Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 20;1-31

20  Ke akpa usen+ urua Mary Magdalene ababak edi udi, ke adan̄aemi eyo mîn̄wan̄ake kan̄a, ndien enye okụt ke ẹma ẹkpat itiat ẹsio ke udi.+  Ntre enye efehe ebịne Simon Peter ye mbet eken,+ emi Jesus amade, ọkọdọhọ mmọ ete: “Mmọ ẹmen Ọbọn̄ ẹsio ke udi,+ nnyịn inyụn̄ ifiọkke ebiet eke mmọ ẹnịmde enye.”  Ekem Peter+ ye mbet eken ẹwọn̄ọ ẹka udi.  Mmọ mbiba ẹtọn̄ọ itọk; edi mbet enye eken enen̄ede ọsọp itọk efehe ebe Peter ebem iso ekesịm udi.  Enye onyụn̄ọ ese, onyụn̄ okụt ọfọn̄ emi ẹkedade ẹwan̄ enye nte anade do,+ edi enye idụkke esịt.  Edi Simon Peter etiene enye ke edem edisịm, onyụn̄ ebe odụk udi. Ndien enye okụt ọfọn̄ emi ẹkedade ẹwan̄ enye nte anade do,+  onyụn̄ okụt ke ọfọn̄ emi ẹkedade ẹbọp enye ibuot inaha ye ọfọn̄ emi ẹkedade ẹwan̄ enye, edi ke ẹwan̄ enye ẹnịm san̄asan̄a ke itie kiet.  Ekem, mbet enye eken emi ekebemde iso esịm udi etiene odụk n̄ko, ndien okụt onyụn̄ enịm ke akpanikọ.  Koro itie N̄wed Abasi emi ọdọhọde ke enye enyene ndiset ke n̄kpa ikan̄wan̄ake mmọ kan̄a.+ 10  Mmọdo mme mbet oro ẹnyọn̄ọ ẹka ufọk mmọ. 11  Edi, Mary aka iso ada ke an̄wa ekpere udi, atua eyet. Ekem, ke adan̄aemi enye osụk atuade, enye onyụn̄ọ ete ise esịt udi emi 12  ndien enye okụt angel iba+ ẹsịnede mfia ọfọn̄idem, kiet etie ke ibuot, kiet onyụn̄ etie ke ukot itie emi ẹkenịmde okpo Jesus. 13  Ndien mmọ ẹbụp enye ẹte: “N̄wan owo, nso inam fi atuade?” Enye ọbọrọ mmọ ete: “Mmọ ẹmen Ọbọn̄ mi ẹfep, ndien mfiọkke ebiet eke ẹnịmde enye.” 14  Ke ama eketịn̄ mme n̄kpọ emi ama, enye ọwọn̄ọde enyịn ke edem onyụn̄ okụt Jesus adade, edi enye idiọn̄ọke ite edi Jesus.+ 15  Jesus obụp enye ete: “N̄wan owo, nso inam fi atuade? Afo oyom anie?”+ Enye ekere ete edi ekpeme in̄wan̄ onyụn̄ ọbọrọ enye ete: “Ete, edieke edide afo ekemen enye efep, sian mi ebiet emi afo enịmde enye, ndien nyemen enye nnyọn̄.” 16  Jesus ete enye: “Mary!”+ Enye ọwọn̄ọde ada, okot enye ke Hebrew, ete: “Rab·bo′ni!”+ (emi ọwọrọde “Andikpep!”) 17  Jesus ọdọhọ enye ete: “Kûyịre mi ke idem. Koro ndọkke kan̄a mbịne Ete. Edi bịne nditọete mi+ kọdọhọ mmọ ete: ‘Mmọn̄ ndọk mbịne Ete+ mi ye Ete mbufo, Abasi+ mi ye Abasi mbufo.’”+ 18  Mary Magdalene ada mbụk emi ọsọk mme mbet, ete: “Mmokụt Ọbọn̄!” onyụn̄ ọdọhọ ke enye eketịn̄ mme n̄kpọ emi ye imọ.+ 19  Ntem, ke mbubreyo usen oro, ke akpa usen urua,+ okposụkedi ẹma ẹkekọbi usụn̄ ebiet emi mme mbet ẹkedude ke ntak ndịk+ mme Jew, Jesus odụk+ edida ke ufọt mmọ onyụn̄ ọdọhọ mmọ ete: “Emem akpakam odu ye mbufo.”+ 20  Ndien ke ama eketịn̄ emi ama, enye owụt mmọ ubọk esie ye n̄kan̄ esie.+ Ndien mme mbet ẹdat esịt+ ndikụt Ọbọn̄. 21  Ke ntre, Jesus ọtọn̄ọ ntak ọdọhọ mmọ ete: “Emem akpakam odu ye mbufo. Kpa nte Ete okosiode mi ọdọn̄,+ ntre n̄ko ke ami nsio mbufo ndọn̄.”+ 22  Ndien ke enye ama eketịn̄ n̄kpọ emi ama enye ọduọk mmọ ibifịk ke idem onyụn̄ ọdọhọ mmọ ete: “Ẹbọ edisana spirit.+ 23  Edieke mbufo ẹfende mme idiọkn̄kpọ owo ekededi,+ ẹyefen mmọ; edieke mbufo ẹmụmde mme idiọkn̄kpọ owo ekededi ẹnịm, ẹyemụm mmọ ẹnịm.”+ 24  Edi Thomas,+ kiet ke otu mbet duopeba, emi ẹkekotde Amanamba, ikodụhe ye mmọ ke ini Jesus ekedide. 25  Ntem mme mbet eken ẹdọhọ enye ẹte: “Nnyịn imokụt Ọbọn̄!” Edi enye ọdọhọ mmọ ete: “Ibọhọke ami n̄kụt mme nde okpukwak ke ubọk esie nnyụn̄ nsịn nnuenubọk mi ke nde okpukwak oro nnyụn̄ nsịn ubọk mi ke n̄kan̄ esie,+ ndinịmke ke akpanikọ.”+ 26  Usen itiaita ke ukperedem mme mbet esie ẹtọn̄ọ ntak ẹdu ke esịt ufọk, Thomas onyụn̄ odu ye mmọ. Jesus odụk edi, okposụkedi ẹma ẹkekọbi usụn̄, ndien enye edida ke ufọt mmọ ọdọhọ ete: “Emem akpakam odu ye mbufo.”+ 27  Ekem enye ọdọhọ Thomas ete: “Sịn nnuenubọk fo mi, nyụn̄ se ubọk mi, ndien sịn ubọk+ fo ke n̄kan̄ mi, nyụn̄ tre ndiyịk edi nịm ke akpanikọ.” 28  Thomas ọbọrọ enye ete: “Ọbọn̄ mi ye Abasi mi!”+ 29  Jesus ọdọhọ enye ete: “Sia ama okokụt mi nte afo emenịm ke akpanikọ? Mmọ emi mîkwe edi ẹnịm ke akpanikọ ẹkop inemesịt.”+ 30  Ke akpanikọ, Jesus ama anam ediwak idiọn̄ọ efen n̄ko ke iso mme mbet, emi owo mîwetke isịn ke n̄wed emi.+ 31  Edi ẹwet mmọ emi ẹnịm+ man mbufo ẹkpenịm ke akpanikọ ẹte Jesus edi Christ, Eyen Abasi, n̄ko man otode ke edinịm ke akpanikọ,+ mbufo ẹkpenyene uwem ebe ke enyịn̄ esie.

Mme Ikọ Idakisọn̄