Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 3;1-36

3  Owo Pharisee kiet ama odu, emi ekekerede Nicodemus,+ andikara mme Jew.  Owo emi edi ebịne enye ke okoneyo+ edidọhọ enye ete: “Rabbi,+ nnyịn imọfiọk ite afo edi andikpep+ emi otode Abasi;+ koro baba owo kiet ikemeke ndinam mme idiọn̄ọ+ emi afo anamde ibọhọke Abasi odu ye enye.”+  Jesus ọbọrọ enye ete:+ “Ke ata akpanikọ ke ndọhọ fi nte, Ibọhọke owo ekededi ọtọn̄ọ ntak amana,+ enye ikemeke ndikụt obio ubọn̄ Abasi.”+  Nicodemus obụp enye ete: “Didie ke owo ekeme ndimana ke enye ama ọkọsọn̄? Ndi enye ekeme ndidụk idịbi eka esie ọyọhọ utịm ikaba nnyụn̄ mmana?”  Jesus ọbọrọ ete: “Ke ata akpanikọ ke ndọhọ fi nte, Ibọhọke owo ekededi amana oto mmọn̄+ ye spirit,+ enye ikemeke ndidụk obio ubọn̄ Abasi.  Se itode obụkidem imana edi obụkidem, se inyụn̄ itode spirit imana edi spirit.+  Kûyịk koro ndọhọde fi nte, Mbufo ẹnyene nditọn̄ọ ntak mmana.+  Ofụm+ efịme aka ebiet eke enye amama, afo onyụn̄ okop uyom esie, edi ufiọkke ebiet eke enye otode edi ye ebiet eke enye akade. Ntre ke edi ye kpukpru owo eke ẹtode ke spirit ẹmana.”+  Nicodemus obụp enye ete: “Didie ke kpukpru n̄kpọ emi ẹkeme ndida itie?” 10  Jesus ọbọrọ enye ete: “Nte afo edi andikpep ke Israel ndien ufiọkke mme n̄kpọ emi?+ 11  Ke ata akpanikọ ke ndọhọ fi nte, Nnyịn itịn̄ se nnyịn ifiọkde inyụn̄ itie ntiense+ iban̄a se nnyịn ikụtde, edi mbufo ibọhọ ikọ ntiense oro nnyịn inọde.+ 12  Edieke ntịn̄de mme n̄kpọ isọn̄ nnọ mbufo ndien mbufo inịmke ke akpanikọ, mbufo ẹdisan̄a didie ẹnịm ke akpanikọ edieke ntịn̄de mme n̄kpọ heaven nnọ mbufo?+ 13  Akan oro, baba owo kiet ikọdọkke ikodụk ke heaven+ ibọhọke enye oro okotode ke heaven osụhọde edi,+ kpa Eyen owo.+ 14  Ndien kpa nte Moses ekemenerede urụkikọt+ ke enyọn̄ ke wilderness, kpasụk ntre ke ẹnyene ndimenede Eyen owo ke enyọn̄,+ 15  man kpukpru owo eke ẹnịmde enye ke akpanikọ ẹkpenyene nsinsi uwem.+ 16  “Koro Abasi ama enen̄ede ama ererimbot+ tutu enye ọnọ ikpọn̄-ikpọn̄ edibon Eyen esie,+ man owo ekededi eke ọbuọtde idem+ ye enye okûtak+ edi enyene nsinsi uwem.+ 17  Koro Abasi ikosioho Eyen esie idọn̄ ke ererimbot man edikpe ikpe+ ọnọ ererimbot, edi okosio ọdọn̄ man okpoto ke enye ẹnyan̄a+ ererimbot. 18  Owo ikpehe ikpe inọ owo eke ọbuọtde idem ye enye.+ Ẹkam ẹkpekpe ikpe ẹnọ owo eke mîbuọtke idem, koro enye mîbuọtke idem ke enyịn̄ ikpọn̄-ikpọn̄ edibon Eyen Abasi.+ 19  Ndien se ẹdade ẹbiere ikpe edi emi, nte ke un̄wana+ ama edi ke ererimbot+ edi mme owo ẹma ekịm utu ke un̄wana,+ koro mme utom mmọ ẹdiọkde. 20  Koro owo eke anamde mbubiam n̄kpọ+ asasua un̄wana inyụn̄ iwọrọke idi un̄wana, mbak ẹdisua ẹnọ mme utom esie.+ 21  Edi owo eke anamde se idide akpanikọ ọwọrọ edi un̄wana,+ man ẹkpeyarade mme utom esie nte ke se enye anamde asan̄a ekekem ye uduak Abasi.” 22  Ke mme n̄kpọ emi ẹma ẹkebe, Jesus ye mme mbet esie ẹka obio-in̄wan̄ Judea, enye onyụn̄ odu do ye mmọ ke ndusụk ini onyụn̄ enịm owo baptism.+ 23  Edi John+ n̄ko enịm owo baptism ke Aenon emi ekperede Salim, koro akamba mmọn̄ ama odu do,+ ndien mme owo ẹka iso ẹdi ẹnyụn̄ ẹnịm mmọ baptism;+ 24  koro owo mîkotopke John kan̄a isịn ke ufọk-n̄kpọkọbi.+ 25  Mmọdo eneni edemede ke ufọt mme mbet John ye mme Jew aban̄a edinam asana.+ 26  Ntre mmọ ẹdi ẹbịne John ẹdidọhọ enye ẹte: “Rabbi, owo emi okodude ye afo ke edem Jordan oko, emi afo eketiede ntiense aban̄a,+ sese, owo emi ke enịm owo baptism ndien kpukpru owo ke ẹka ẹbịne enye.”+ 27  John ọbọrọ ete: “Owo ikemeke ndibọ baba n̄kpọ kiet ibọhọke ẹtie ke heaven ẹnọ enye.+ 28  Mbufo ke idem mbufo ẹmedi ntiense mi nte ke mma ndọhọ nte, Ami ndịghe Christ,+ edi, ẹkesio mi ẹdọn̄ ndibem enye iso.+ 29  Ebendọ edi andinyene n̄wanndọ.+ Edi, ke ini ufan ebendọ adade okop enye uyo, adara etieti ndikop uyo ebendọ. Ntre ẹmenam idatesịt mi emi ọyọhọ.+ 30  Enye ayaka iso okpon, edi ami nyaka iso n̄kpri.” 31  Enye emi otode ke enyọn̄ edi okpon akan kpukpru mmọ eken.+ Enye emi otode ke isọn̄ oto isọn̄ onyụn̄ etịn̄ mme n̄kpọ isọn̄.+ Enye emi otode heaven okpon akan kpukpru mmọ eken.+ 32  Se enye okokụtde onyụn̄ okopde ke enye etie ntiense aban̄a,+ edi baba owo kiet inyịmeke ikọ ntiense esie.+ 33  Owo emi enyịmede ikọ ntiense esie efịk idiọn̄ọ esie ke enye nte ke Abasi edi akpanikọ.+ 34  Koro enye emi Abasi okosiode ọdọn̄ etịn̄ mme ikọ eke ẹtode Abasi,+ koro Abasi idomoke-domo spirit inọ owo.+ 35  Ete amama+ Eyen onyụn̄ ayak kpukpru n̄kpọ esịn enye ke ubọk.+ 36  Owo eke ọbuọtde idem+ ke Eyen enyene nsinsi uwem;+ owo eke ọsọn̄de ibuot ye Eyen idikwe uwem,+ edi iyatesịt Abasi odoro enye ke idem.+

Mme Ikọ Idakisọn̄