Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 14;1-31

14  “Ẹkûyak esịt etịmede mbufo.+ Ẹbuọt idem ye Abasi,+ ẹbuọt idem n̄ko ye ami.+  Ke ufọk Ete mi ediwak ebietidụn̄ ẹdu.+ Mîkpedịghe ntre, n̄kpọdọhọ mbufo, koro mmọn̄ nnyọn̄ n̄ka n̄ketịm itie+ nnịm nnọ mbufo.  N̄ko, edieke ami nnyọn̄de n̄ka n̄ketịm itie nnịm nnọ mbufo, nyafiak ndi+ ndida mbufo nnyọn̄,+ man mbufo n̄ko ẹkpedu ke ebiet eke ami ndude.+  Mbufo ẹmenyụn̄ ẹfiọk usụn̄ ebiet eke ami n̄kade.”  Thomas+ ọdọhọ enye ete: “Ọbọn̄, nnyịn ifiọkke ebiet eke afo akade.+ Nnyịn isan̄a didie ifiọk usụn̄?”  Jesus ọdọhọ enye ete: “Ami ndi usụn̄+ ye akpanikọ+ ye uwem.+ Baba owo kiet itieneke Ete ibọhọke ebe ke ami.+  Edieke mbufo ẹkpefiọkde mi, mbufo n̄ko ẹkpefiọk Ete mi; ọtọn̄ọde ke emi mbufo ẹmefiọk enye ẹmenyụn̄ ẹkụt enye.”+  Philip ọdọhọ enye ete: “Ọbọn̄, wụt nnyịn Ete, ndien oro eyekem nnyịn.”  Jesus ọdọhọ enye ete: “Ndi mmodu ye mbufo adan̄a anyan ini emi, ndien, Philip, afo ufiọkke mi? Owo eke okụtde mi okụt Ete n̄ko.+ Afo anam didie ọdọhọ ete, ‘Wụt nnyịn Ete’?+ 10  Nte unịmke ke akpanikọ ke mmabuana n̄kpọ ye Ete, Ete onyụn̄ abuana n̄kpọ ye ami?+ Mme n̄kpọ emi ntịn̄de nnọ mbufo ntịn̄ke mmọ ke ifiọk idemmi; edi Ete emi abuanade n̄kpọ ye ami ke anam utom esie.+ 11  Ẹnịm mi ke akpanikọ ẹte ke mmabuana n̄kpọ ye Ete, Ete onyụn̄ abuana n̄kpọ ye ami; mîdịghe, ẹnịm ke ntak utom oro nnamde.+ 12  Ke ata akpanikọ ke ndọhọ mbufo, Owo eke ọbuọtde idem ye ami, enye n̄ko ayanam utom eke ami nnamde; enye oyonyụn̄ anam utom eke okponde akan+ emi, koro ami nnyọn̄de ntiene Ete.+ 13  N̄ko, se ededi oro mbufo ẹben̄ede ke enyịn̄ mi, ami nyanam, man ẹkpenọ Ete ubọn̄ ebe ke Eyen.+ 14  Edieke mbufo ẹben̄ede n̄kpọ ekededi ke enyịn̄ mi, nyanam. 15  “Edieke mbufo ẹmade mi, mbufo ẹyenịm mme ewụhọ mi;+ 16  ndien ami nyeben̄e Ete ndien enye ọyọnọ mbufo andin̄wam efen edidu ye mbufo ke nsinsi,+ 17  kpa spirit akpanikọ,+ emi ererimbot mîkemeke ndibọ,+ koro enye mîkwe mînyụn̄ ifiọkke. Mbufo ẹmefiọk enye, koro enye odude ye mbufo onyụn̄ odụn̄de mbufo ke esịt.+ 18  Ami ndikpọn̄ke mbufo nte nditọakpa.+ Mmọn̄ ndi mbịne mbufo. 19  Ayak esisịt ererimbot idikwe mi aba,+ edi mbufo ẹyekụt mi,+ koro ami ndude uwem, mbufo ẹyedu uwem.+ 20  Mbufo ẹyefiọk ke usen oro ẹte ami mmabuana n̄kpọ ye Ete ndien mbufo ẹmebuana n̄kpọ ye ami, ami nnyụn̄ mbuana n̄kpọ ye mbufo.+ 21  Owo eke enyịmede mme ewụhọ mi onyụn̄ enịmde mmọ, enye edi owo eke amade mi.+ Ndien owo eke amade mi, Ete mi ayama enye, ami nyonyụn̄ mma enye nnyụn̄ n̄wụt enye idem in̄wan̄-in̄wan̄.” 22  Judas,+ idịghe enye emi ẹkotde Iscariot, obụp enye ete: “Ọbọn̄, nso itịbe emi afo oyomde ndiwụt nnyịn idem in̄wan̄-in̄wan̄ edi mûwụtke ererimbot?”+ 23  Jesus ọbọrọ enye ete: “Edieke owo ekededi amade mi, enye ayanam+ ikọ mi, ndien Ete mi ayama enye, nnyịn iyonyụn̄ idi ibịne enye ididụn̄ ye enye.+ 24  Owo eke mîmaha mi inamke ikọ mi; ndien ikọ eke mbufo ẹkopde idịghe okịm, edi enyene Ete emi ọkọdọn̄de mi.+ 25  “Ntịn̄ mme n̄kpọ emi nnọ mbufo ke adan̄aemi ndude ye mbufo. 26  Edi andin̄wam, kpa edisana spirit, emi Ete edinọde edi ke enyịn̄ mi, enye oro eyekpep mbufo kpukpru n̄kpọ onyụn̄ anam mbufo ẹti kpukpru n̄kpọ eke n̄ketịn̄de nnọ mbufo.+ 27  N̄kpọn̄ emem ye mbufo, nnọ mbufo emem mi.+ Ami nnọhọ mbufo ke usụn̄ nte ererimbot ọnọde. Ẹkûyak esịt etịmede mbufo, ẹkûnyụn̄ ẹyak esịt mbufo okop ndịk. 28  Mbufo ẹma ẹkop ẹte n̄kọdọhọ mbufo, Mmọn̄ nnyọn̄ ndien nyafiak ntiene mbufo. Edieke mbufo ẹmade mi, mbufo ẹkpedara nte ke ami nnyọn̄ ntiene Ete, koro Ete omokpon akan+ mi. 29  Mmetịn̄ nnọ mbufo ke emi mbemiso enye etịbede,+ man, ke ini etịbede, mbufo ẹkpenịm ke akpanikọ. 30  Nditịn̄ke aba ekese n̄kpọ ye mbufo, koro andikara+ ererimbot emi ke edi. Enye inyụn̄ inyeneke odudu ke idemmi,+ 31  edi, man ererimbot ọfiọk ete ke ami mmama Ete, idem kpa nte Ete ọkọnọde mi ewụhọ+ ete nnam, kpa ntre ke ami nnam. Ẹdaha ke enyọn̄, ẹyak nnyịn ikpọn̄ ebiet emi.

Mme Ikọ Idakisọn̄