Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 5;1-47

5  Ke mme n̄kpọ emi ẹma ẹkebe ẹnịm usọrọ+ mme Jew, ndien Jesus ọdọk aka Jerusalem.  Ndien n̄kpọdiọhọ mmọn̄ emi ẹkotde ke usem Hebrew Bethzatha, emi enyenede etehe ition, odu ke inuaotop erọn̄+ ke Jerusalem.  Ediwak mbon udọn̄ọ, mme nnan, mbụn̄ọ ye mbon oro ndido idem ẹkpade ẹsina do. 4*  ——  Edi eren kiet odu do emi ọdọn̄ọde ke isua edịp ye efịteta.  Ke ini Jesus okụtde eren emi nte anade, onyụn̄ ọfiọkde ete ke enye ọdọn̄ọ ke anyan ini,+ enye obụp owo oro ete: “Ndi omoyom ndikop nsọn̄idem?”+  Owo udọn̄ọ oro ọbọrọ enye ete: “Ete, nnyeneke owo eke emende mi esịn ke n̄kpọdiọhọ mmọn̄ ke ini ẹtịmerede mmọn̄; edi ke ini ndide owo efen ebem mi iso osụhọde odụk.”  Jesus ọdọhọ enye ete: “Daha ke enyọn̄, men n̄kpọnna fo nyụn̄ san̄a.”+  Ntem kpa idaha oro owo emi okop nsọn̄idem, enye onyụn̄ emen n̄kpọnna esie ọtọn̄ọ ndisan̄a. Usen oro okonyụn̄ edi sabbath.+ 10  Ke ntre mme Jew ẹdọhọ owo emi ẹkọkde udọn̄ọ mi ẹte: “Mfịn edi Sabbath, ibet inyụn̄ inyịmeke+ afo akama n̄kpọnna.” 11  Edi enye ọbọrọ mmọ ete: “Owo emi akanamde mi n̄kop nsọn̄idem ọkọdọhọ mi ete, ‘Men n̄kpọnna fo nyụn̄ san̄a.’” 12  Mmọ ẹbụp enye ẹte: “Anie owo ọkọdọhọ fi ete, ‘Men enye nyụn̄ san̄a’?” 13  Edi owo oro udọn̄ọ okụrede mi ikọfiọkke enye emi enye edide, koro Jesus ama ọkpọn̄ do, sia otuowo ẹdude ke ebiet oro. 14  Ke mme n̄kpọ emi ẹma ẹkebe Jesus okụt enye ke temple, onyụn̄ ọdọhọ enye ete: “Sese, afo omokop nsọn̄idem. Kûnam aba idiọkn̄kpọ, mbak se idiọkde ikan emi editịbe ọnọ fi.” 15  Owo oro adaha ọkọdọhọ mme Jew ete ke edi Jesus akanam imọ ikop nsọn̄idem. 16  Ntre ke mme Jew ẹkọbọ+ Jesus ke ntak emi, koro enye akanamde mme n̄kpọ emi ke Sabbath. 17  Edi enye ọbọrọ mmọ ete: “Ete mi ke ananam utom tutu esịm emi, ami ke nnyụn̄ nnam utom.”+ 18  Ke ntak emi, mme Jew ẹdọdiọn̄ ẹyom usụn̄ ndiwot enye,+ idịghe koro enye abiatde Sabbath kpọt edi n̄ko koro enye ọdọhọde ke Abasi edi Ete imọ,+ enịmde idem ke n̄ka+ ye Abasi. 19  Ke ntre, Jesus ọdọhọ mmọ ete: “Ke ata akpanikọ ke ndọhọ mbufo nte, Eyen ikemeke ndinam baba n̄kpọ kiet ke odudu idemesie, ke mîbọhọke se enye okụtde nte Ete anamde.+ Koro se ededi oro Enye emi anamde, kpa mme n̄kpọ emi n̄ko ke Eyen anam. 20  Koro Ete amama Eyen+ onyụn̄ owụt enye kpukpru n̄kpọ emi enye ke idemesie anamde, enye oyonyụn̄ owụt enye mme utom eke ẹkponde ẹkan emi, man idem akpa mbufo.+ 21  Koro kpa nte Ete anamde mme akpan̄kpa ẹset onyụn̄ anamde mmọ ẹdu uwem,+ ntre n̄ko ke Eyen anam mbon oro enye amade ẹdu uwem.+ 22  Koro Ete ikpehe ikpe owo baba kiet, edi enye ayak kpukpru ikpe esịn Eyen ke ubọk,+ 23  man kpukpru owo ẹkpekpono Eyen+ kpa nte mmọ ẹkponode Ete. Owo eke mîkponoke Eyen ikponoke Ete emi ọkọdọn̄de enye.+ 24  Ke ata akpanikọ ke ndọhọ mbufo nte, Owo eke okopde ikọ mi onyụn̄ enịmde enye emi ọkọdọn̄de mi ke akpanikọ, enyene nsinsi uwem,+ enye idụkke ke ikpe edi ama oto ke n̄kpa ebe odụk uwem.+ 25  “Ke ata akpanikọ ke ndọhọ mbufo, Ini ke edi, ini oro onyụn̄ edi emi, emi mme akpan̄kpa+ ẹdikopde uyo+ Eyen Abasi ndien mmọ emi ẹkopde ẹyedu uwem.+ 26  Koro kpa nte Ete enyenede uwem ke idemesie,+ ntre ke enye ọkọnọ Eyen ndinyene uwem ke idemesie n̄ko.+ 27  Ndien enye ọmọnọ enye odudu ndikpe ikpe,+ koro enye edide Eyen owo.+ 28  Ẹkûyak idem akpa mbufo, koro ini ke edi eke kpukpru mme andidu ke udi+ editi ẹdikopde enye uyo 29  ẹwọn̄ọ ẹdi, mbon oro ẹkenamde se ifọnde ẹyeset ke n̄kpa ẹdụk uwem,+ mbon oro ẹkenamde se idiọkde ẹyeset ke n̄kpa ẹdụk ikpe.+ 30  N̄kemeke ndinam baba n̄kpọ kiet ke odudu idemmi; n̄kpe ikpe kpa nte n̄kopde; ndien ubiereikpe eke ami nnọde edi edinen,+ koro ndomoke ndinam uduak idemmi, edi nnam uduak+ enye emi ọkọdọn̄de mi. 31  “Edieke ami ikpọn̄ ntiede ntiense+ mban̄a idemmi, ikọ ntiense mi idịghe akpanikọ.+ 32  Odu owo efen emi etiede ntiense aban̄a mi, mmonyụn̄ mfiọk nte ikọ ntiense eke enye etịn̄de+ aban̄a mi edi akpanikọ. 33  Mbufo ẹma ẹsio mme owo ẹdọn̄ ẹka ke ọtọ John, ndien enye etie ntiense aban̄a akpanikọ.+ 34  Edi ami nnyịmeke ikọ ntiense eke otode owo, edi ntịn̄ mme n̄kpọ emi man mbufo ẹkpenyene edinyan̄a.+ 35  Owo oro ekedi utuenikan̄ emi asakde onyụn̄ ayamade, ndien mbufo ẹma ẹdara etieti ke un̄wana esie ke ibio ini.+ 36  Edi ami mmenyene ikọ ntiense emi okponde akan eke John, koro mme utom emi Ete mi ọkọnọde mi ndinam, kpa mme utom oro ami nnamde,+ ẹtie ntiense ẹban̄a mi ẹte ke Ete okosio mi ọdọn̄. 37  N̄ko, Ete emi okosiode mi ọdọn̄ etie ntiense aban̄a mi.+ Akananam mbufo ikopke uyo esie inyụn̄ ikwe mbiet esie;+ 38  Mbufo inyụn̄ inyeneke ikọ esie ke esịt mbufo, koro mbufo mînịmke owo emi enye okosiode ọdọn̄ ke akpanikọ. 39  “Mbufo ẹdụn̄ọde N̄wed Abasi,+ koro mbufo ẹkere ke enye ayanam mbufo ẹnyene nsinsi uwem; ndien kpa emi etie ntiense aban̄a mi.+ 40  Edi kpa ye oro mbufo iyomke nditiene mi man mbufo ẹkpenyene uwem.+ 41  Ami mbọhọ ubọn̄ ke ubọk owo,+ 42  edi mmetịm mfiọk nte ke ima Abasi idụhe mbufo ke esịt.+ 43  Ami ndi ke enyịn̄ Ete mi,+ edi mbufo idarake mi; edieke owo efen edide ke enyịn̄ esiemmọ, mbufo ẹyedara enye. 44  Didie ke mbufo ẹkeme ndinịm ke akpanikọ, ke ini mbufo ẹbọde ubọn̄+ ke ubọk kiet eken ndien mbufo iyomke ubọn̄ eke otode Abasi kierakiet?+ 45  Ẹkûkere ẹte nyodori mbufo ikọ ke iso Ete; odu enye emi odoride mbufo ikọ, kpa Moses,+ emi mbufo ẹkọn̄de idotenyịn mbufo. 46  Ke akpanikọ, edieke mbufo ẹkenịmde Moses ke akpanikọ mbufo ẹkpenịm mi ke akpanikọ, koro enye ama ewet aban̄a mi.+ 47  Edi edieke mbufo mînịmke se enye ekewetde ke akpanikọ,+ mbufo ẹdisan̄a didie ẹnịm ikọ mi ke akpanikọ?”

Mme Ikọ Idakisọn̄

Ufan̄ikọ emi odu ke ndusụk edikabade Bible, edi enye idụhe ke uwetn̄kpọ usem Greek eke Westcott ye Hort, emi ekemde ye ata ediwak uwetn̄kpọ usem Greek eset.