Ndien mme mbet esie ẹbụp enye ẹte: “Rabbi,+ anie akanam idiọkn̄kpọ,+ ndi owo emi m̀mê ete ye eka esie,+ esịnde enye amana nnan?”  Jesus ọbọrọ ete: “Idịghe owo emi inyụn̄ idịghe ete ye eka esie, edi ekedi man ẹkpenam utom Abasi ẹyarade ke idem esie.+  Ana nnyịn inam utom enye emi ọkọdọn̄de mi ke adan̄aemi edide uwemeyo;+ okoneyo+ ke edi emi owo baba kiet mîdikemeke ndinam utom.  Adan̄a nte ami ndude ke ererimbot, ami ndi un̄wana ererimbot.”+  Ke enye ama eketịn̄ mme n̄kpọ emi ama, enye afiari etap ke isọn̄ onyụn̄ ada etap oro anam mbat, ndien ada mbat oro eyet owo emi ke enyịn+  onyụn̄ ọdọhọ enye ete: “Ka keyet+ ke n̄kpọdiọhọ mmọn̄ Siloam”+ (emi, ke ini ẹkabarede ọwọrọ, ‘Ẹkesiode ẹdọn̄’). Ntre enye adaha aka ekeyet,+ ndien ke ọnyọn̄de edi okụt usụn̄.+  Ke ntre mbọhọidụn̄ ye mbon oro ke mbemiso ẹkesikụtde enye nte edide eben̄e eben̄e ẹbụp ẹte: “Nte idịghe owo emi ekesitiede eben̄e eben̄e edi emi?”+  Ndusụk owo ẹbọrọ ẹte: “Edi enye.” Mmọ eken ẹte: “Idịghe, edi ebebiet enye.” Owo oro ọdọhọ ete: “Ami ke edi.” 10  Mmọdo mmọ ẹbụp enye ẹte: “Ẹkesan̄a didie, ndien, ẹtat fi enyịn?”+ 11  Enye ọbọrọ ete: “Owo emi ẹkotde Jesus akanam mbat ada ekpenede mi ke enyịn onyụn̄ ọdọhọ mi ete, ‘Ka keyet ke Siloam.’+ Ami nnyụn̄ n̄ka n̄keyet ndien n̄kụt usụn̄.” 12  Ntem mmọ ẹbụp enye ete: “Owo oro odu m̀mọ̀n̄?” Enye ọbọrọ ete: “Mfiọkke.” 13  Mmọ ẹda owo emi ekedide nnan mi ẹsọk mme Pharisee. 14  Ekedi ke usen Sabbath+ ke Jesus akanam mbat ada atat enye enyịn.+ 15  Ndien, isan̄ enye emi, mme Pharisee n̄ko ẹbụp enye nte akasan̄ade okụt usụn̄.+ Enye ọdọhọ mmọ ete: “Enye akada mbat eyet mi ke enyịn, ndien n̄keyet nnyụn̄ n̄kụt usụn̄.” 16  Ke ntre ndusụk mme Pharisee ẹdọhọ ẹte: “Owo emi itoho Abasi, koro enye mînịmke Sabbath.”+ Mmọ eken ẹdọhọ ẹte: “Didie ke owo emi edide anamidiọk ekeme ndinam mme utọ idiọn̄ọ+ emi?” Ntre ubahade+ odu ke otu mmọ. 17  Mmọdo mmọ ẹfiak ẹbụp nnan oro ẹte: “Nso ke afo etịn̄ aban̄a enye, ke emi edide enye ama atat fi enyịn?” Owo oro ọbọrọ ete: “Enye edi prọfet.”+ 18  Edi mme Jew inịmke ke akpanikọ ite enye ekedi nnan ndien ekem okụt usụn̄, tutu mmọ ẹkot ete ye eka owo emi okụtde usụn̄ mi ẹdi. 19  Ndien mmọ ẹbụp mmọ ẹte: “Ndi eyen mbufo emi mbufo ẹdọhọde ke enye akamana nnan edi emi? Enye asan̄a didie, ndien, okụt usụn̄ idahaemi?” 20  Ete ye eka esie ẹbọrọ ẹte: “Nnyịn imọfiọk ite ke eyen nnyịn edi emi ye nte ke enye akamana nnan. 21  Edi nte enye asan̄ade okụt usụn̄ nnyịn ifiọkke, nnyịn inyụn̄ ifiọkke m̀mê anie akatat enye enyịn. Mbufo ẹbụp enye. Enye okpon ekem. Yak enye etịn̄ ikọ idemesie.” 22  Ete ye eka esie ẹketịn̄ mme n̄kpọ emi koro mmọ ẹkefehede+ mme Jew, koro mme Jew ẹma ẹdiomi ẹte, edieke owo ekededi enyịmede ete enye edi Christ, ẹnyene ndibịn enye nsio ke synagogue.+ 23  Ntak edi oro ete ye eka esie ẹkedọhọde ẹte: “Enye okpon ekem. Ẹbụp enye.” 24  Mmọdo mmọ ẹtọn̄ọ ntak ẹkot owo emi ekedide nnan mi ẹnyụn̄ ẹdọhọ enye ẹte: “Nọ Abasi ubọn̄;+ nnyịn imọfiọk ite owo emi edi anamidiọk.” 25  Ndien enye ọbọrọ ete: “M̀mê enye edi anamidiọk ami mfiọkke. N̄kpọ kiet ke ami mfiọk, nte, n̄kedi nnan, idahaemi mmokụt usụn̄.” 26  Ntre mmọ ẹbụp enye ẹte: “Nso ke enye akanam ye afo? Enye akasan̄a didie atat fi enyịn?” 27  Enye ọbọrọ mmọ ete: “Mma ntetịn̄ nnọ mbufo, edi mbufo ikopke. Nso idi ntak emi mbufo ẹyomde ndifiak n̄kop? Nte mbufo n̄ko ẹyom ndikabade ndi mbet esie?” 28  Ntem mmọ ẹsụn̄i enye ẹnyụn̄ ẹdọhọ ẹte: “Afo edi mbet owo oro, edi nnyịn idi mbet Moses. 29  Nnyịn imọfiọk ite Abasi ama etịn̄ ikọ ye Moses;+ edi amaedi owo emi, nnyịn ifiọkke ebiet eke enye otode.”+ 30  Owo emi ọbọrọ mmọ ete: “Ke akpanikọ emi edi utịben̄kpọ,+ nte ke mbufo ifiọkke ebiet eke enye otode, edi enye ama atat mi enyịn. 31  Nnyịn imọfiọk ite Abasi ikpan̄ke utọn̄ inọ mme anamidiọk,+ edi edieke owo ekededi abakde Abasi onyụn̄ anamde uduak esie, enye akpan̄ utọn̄ ọnọ owo oro.+ 32  Toto ke eset akananam owo ikopke ite owo ekededi atat enyịn owo emi akamanade nnan. 33  Edieke owo emi mîkpotoho Abasi,+ enye ikpanamke baba n̄kpọ kiet.” 34  Mmọ ẹbọrọ enye ẹte: “Afo akamana ke idiọkn̄kpọ ofụri ofụri,+ ndien ndi afo ekpep nnyịn n̄kpọ?” Ndien mmọ ẹbịn enye ẹsio!+ 35  Jesus okop ete ẹma ẹbịn enye ẹsio, ndien, ke ama okokụt enye, obụp enye ete: “Nte afo ọmọbuọt idem ye Eyen+ owo?” 36  Owo oro ọbọrọ ete: “Ete, enye edi anie, man mbuọt idem ye enye?” 37  Jesus ọdọhọ enye ete: “Afo omokụt enye ndien, akan oro, enye edi owo emi etịn̄de ikọ ye afo.”+ 38  Ekem enye ọdọhọ ete: “Mmọbuọt idem ye enye, Ọbọn̄.” Enye onyụn̄ onụhọ+ ọnọ enye. 39  Ndien Jesus ọdọhọ ete: “N̄kedi ke ererimbot emi kaban̄a ubiereikpe+ emi: man mbon emi mîkwe usụn̄ ẹkpekụt+ ndien mbon emi ẹkụtde ẹkpekabade ẹdi nnan.”+ 40  Ndusụk mme Pharisee emi ẹkedude ye enye ẹkop mme n̄kpọ emi, ndien mmọ ẹbụp enye ẹte: “Nnyịn n̄ko idịghe nnan,+ nte imedi?” 41  Jesus ọbọrọ mmọ ete: “Edieke mbufo ẹkpedide nnan, mbufo ikpenyeneke idiọkn̄kpọ. Edi mbufo ke emi ẹdọhọ ẹte, ‘Nnyịn imokụt usụn̄.’+ Idiọkn̄kpọ+ mbufo osụk ododu.”

Mme Ikọ Idakisọn̄