Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

John 13;1-38

13  Edi, sia enye ọfiọkde mbemiso usọrọ passover ete ini imọ ekem+ imọ ndikpọn̄ ererimbot emi mbịne Ete,+ Jesus ama ikọt esie emi ẹdude ke ererimbot,+ onyụn̄ ama mmọ tutu esịm utịt.  Ntre, ke adan̄aemi udia mbubreyo osụk akade iso, Devil ama esesịn ke esịt Judas Iscariot,+ eyen Simon, ndida enye nnọ,+  sia enye ọfiọkde ete, Ete ama ayak kpukpru n̄kpọ esịn imọ ke ubọk+ ye nte ke imọ ikoto Abasi inyụn̄ inyọn̄ itiene Abasi,+  enye adaha ke enyọn̄ ke ini udia mbubreyo onyụn̄ osio ewụra esie enịm n̄kan̄ kiet. Ndien, ada ọfọn̄ ukwọhọdeidem ọbọbọ.+  Ekem enye esịn mmọn̄ ke besịn ọtọn̄ọ ndiyet mme mbet ukot+ ndien ada ọfọn̄ ukwọhọdeidem emi enye ọkọbọbọde ọkwọhọde mmọ ukot.  Ndien enye edisịm Simon Peter. Enye obụp enye ete: “Ọbọn̄, ndi oyom ndiyet mi ukot?”+  Jesus ọbọrọ enye ete: “Afo ufiọkke se ami nnamde idahaemi, edi ọyọfiọk ke mme n̄kpọ emi ẹma ẹbe.”+  Peter ọdọhọ enye ete: “Ke akpanikọ uduyetke mi ukot.” Jesus ọbọrọ enye ete: “Edieke mmenyetke fi,+ afo usan̄ake n̄kpọ ye ami.”  Simon Peter ọdọhọ enye ete: “Ọbọn̄, kûyet mi ukot kpọt, edi yet mi ubọk ye ibuot n̄ko.” 10  Jesus ọdọhọ enye ete: “Owo eke ama ekeyere mmọn̄+ inyeneke ndifiak nyere ibọhọke ndiyet ukot esie, edi asasana ofụri ofụri. Ndien mbufo ẹmesana, edi idịghe kpukpru mbufo ẹsana.” 11  Ke akpanikọ, enye ama ọfiọk owo emi edidade enye ọnọ.+ Ntak edi oro enye ọkọdọhọde ete: “Idịghe kpukpru mbufo ẹsana.” 12  Ndien ke enye ama ekeyet mmọ ukot ama, enye emen ewụra esie esịne onyụn̄ afiak osụhọde etetie ke okpokoro, enye obụp mmọ ete: “Nte mbufo ẹmefiọk se n̄kanamde ye mbufo? 13  Mbufo ẹkot mi, ‘Andikpep’+ ye ‘Ọbọn̄,’+ ndien mbufo ẹmenen, koro se ndide edi oro.+ 14  Ntre, edieke ami, emi ndide Ọbọn̄ ye Andikpep, n̄keyetde mbufo ukot,+ mbufo n̄ko ẹkpenyene ndiyet kiet eken ukot.+ 15  Koro n̄kenịm uwụtn̄kpọ nnọ mbufo, nte, kpa nte n̄kanamde ye mbufo, mbufo ẹkpenam kpa ntre.+ 16  Ke ata akpanikọ ke ndọhọ mbufo, Ofụn ikponke ikan eteufọk esie, owo eke ẹsiode ẹdọn̄ utom inyụn̄ ikponke ikan enye emi ọkọdọn̄de enye.+ 17  Edieke mbufo ẹfiọkde mme n̄kpọ emi, mbufo ẹyekop inemesịt edieke ẹnamde mmọ.+ 18  Ntịn̄ke mban̄a kpukpru mbufo; mmọfiọk mmọ emi n̄kemekde.+ Edi emi edi man N̄wed Abasi okposu,+ ‘Owo emi esitade uyo mi emenede nditịn̄ikpat esie edịghi mi.’+ 19  Ọtọn̄ọde ke emi mmetịn̄ nnọ mbufo mbemiso enye etịbe,+ man ke ini enye etịbede mbufo ẹkpenịm ke akpanikọ ẹte ke ami ndi enye. 20  Ke ata akpanikọ ke ndọhọ mbufo, Owo eke enyịmede owo ekededi emi ndọn̄de, enyịme mi n̄ko.+ N̄ko owo eke enyịmede mi, enyịme enye emi ọkọdọn̄de mi.”+ 21  Ke ama eketịn̄ mme n̄kpọ emi ama, esịt etịmede Jesus, enye onyụn̄ ọnọ ikọ ntiense onyụn̄ ọdọhọ ete: “Ke ata akpanikọ ke ndọhọ mbufo, Owo kiet ke otu mbufo ayada mi ọnọ.”+ 22  Mme mbet ẹtọn̄ọ ndise kiet eken, inyụn̄ ifiọkke owo emi enye etịn̄de aban̄a.+ 23  Kiet ke otu mbet Jesus etie ebere enye ke ikpanesịt, Jesus onyụn̄ ama enye.+ 24  Ntem Simon Peter anam idiọn̄ọ ke ibuot ọnọ mbet emi onyụn̄ ọdọhọ ete: “Sian nnyịn owo emi enye etịn̄de n̄kpọ emi aban̄a.” 25  Ntre mbet emi afiak ebere Jesus ke ikpanesịt onyụn̄ obụp enye ete: “Ọbọn̄, anie ke edi?”+ 26  Ntem Jesus ọbọrọ ete: “Edi owo emi ndidebide ubak uyo nnọ.”+ Ndien, ke ama ekedebi ubak uyo, enye emen ọnọ Judas, eyen Simon Iscariot. 27  Ndien ke ama ọkọbọ ubak uyo oro, Satan odụk Judas esịt.+ Ntre Jesus ọdọhọ enye ete: “Se oyomde ndinam, nam wap.” 28  Edi, baba owo kiet ke otu mmọ emi ẹtiede ke okpokoro ifiọkke ntak eke enye etịn̄de ikọ ntem ye enye. 29  Ndusụk owo ẹkekam ẹkere ẹte ke sia Judas akakamade ekebe okụk,+ Jesus ọkọdọhọ enye ete: “Dep mme n̄kpọ oro nnyịn iyomde ke usọrọ,” mîdịghe nọ mme ubuene n̄kpọ.+ 30  Ntem, ke enye ama ọkọbọ ubak uyo oro, enye ọwọrọ kpa idaha oro. Ndien edi okoneyo.+ 31  Ntem ke enye ama ọkọwọrọ, Jesus ọdọhọ ete: “Ke emi ẹmenọ Eyen owo ubọn̄,+ ẹmenyụn̄ ẹnọ Abasi ubọn̄ oto ke enye. 32  Ndien Abasi ke idemesie ọyọnọ enye ubọn̄,+ oyonyụn̄ ọnọ enye ubọn̄ kpa idahaemi. 33  N̄kpri nditọ,+ ami ndu ye mbufo ke esisịt ini. Mbufo ẹyeyom mi; ndien kpa nte n̄kọdọhọde mme Jew, ‘Ebiet eke ami n̄kade mbufo ikemeke ndidi,’+ mmọdọhọ mbufo n̄ko ke emi. 34  Ami mmọnọ mbufo obufa ewụhọ, nte mbufo ẹma kiet eken; kpa nte n̄kamade mbufo,+ nte mbufo n̄ko ẹma kiet eken.+ 35  Edieke mbufo ẹnyenede ima ke otu idem mbufo, kpukpru owo ẹyeda emi ẹfiọk ẹte mbufo ẹdi mbet mi.”+ 36  Simon Peter obụp enye ete: “Ọbọn̄, afo aka m̀mọ̀n̄?” Jesus ọbọrọ ete: “Ebiet eke ami n̄kade afo ukemeke nditiene mi idahaemi, edi ama ekem afo eyetiene mi.”+ 37  Peter obụp enye ete: “Ọbọn̄, ntak mmen̄kemeke nditiene fi idahaemi? Ami nyayak ukpọn̄ mi nnọ ke ibuot fo.”+ 38  Jesus ọbọrọ ete: “Nte afo ayayak ukpọn̄ fo ọnọ ke ibuot mi? Ke ata akpanikọ ke ndọhọ fi, Ekikọ idikpọkke tutu afo akan̄ mi utịm ikata.”+

Mme Ikọ Idakisọn̄