Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 16;1-33

16  “Ntịn̄ mme n̄kpọ emi nnọ mbufo mbak ẹdinam mbufo ẹtuak ukot ẹduọn̄ọ.+  Mme owo ẹyebịn mbufo ẹsion̄o ke synagogue.+ Ke akpanikọ, ini ke edi emi kpukpru owo eke ẹdiwotde mbufo ẹdikerede ẹte inam edisana utom inọ Abasi.+  Edi mmọ ẹdinam mme n̄kpọ emi koro mmọ mîfiọkke Ete mînyụn̄ ifiọkke mi.+  Nte ededi, ntịn̄ mme n̄kpọ emi nnọ mbufo man, ke adan̄aemi ini mmọ ekemde, mbufo ẹkpeti ẹte mma ntetịn̄ mmọ nnọ mbufo.+ “Edi, n̄ketịn̄ke kan̄a mme n̄kpọ emi nnọ mbufo, koro ami n̄kodude ye mbufo.  Edi ke emi mmọn̄ nnyọn̄ mbịne enye emi ọkọdọn̄de mi,+ edi baba owo mbufo kiet ibụpke mi ite, ‘Afo aka m̀mọ̀n̄?’  Edi mfụhọ+ ọyọhọ mbufo esịt koro ntịn̄de mme n̄kpọ emi nnọ mbufo.  Edi ntịn̄ akpanikọ nnọ mbufo, Ami nnyọn̄ ke ufọn mbufo. Koro edieke mmennyọn̄ke, andin̄wam+ ididịghe itiene mbufo; edi edieke nnyọn̄de, nyọnọ enye ẹsọk mbufo.  Ndien ke ini enye edide edisịm, enye ọyọnọ ererimbot an̄wa-an̄wa uyarade aban̄a idiọkn̄kpọ ye edinen ido ye ubiereikpe:+  akpa kan̄a, aban̄a idiọkn̄kpọ,+ koro mmọ mîbuọtke idem ye ami;+ 10  ekem, aban̄a edinen ido,+ koro ami nnyọn̄de mbịne Ete ndien mbufo idikwe mi aba; 11  ndien, aban̄a ubiereikpe,+ koro ẹma ẹbebiere ikpe andikara ererimbot emi.+ 12  “Mmenyene ediwak n̄kpọ nditịn̄ nnọ mbufo, edi mbufo idikemeke ndibiom mmọ ke emi.+ 13  Edi, ke ini enye oro edide, kpa spirit akpanikọ,+ enye ayada mbufo usụn̄ odụk ke ofụri akpanikọ, koro enye iditịn̄ke ikọ ke ekikere idemesie, edi enye editịn̄ mme n̄kpọ eke enye okopde, oyonyụn̄ atan̄a mme n̄kpọ eke ẹdide ọnọ mbufo.+ 14  Enye oro ọyọnọ mi ubọn̄,+ koro enye ọyọbọ se idide okịm atan̄a ọnọ mbufo.+ 15  Kpukpru n̄kpọ oro Ete enyenede ẹdi okịm.+ Ntak edi oro ndọhọde ke enye ọbọ se idide okịm ada atan̄a ọnọ mbufo. 16  Ke ekpri ini mbufo idikwe mi aba,+ ndien, n̄ko, ke ekpri ini mbufo ẹyekụt mi.” 17  Ntem ndusụk mbet esie ẹbụp kiet eken ẹte: “Nso ke emi ọwọrọ emi enye ọdọhọde nnyịn ete, ‘Ke ekpri ini mbufo idikwe mi aba, ndien, n̄ko, ke ekpri ini mbufo ẹyekụt mi,’ ye, ‘koro ami nnyọn̄de mbịne Ete’?” 18  Ntem mmọ ẹdọhọ ẹte: “Nso ke emi ọwọrọ emi enye ọdọhọde ete, ‘ekpri ini’? Nnyịn ifiọkke se enye etịn̄de aban̄a.” 19  Jesus ọfiọk+ ke mmọ ẹyom ndibụp imọ mbụme, ntre enye ọdọhọ mmọ ete: “Nte mbufo ẹbụp ẹban̄a emi ke otu idem mbufo, koro n̄kọdọhọde nte, Ke ekpri ini mbufo idikwe mi aba, ndien, n̄ko, ke ekpri ini mbufo ẹyekụt mi? 20  Ke ata akpanikọ ke ndọhọ mbufo nte, Mbufo ẹyetuan̄a ẹnyụn̄ ẹseme, edi ererimbot ẹyedara; mbufo ẹyefụhọ,+ edi mfụhọ mbufo ayakabade edi idara.+ 21  Ke ini uman otụkde n̄wan, enye odu ke mfụhọ koro ini esie ekemde;+ edi ke enye ama akaman nsekeyen, enye itịghi aba ukụt oro ke ntak adatde esịt ete ke owo amana odụk ke ererimbot. 22  Ntem, mbufo n̄ko ẹdu ke mfụhọ idahaemi; edi nyafiak n̄kụt mbufo ndien esịt ayadat mbufo,+ owo idinyụn̄ ibọhọ mbufo idatesịt mbufo. 23  Ndien mbufo idibụpke mi baba mbụme kiet ke usen oro.+ Ke ata akpanikọ ke ndọhọ mbufo nte, Edieke mbufo ẹben̄ede Ete n̄kpọ ekededi+ enye ọyọnọ mbufo ke enyịn̄ mi.+ 24  Tutu esịm emi mbufo iben̄eke baba n̄kpọ kiet ke enyịn̄ mi. Ẹben̄e ndien mbufo ẹyebọ, man ẹkpenam idatesịt mbufo ọyọhọ.+ 25  “Ntịn̄ mme n̄kpọ emi nnọ mbufo ke n̄ke.+ Ini ke edi eke mmenditịn̄ke n̄kpọ aba nnọ mbufo ke n̄ke, edi nditịn̄ n̄kpọ in̄wan̄-in̄wan̄ nnọ mbufo mban̄a Ete. 26  Ke usen oro mbufo ẹyeben̄e n̄kpọ ke enyịn̄ mi, ndien ndọhọke mbufo nte ke nyanam eben̄e ke iso Ete mban̄a mbufo. 27  Koro Ete amama mbufo, koro mbufo ẹmade mi+ ẹnyụn̄ ẹnịmde ke akpanikọ ẹte ami n̄kọwọrọ ndi nte andida ke ibuot Ete.+ 28  N̄kọwọrọ nto Ete ndidụk ererimbot. N̄ko, ami mmọn̄ n̄kpọn̄ ererimbot ndien mmọn̄ nnyọn̄ ntiene Ete.”+ 29  Mme mbet esie ẹdọhọ ẹte: “Sese! Emetịn̄ n̄kpọ in̄wan̄-in̄wan̄ idahaemi, unyụn̄ utịn̄ke ke n̄ke ndomokiet. 30  Ke emi nnyịn imọfiọk ite afo ọmọfiọk kpukpru n̄kpọ+ unyụn̄ uyomke owo ndomokiet obụp fi mbụme.+ Nnyịn ida emi inịm ke akpanikọ ite afo ọkọwọrọ oto Abasi.”+ 31  Jesus ọbọrọ mmọ ete: “Nte mbufo ẹmenịm ke akpanikọ ke emi? 32  Sese! Ini ke edi omonyụn̄ ededi ama, eke kpukpru mbufo ẹdisuanade ẹnyọn̄ọ ufọk mbufo,+ mbufo ẹyenyụn̄ ẹkpọn̄ mi ikpọn̄; edi ndidụhe ikpọn̄, koro Ete odude ye ami.+ 33  Ntịn̄ mme n̄kpọ emi nnọ mbufo man mbufo ẹkpenyene emem ebe ke ami.+ Mbufo ẹyekụt ukụt ke ererimbot, edi ẹnyene uko! Ami mmakan ererimbot.”+

Mme Ikọ Idakisọn̄