Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Joel 3;1-21

3  “Koro, sese! ke mme usen oro ye ke ini oro,+ ke ini ndidade mbon Judah ye Jerusalem oro ẹkemụmde nte mbuotekọn̄ nnyọn̄ ndi,+  nyatan̄ n̄ko kpukpru mme idụt+ nsụhọde ndi ke unaisọn̄ itịghede Jehoshaphat;+ ndien nyekpe ikpe ye mmọ do mban̄a ikọt mi ye udeme mi Israel,+ emi mmọ ẹkesuande ẹdọn̄ ke otu mme idụt; ndien mmọ ẹdeme isọn̄ mi ẹda.+  Mmọ ẹnyụn̄ ẹsịn afia ẹban̄a ikọt mi;+ ẹnyụn̄ ẹnọ eyeneren ẹkabade ẹbọ n̄wan akpara,+ ndien mmọ ẹnyam eyenan̄wan ẹbọ wine, man ẹkpen̄wọn̄.  “Ndien, n̄ko, nsan̄a nso ye mbufo, O Tyre ye Sidon+ ye kpukpru mbufo mbon ikpehe Philistia?+ Nte utịp emi mbufo ẹnọde mi edi emi? Ndien edieke edide utịp emi mbufo ẹnọde mi edi emi, nyawara nsio mbufo usiene ke se mbufo ẹnamde.+  Koro mbufo ẹtan̄de silver ye gold mi,+ ndien mbufo ẹmetan̄ ndiye nti n̄kpọ mi ẹdọn̄ ke mme temple mbufo;+  mbufo ẹmenyụn̄ ẹnyam+ nditọ Judah ye nditọ Jerusalem ẹnọ nditọ Greece,+ man ẹmen mmọ ẹkpọn̄ obio mmọ ẹka anyan ebiet;+  sese ami mmọn̄ ndemede mmọ nnam ẹto ke ebiet emi mbufo ẹkenyamde mmọ ẹnyọn̄ ẹdi,+ nyonyụn̄ nda usiene emi nsiode mbufo mban̄a se ẹkenamde ndori mbufo ke ibuot.+  Ndien nyanyam nditọiren ye nditọiban mbufo nnọ nditọ Judah,+ ndien mmọ ẹyenyam mmọ ẹnọ mbon Sheba,+ kpa idụt emi odude anyan ebiet;+ koro Jehovah ọdọhọ.  “Mbufo ẹtan̄a emi ke otu mme idụt,+ ‘Ẹben̄e idem ẹnọ ekọn̄! Ẹdemede mbon oro ẹkopde odudu!+ Yak mmọ ẹsan̄a ẹkpere! Yak kpukpru mbonekọn̄ ẹdọk ẹdi!+ 10  Ẹda n̄kpọ ufụn̄isọn̄ mbufo ẹdom akan̄kan̄ ẹnyụn̄ ẹda ikwa udiọn̄ eto+ mbufo ẹdom eduat. Yak owo mmemidem ọdọhọ ete: “Ami ndi owo oro okopde odudu.”+ 11  Mbufo mme idụt emi ẹdude ẹkanade,+ ẹwọrọ ẹdi ẹdin̄wam, ẹnyụn̄ ẹsop idem ọtọkiet.’”+ O Jehovah, da ikọt fo oro ẹkopde odudu sụhọde ka ebiet oro.+ 12  “Yak mme idụt ẹdemede ẹnyụn̄ ẹdi ke unaisọn̄ itịghede Jehoshaphat;+ koro edi do ke nditie man n̄kpe ikpe nnọ kpukpru mme idụt emi ẹkande ẹkụk.+ 13  “Mbufo ẹsịn ofụt ẹkpen̄e,+ koro se ẹkpen̄ede amadat.+ Ẹsụhọde ẹdi koro obube unyịmi wine ọmọyọhọ.+ Mme aban̄ wine ẹmeyọhọ ẹduọhọ; koro idiọkn̄kpọ mmọ awakde.+ 14  Otuowo, otuowo ẹmeyọhọ ke unaisọn̄ itịghede ikpe,+ koro usen Jehovah emekpere ke unaisọn̄ itịghede ikpe.+ 15  Utịn ye ọfiọn̄ ẹyekabade ẹkịm, mme ntantaọfiọn̄ idinyụn̄ inọhọ aba un̄wana.+ 16  Ndien Jehovah eyetie ke Zion okụni, onyụn̄ etie ke Jerusalem osioro uyo.+ Ndien enyọn̄ ye isọn̄ ẹyenyek;+ edi Jehovah eyedi ebiet ubọhọ ọnọ ikọt esie,+ onyụn̄ edi ọkpọsọn̄ ebiet ọnọ nditọ Israel.+ 17  Ndien mbufo ẹyefiọk ẹte ke ami ndi Jehovah Abasi mbufo,+ emi ndụn̄de ke Zion, kpa edisana obot mi.+ Ndien Jerusalem ayakabade edi edisana ebiet;+ isenowo idinyụn̄ isan̄ake aba ke esịt esie ibe.+ 18  “Ndien ama ekem ke usen oro, mme obot ẹyetọi edinem wine,+ mmọn̄eba oyonyụn̄ ọfiọrọ ke n̄kpri obot, mmọn̄ oyonyụn̄ asiaha ke kpukpru idịm Judah. Idịm oyonyụn̄ oto ke ufọk Jehovah ewet ọwọrọ,+ onyụn̄ aka ekebịt itịghede mmọn̄ Eto Acacia.+ 19  Egypt ayakabade ndon;+ Edom oyonyụn̄ akabade wilderness emi anade ndon,+ ke ntak afai emi mmọ ẹkenamde nditọ Judah, ẹkenyụn̄ ẹduọkde iyịp owo eke mîduehe ke isọn̄ mmọ.+ 20  Edi amaedi Judah, ẹyedụn̄ ke esịt esie ke nsinsi,+ ẹyenyụn̄ ẹdụn̄ ke Jerusalem ke ofụri emana.+ 21  Ndien ami nyada iyịp mmọ emi n̄kesede nte mme edue isop nte se mîduehe isop;+ ndien Jehovah oyodụn̄ ke Zion.”+

Mme Ikọ Idakisọn̄