Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 7;53–8;59

 N̄kani uwetn̄kpọ Codex Sinaiticus, Codex Vaticanus, ye Sinaitic Syriac isịnke ufan̄ikọ 53 esịm ibuot 8, ufan̄ikọ 11, emi okotde ntem (ye ndusụk ukpụhọde ke nsio nsio uwetn̄kpọ ye mme edikabade eke usem Greek), ete: 53  Ntre mmọ kiet kiet ẹnyọn̄ọ ufọk mmọ. 8  Edi Jesus aka Obot Olive.  Ndien ke usenubọk, enye ọtọn̄ọ ntak edi temple, kpukpru owo ẹnyụn̄ ẹdi ẹbịne enye, ndien enye osụhọde etetie onyụn̄ ọtọn̄ọ ndikpep mmọ n̄kpọ.  Ndien mme scribe ye mme Pharisee ẹda n̄wan emi ẹmụmde nte esịnde efịbe ẹdi, ndien, ke ẹma ẹkenam enye ọwọrọ edida ke ufọt mmọ,  mmọ ẹdọhọ enye ẹte: “Andikpep, ẹmụm n̄wan emi nte esịnde efịbe.  Moses eteme nnyịn ke Ibet ete itọn̄ọ utọ an̄wan eke etiede ntem ke itiat. Afo ọdọhọ didie?”  Ke akpanikọ, mmọ ẹketịn̄ emi ndidomo enye nse, man ẹkpenyene n̄kpọ ndida ndori enye ikọ. Edi Jesus onụhọ onyụn̄ ada nnuenubọk esie ewet n̄kpọ ke isọn̄.  Ke ini mmọ ẹsụk ẹyịrede ẹbụp enye, enye enen̄ede etie onyụn̄ ọdọhọ mmọ ete: “Yak owo kiet ke otu mbufo emi mînamke idiọkn̄kpọ ebem iso ọtọ enye ke itiat.”  Ndien enye ọtọn̄ọ ntak onụhọ onyụn̄ aka iso ndiwet n̄kpọ ke isọn̄.  Edi mbon oro ẹkopde ikọ emi ẹtọn̄ọ ndiwọn̄ọ, owo kiet kiet, ọtọn̄ọde ke mbiowo, ndien edisụk enye ikpọn̄, ye n̄wan emi okodude ke ufọt mmọ. 10  Jesus enen̄ede etie onyụn̄ obụp n̄wan oro ete: “N̄wan owo, mmọ ẹdu m̀mọ́n̄? Nte owo ndomokiet ibiomke fi ikpe?” 11  Enye ọbọrọ ete: “Ete, ndomo owo kiet ibiomke mi ikpe.” Jesus ọdọhọ ete: “Ami nnyụn̄ mbiomke fi ikpe. Nyọn̄ okwo; ọtọn̄ọde ke emi, kûka iso aba unam idiọkn̄kpọ.” 12  Ntem Jesus ọtọn̄ọ ntak ọdọhọ mmọ, ete: “Ami ndi un̄wana+ ererimbot. Owo eke etienede mi idisan̄ake ke ekịm tutu amama,+ edi eyenyene un̄wana uwem.” 13  Ntem mme Pharisee ẹdọhọ enye ẹte: “Afo etie ntiense aban̄a idemfo; ntiense fo idịghe akpanikọ.” 14  Jesus ọbọrọ mmọ ete: “Idem ọkpọkọm ntie ntiense mban̄a idemmi, ntiense mi+ edi akpanikọ, koro mmọfiọk ebiet emi n̄kotode ndi ye ebiet emi n̄kade.+ Edi mbufo ifiọkke ebiet emi n̄kotode ndi ye ebiet emi n̄kade. 15  Mbufo ẹbiere ikpe ke ido obụkidem;+ ami mbiereke ikpe nnọ baba owo kiet.+ 16  Edi idem edieke mbierede ikpe, ubiereikpe mi edi akpanikọ, koro ami ndụhe ikpọn̄, edi Ete mi emi ọkọdọn̄de mi odu ye ami.+ 17  N̄ko, ẹwet ke Ibet mbufo ẹte, ‘Ikọ ntiense owo iba edi akpanikọ.’+ 18  Ami ntie ntiense mban̄a idemmi, ndien Ete emi ọkọdọn̄de mi etie ntiense aban̄a mi.”+ 19  Ke ntre mmọ ẹbụp enye ẹte: “Ete fo odu m̀mọ̀n̄?” Jesus ọbọrọ ete: “Mbufo ifiọkke mi inyụn̄ ifiọkke Ete+ mi. Edieke mbufo ẹkpefiọkde mi, mbufo ẹkpefiọk Ete mi n̄ko.”+ 20  Enye eketịn̄ mme n̄kpọ emi ke ufọk unịm okụk+ nte enye ekpepde owo n̄kpọ ke temple. Edi baba owo kiet imụmke enye,+ koro ini esie+ mîkekemke kan̄a. 21  Ntre enye ọtọn̄ọ ntak ọdọhọ mmọ ete: “Ami mmọn̄ nnyọn̄, ndien mbufo ẹyeyom+ mi, edi mbufo ẹyekpan̄a ke idiọkn̄kpọ mbufo.+ Ebiet eke ami n̄kade mbufo ikemeke ndidi.” 22  Ntem mme Jew ẹdọhọ ẹte: “Nte enye ediwot idem? Koro enye ọdọhọde ete, ‘Ebiet eke ami n̄kade mbufo ikemeke ndidi.’”+ 23  Ntre enye ọdọhọ mmọ ete: “Mbufo ẹto isọn̄; ami nto enyọn̄.+ Mbufo ẹto ererimbot emi;+ ami ntoho ererimbot emi.+ 24  Ntre ke ndọhọ mbufo nte, Mbufo ẹyekpan̄a ke mme idiọkn̄kpọ mbufo.+ Koro edieke mbufo mînịmke ke akpanikọ ite ami ndi enye, mbufo ẹyekpan̄a ke mme idiọkn̄kpọ mbufo.”+ 25  Mmọdo mmọ ẹbụp enye ẹte: “Afo edi anie?” Jesus ọbọrọ mmọ ete: “Nso inam ami n̄kam ntetịn̄ ikọ ye mbufo? 26  Ami mmenyene ediwak n̄kpọ nditịn̄ mban̄a mbufo ndinyụn̄ nnọ ubiereikpe. Enye emi ọkọdọn̄de mi edi etịn̄ akpanikọ, ndien kpa mme n̄kpọ emi n̄kokopde nto enye ke ntịn̄ ke ererimbot.”+ 27  Mmọ ikọfiọkke ite enye eketịn̄ n̄kpọ ọnọ mmimọ aban̄a Ete. 28  Ntem Jesus ọdọhọ ete: “Ke ini mbufo ẹdimenerede+ Eyen owo+ ke enyọn̄, do ke mbufo ẹdifiọk ẹte ke ami ndi enye,+ ye nte ke ami nnamke baba n̄kpọ kiet ke odudu idemmi;+ edi kpa nte Ete ekekpepde mi kpa ntre ke ntịn̄ mme n̄kpọ emi.+ 29  Ndien enye emi ọkọdọn̄de mi odu ye ami; enye ikọkpọn̄ke mi ikpọn̄, koro nnamde n̄kpọ eke enemde enye esịt kpukpru ini.”+ 30  Nte enye etịn̄de mme n̄kpọ emi, ediwak owo ẹbuọt idem ye enye.+ 31  Ntre Jesus ọdọhọ mme Jew oro ẹkenịmde enye ke akpanikọ ete: “Edieke ikọ mi odude ye mbufo,+ mbufo ẹdi mbet mi ke akpanikọ, 32  ndien mbufo ẹyefiọk akpanikọ,+ akpanikọ oyonyụn̄ anam mbufo ẹwọrọ ufụn.”+ 33  Mmọ ẹbọrọ enye ẹte: “Nnyịn idi nditọ Abraham+ ndien akananam nnyịn idụkke ufụn inọ owo ekededi.+ Nso inam afo ọdọhọde, ‘Mbufo ẹyewọrọ ufụn’?” 34  Jesus ọbọrọ mmọ ete: “Ke ata akpanikọ ke ndọhọ mbufo, Owo ekededi eke anamde idiọkn̄kpọ edi ofụn idiọkn̄kpọ.+ 35  Akan oro, ofụn idụn̄ke ke ufọk ke nsinsi; eyen odụn̄ ke nsinsi.+ 36  Ke ntre edieke Eyen anamde mbufo ẹwọrọ ufụn, mbufo ẹyenen̄ede ẹwọrọ ufụn.+ 37  Mmọfiọk nte mbufo ẹdi nditọ Abraham; edi mbufo ẹyom ndiwot mi,+ koro ikọ mi ikọrike ke esịt mbufo.+ 38  Se ededi oro n̄kụtde ye Ete mi+ ke ntịn̄;+ edi mbufo ẹnam mme n̄kpọ emi mbufo ẹkopde ẹto ete mbufo.” 39  Mmọ ẹbọrọ enye ẹte: “Ete nnyịn edi Abraham.”+ Jesus ọdọhọ mmọ ete: “Edieke mbufo ẹdide nditọ+ Abraham, ẹnam mme utom Abraham. 40  Edi ke emi mbufo ke ẹyom ndiwot mi, kpa owo emi asiande mbufo akpanikọ oro enye okokopde oto Abasi.+ Abraham ikanamke ntem.+ 41  Mbufo ẹnam utom ete mbufo.” Mmọ ẹdọhọ enye ẹte: “Nnyịn ikamanake ke use; nnyịn inyene Ete+ kiet, kpa Abasi.” 42  Jesus ọdọhọ mmọ ete: “Edieke Abasi ekpedide Ete mbufo, mbufo ẹkpema mi,+ koro n̄koto Abasi ndi mi.+ Ami n̄konyụn̄ ndịghe ke odudu idemmi, edi Enye okosio mi ọdọn̄.+ 43  Nso idi ntak emi mbufo mîfiọkke se ami ntịn̄de? Koro mbufo mîkemeke ndikop ikọ mi.+ 44  Mbufo ẹto ete mbufo kpa Devil,+ mbufo ẹnyụn̄ ẹyom ndinam mme udọn̄ ete mbufo.+ Enye ekedi owotowo toto ke editọn̄ọ esie,+ enye ikonyụn̄ isọn̄ọke ida ke akpanikọ, koro akpanikọ mîdụhe enye ke esịt. Ke ini enye osude nsu, enye etịn̄ se isịnede enye ke esịt, koro enye edide osu nsu ye ete nsu.+ 45  Edi sia ami ntịn̄de akpanikọ, mbufo inịmke mi ke akpanikọ.+ 46  Anie ke otu mbufo obiom mi ikpe idiọkn̄kpọ?+ Edieke ntịn̄de akpanikọ, ntak emi mbufo mînịmke mi ke akpanikọ? 47  Owo emi edide eke Abasi okop ikọ Abasi.+ Ntak edi oro mbufo mîkopke, koro mbufo mîtoho Abasi.”+ 48  Mme Jew ẹbọrọ enye ẹte: “Nte nnyịn idọhọke ite, Afo edi owo Samaria,+ omonyụn̄ enyene demon?”+ 49  Jesus ọbọrọ ete: “Nnyeneke demon, edi n̄kpono Ete mi,+ edi mbufo ẹmesuene mi. 50  Edi ami nyomke ubọn̄ idemmi;+ odu Enye emi oyomde, emi onyụn̄ ebierede ikpe.+ 51  Ke ata akpanikọ ke ndọhọ mbufo, Edieke owo ekededi anamde ikọ mi, enye idikwe n̄kpa tutu amama.”+ 52  Mme Jew ẹdọhọ enye ẹte: “Nnyịn imọfiọk ndien ite afo emenyene demon.+ Abraham ama akpa,+ ye mme prọfet n̄ko;+ edi afo ọdọhọ ete, ‘Edieke owo ekededi anamde ikọ mi, enye iditabike+ n̄kpa tutu amama.’ 53  Afo ukponke ukan+ ete nnyịn Abraham, emi ama akakpa, ndi omokpon akan? Mme prọfet n̄ko ẹma ẹkpan̄a.+ Afo ekere ke imọ idedi anie?” 54  Jesus ọbọrọ ete: “Edieke nnọde idemmi ubọn̄, ubọn̄ mi iwọrọke n̄kpọ ndomokiet. Edi Ete mi ọnọ mi ubọn̄,+ kpa enye emi mbufo ẹdọhọde nte edide Abasi mbufo; 55  ndien mbufo ifiọkke enye.+ Edi ami mmọfiọk enye.+ Edieke nnyụn̄ ndọhọde ke mfiọkke enye, n̄kpedi osu nsu nte mbufo. Edi mmọfiọk enye, mmonyụn̄ nnam ikọ esie.+ 56  Ete mbufo Abraham ama adara etieti ke idotenyịn edikụt usen mi,+ ama onyụn̄ okụt onyụn̄ adara.”+ 57  Ntem mme Jew ẹdọhọ enye ẹte: “Afo ukam usịmke kan̄a isua aba ye duop ke emana, edi afo ama okokụt Abraham?” 58  Jesus ọdọhọ mmọ ete: “Ke ata akpanikọ ke ndọhọ mbufo, Ami mma ndodu mbemiso Abraham edidu.”+ 59  Mmọdo mmọ ẹtan̄ itiat ẹte itọn̄ọ enye;+ edi Jesus edịbe ọwọrọ ke temple.

Mme Ikọ Idakisọn̄