Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 18;1-40

18  Ke Jesus ama eketịn̄ mme n̄kpọ emi ama, enye asan̄a ye mme mbet esie ebe itịghede Kidron+ aka ebiet emi in̄wan̄ odude, ndien enye ye mme mbet esie ẹdụk in̄wan̄ oro.+  Edi Judas, andida enye nnọ, ọfiọk ebiet emi n̄ko, koro Jesus ye mme mbet esie ẹsisopde idem do ediwak ini.+  Ntre Judas ada udịm mbonekọn̄ ye mme asan̄autom mbọn̄ oku ye eke mme Pharisee edi do, mmọ ẹkama mme ikan̄ nsadan̄ ye mme utuenikan̄ ye mme n̄kpọekọn̄.+  Sia Jesus ọfiọkde kpukpru n̄kpọ eke ẹdiwọrọde enye,+ enye ọdọk aka okobụp mmọ ete: “Mbufo ẹyom anie?”  Mmọ ẹbọrọ enye ẹte: “Jesus eyen Nazareth.”+ Enye ọdọhọ mmọ ete: “Ami ndi enye.” Ndien Judas, andida enye nnọ,+ ama ada do n̄ko ye mmọ.  Edi, ke ini enye ọdọhọde mmọ ete: “Ami ndi enye,” mmọ ẹfiak edem+ ẹkeduọn̄ọ ke isọn̄.  Ntre enye afiak obụp mmọ ete: “Mbufo ẹyom anie?” Mmọ ẹte: “Jesus eyen Nazareth.”  Jesus ọbọrọ ete: “Mma ndọdọhọ mbufo nte ami ndi enye. Mmọdo, edieke edide mbufo ẹyom mi, ẹyak mmọ emi ẹnyọn̄ọ”;  man ikọ oro okposu emi enye ọkọdọhọde ete: “Baba kiet ke otu mmọ emi afo ọkọnọde mi isopke.”+ 10  Ndien Simon Peter, emi akamade akan̄kan̄, odụri akan̄kan̄ osio ekpi ofụn akwa oku utọn̄ nnasia esịbe.+ Ofụn emi ekekere Malchus. 11  Edi, Jesus ọdọhọ Peter ete: “Sịn akan̄kan̄ fo ke efọk.+ Nte ndin̄wọn̄ke cup emi Ete ọnọde mi?”+ 12  Ndien udịm mbonekọn̄ ye etubom ekọn̄ ye ikpọ owo mme Jew ẹmụm Jesus ẹnyụn̄ ẹbọp enye, 13  ndien ẹbem iso ẹda enye ẹsọk Annas; koro enye ekedi ete n̄wan Caiaphas, emi ekedide akwa oku isua oro.+ 14  Caiaphas edi owo emi ọkọnọde mme Jew item ete ke edi ke ufọn mmọ owo kiet ndikpa ke ibuot mme owo.+ 15  Ndien Simon Peter ọkọrọ ye mbet en̄wen ẹtiene Jesus.+ Akwa oku ama ọdiọn̄ọ mbet oro, ndien enye asan̄a ye Jesus ebe odụk esịt okụre akwa oku, 16  edi Peter ada ke an̄wa ke enyịnusụn̄.+ Ntre mbet enye eken, emi akwa oku ọdiọn̄ọde, ọwọrọ an̄wa eketịn̄ ikọ ye ekpeme-usụn̄ ndien ada Peter ebe odụk. 17  Ekem ofụn an̄wan emi ekpemede usụn̄ ọdọhọ Peter ete: “Nte afo n̄ko udịghe kiet ke otu mbet owo emi?” Enye ete: “Ndịghe.”+ 18  Edi ifịn ye mme asan̄autom ẹma ẹda ẹkpere, sia mmọ ẹkewebede ikan̄ ukan̄+ emi mmọ ẹkebarade ke ntak etuep. Peter n̄ko ada ye mmọ ewebe ikan̄. 19  Ndien akwa oku obụp Jesus mbụme aban̄a mme mbet esie ye ukpepn̄kpọ esie. 20  Jesus ọbọrọ enye ete: “N̄ketịn̄ n̄kpọ nnọ ererimbot an̄wan̄wa. N̄kekpep mme owo n̄kpọ kpukpru ini ke synagogue ye ke temple,+ ke ebiet emi kpukpru mme Jew ẹsopde idem; n̄konyụn̄ ntịn̄ke baba n̄kpọ kiet ke ndịbe. 21  Ntak emi afo obụpde mi mbụme? Bụp mbon oro ẹkekopde se n̄ketịn̄de nnọ mmọ. Sese! Mmọ emi ẹfiọk se n̄ketịn̄de.” 22  Ke enye ama eketịn̄ mme n̄kpọ emi ama, owo kiet ke otu mme asan̄autom oro akadade ekpere asiak Jesus ufia+ ke mban̄ onyụn̄ obụp ete: “Nte ọbọrọ ọbọn̄ oku ikọ ntre?” 23  Jesus ọbọrọ enye ete: “Edieke ntịn̄de se idiọkde, wụt idiọk oro; edi edieke ntịn̄de se inende, ntak emi eyịbide mi?” 24  Ekem Annas ọdọhọ ẹbọp enye ẹda ẹsọk Caiaphas akwa oku.+ 25  Edi Simon Peter ke ada ewebe ikan̄. Mmọ ẹnyụn̄ ẹbụp enye ẹte: “Nte afo udịghe kiet ke otu mbet esie?” Enye akan̄ onyụn̄ ọdọhọ ete: “Ndịghe.”+ 26  Owo kiet ke otu ifịn akwa oku, emi edide iman owo oro Peter ekesịbede utọn̄,+ ọdọhọ ete: “Nte n̄kekwe fi ye enye ke in̄wan̄ mfri?” 27  Edi, Peter ọtọn̄ọ ntak akan̄; ndien kpa idaha oro ekikọ ọkpọk.+ 28  Ndien mmọ ẹda Jesus ẹwọrọ ẹkpọn̄ Caiaphas ẹka ufọk ubọn̄ andikara.+ Idahaemi eyo esiere. Edi mmọ idụkke ufọk ubọn̄ andikara, mbak mmọ ẹdisabade idem,+ man mmọ ẹkpedia passover. 29  Ntre Pilate ọwọrọ edisobo ye mmọ ke an̄wa onyụn̄ obụp ete: “Nso edori ikọ ke mbufo ẹdori owo emi?”+ 30  Mmọ ẹbọrọ enye ẹte: “Edieke owo emi mîkpedịghe anamidiọk, nnyịn ikpayakke enye isịn fi ke ubọk.” 31  Ntem Pilate ọdọhọ mmọ ete: “Ẹda enye ke idem mbufo ẹka ẹkekpe ikpe esie nte ekemde ye ibet mbufo.”+ Mme Jew ẹdọhọ enye ẹte: “Ibet inyịmeke nnyịn iwot owo ekededi.”+ 32  Emi eketịbe man ikọ Jesus okposu emi enye eketịn̄de ndiwụt orụk n̄kpa eke enye edikpade.+ 33  Ntre Pilate ọtọn̄ọ ntak odụk ufọk ubọn̄ andikara onyụn̄ okot Jesus obụp enye ete: “Nte afo edi edidem mme Jew?”+ 34  Jesus ọbọrọ ete: “Nte afo ọdiọn̄ọ emi ke idemfo obụp, m̀mê nte mbon en̄wen ẹtịn̄ emi ẹnọ fi ẹban̄a mi?”+ 35  Pilate ọbọrọ ete: “Nte ami ndi eyen Jew? Ikọt mbufo ye mbọn̄ oku ẹkeyak fi ẹsịn mi ke ubọk.+ Nso ke afo akanam?” 36  Jesus ọbọrọ ete:+ “Obio ubọn̄ mi idịghe ubak ererimbot emi.+ Edieke obio ubọn̄ mi ekpedide ubak ererimbot emi, mme asan̄autom mi ẹkpen̄wana+ mbak ẹdiyak mi ẹsịn mme Jew ke ubọk. Edi, obio ubọn̄ mi itoho ebiet emi.” 37  Ntem Pilate obụp enye ete: “Nte afo edi edidem nan̄a?” Jesus ọbọrọ ete: “Afo ke idemfo ọdọhọ ete ndi edidem.+ Koro n̄kamana kaban̄a emi, n̄konyụn̄ ndi ke ererimbot kaban̄a emi, man ntie ntiense nnọ akpanikọ.+ Kpukpru owo eke ẹdade ẹnọ akpanikọ+ ẹkop uyo mi.”+ 38  Pilate obụp enye ete: “Nso idi akpanikọ?” Ndien ke ama eketịn̄ emi ama, enye ọtọn̄ọ ntak ọwọrọ ebịne mme Jew ọkọdọhọ mmọ ete: “Ami n̄kwe enye ndudue ke idem.+ 39  Akan oro, mbufo ẹmenyene ido ete ami nsana owo kiet nyak nnọ mbufo ke passover.+ Nte mbufo ẹmeyom mi nsana edidem mme Jew nyak nnọ mbufo?” 40  Ndien mmọ ẹtọn̄ọ ntak ẹfiori ẹte: “Idịghe owo emi ke iyom, iyom Barabbas!” Edi Barabbas ekedi owo n̄wo.+

Mme Ikọ Idakisọn̄