Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 2;1-25

2  Ekem ke ọyọhọ usen ita usọrọ ndọ ada itie ke Cana+ ke Galilee, eka+ Jesus onyụn̄ odu do.  Ẹma ẹkot Jesus ye mme mbet esie n̄ko ẹte ẹdi usọrọ ndọ emi.  Ke ini wine okụrede eka+ Jesus ọdọhọ enye ete: “Mmọ inyeneke wine.”  Edi Jesus ọdọhọ enye ete: “Nsan̄a nso ye afo n̄wan owo?+ Ini mi ikemke kan̄a.”+  Eka esie ọdọhọ mbon oro ẹsan̄ade utom ete: “Se ededi oro enye ọdọhọde mbufo, ẹnam.”+  Ntem, aban̄ mmọn̄ itiokiet emi ẹbotde ke itiat ẹdiọhọ do nte ekemde ye ibet mme Jew emi aban̄ade edinam asana,+ emi kiet kiet ekemede ndidụk ikpọ bọket mmọn̄ iba m̀mê ita.  Jesus ọdọhọ mmọ ete: “Ẹdọn̄ mmọn̄ ẹyọhọ mme aban̄ mmọn̄ emi.” Ndien mmọ ẹdọn̄ mmọn̄ ẹyọhọ ẹsịm inua.  Ndien enye ọdọhọ mmọ ete: “Ẹkoi ndusụk idahaemi ẹda ẹsọk etubom usọrọ.” Ntre mmọ ẹkoi ẹda ẹsọk enye.  Ndien, ke ini etubom usọrọ atabide mmọn̄ oro ẹkenamde akabade wine+ mînyụn̄ ifiọkke ebiet emi enye otode, okposụkedi mbon oro ẹsan̄ade utom emi ẹkekoide mmọn̄ oro ẹfiọkde, etubom usọrọ okot ebendọ 10  onyụn̄ ọdọhọ enye ete: “Ẹsibem iso ẹsio eti wine ẹdi,+ ndien ke ini mme owo ẹma ẹken̄wọn̄ ẹyụhọ, ẹsio enye oro mînemke ẹdi. Afo omomụm eti wine enịm tutu esịm emi.” 11  Jesus akanam emi ke Cana ke Galilee nte ntọn̄ọ idiọn̄ọ esie, enye onyụn̄ anam ubọn̄+ esie ayarade; ndien mme mbet esie ẹbuọt idem ye enye. 12  Ke n̄kpọ emi ama ekebe, enye ye eka esie ye nditọeka esie iren+ ye mme mbet esie ẹsụhọde ẹka Capernaum,+ edi mmọ ikodụhe do ke ediwak usen. 13  Ndien passover+ mme Jew ama ekpere, Jesus onyụn̄ ọdọk aka Jerusalem.+ 14  Enye onyụn̄ okụt mme anyam enan̄ ye erọn̄ ye ibiom+ ye mme okpụhọ okụk nte ẹtiede ke temple. 15  Ndien enye ada urụk anam ikpa ebịn kpukpru mmọ ye erọn̄ ye enan̄ osion̄o ke temple, onyụn̄ an̄wan̄a okụk mme okpụhọ okụk ọduọn̄ọ onyụn̄ onụk mme okpokoro mmọ ọduọn̄ọ.+ 16  Enye onyụn̄ ọdọhọ mbon oro ẹnyamde ibiom ete: “Ẹtan̄ mme n̄kpọ emi ẹsion̄o mi! Ẹkûda ufọk+ Ete mi ẹnịm ufọk mbubịne!”+ 17  Mme mbet esie ẹti ke ẹma ẹwet ẹte: “Ifịk ufọk fo ayadia mi idem.”+ 18  Ntre mme Jew ẹbụp enye ẹte: “Nso idiọn̄ọ+ ke afo enyene ndiwụt nnyịn, ke emi afo anamde mme n̄kpọ emi?” 19  Jesus ọbọrọ mmọ ete: “Ẹwụri temple emi,+ ndien nyọbọp enye ke usen ita.” 20  Ntre mme Jew ẹdọhọ ẹte: “Ẹkeda isua aba ye itiokiet ẹbọp temple emi, ndien ndi afo edibọp enye ke usen ita?” 21  Edi enye eketịn̄ aban̄a temple+ emi edide idem esie. 22  Edi, ke ini ẹkenamde enye eset ke n̄kpa, mme mbet esie ẹti+ ẹte ke enye ama esitịn̄ n̄kpọ ntem; mmọ ẹnyụn̄ ẹnịm N̄wed Abasi ye se Jesus eketịn̄de ke akpanikọ. 23  Edi ke ini enye okodude ke Jerusalem ke ini usọrọ+ passover, ediwak owo ẹma ẹbuọt idem ke enyịn̄ esie,+ ke ini ẹkụtde mme idiọn̄ọ emi enye akanamde.+ 24  Edi Jesus ikayakke idem inọ mmọ+ koro enye ọfiọkde mmọ kpukpru 25  enye ikonyụn̄ iyomke owo ekededi etịn̄ n̄kpọ aban̄a owo ọnọ imọ, koro enye ọfiọkde se isịnede owo ke esịt.+

Mme Ikọ Idakisọn̄