Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Joel 1;1-20

1  Uyo Jehovah emi ekesịm+ Joel eyen Pethuel:  “Mbufo mbiowo ẹkop n̄kpọ emi, kpukpru mbufo mme andidụn̄ isọn̄ ẹnyụn̄ ẹkpan̄ utọn̄.+ Nte emi etịbe ke eyo mbufo, m̀mê ke eyo mme ete ete mbufo?+  Mbufo ẹbụk n̄kpọ emi ẹnọ nditọ mbufo, yak nditọ mbufo ẹnyụn̄ ẹbụk ẹnọ nditọ mmọ, nditọ mmọ ẹnyụn̄ ẹbụk ẹnọ emana efen.+  N̄kukun̄kpọyọriyọ ata se itụt atade osụhọ;+ n̄kukun̄kpọyọriyọ eke mînyeneke mba ata se n̄kukun̄kpọyọriyọ atade osụhọ; mfem onyụn̄ ata se n̄kukun̄kpọyọriyọ eke mînyeneke mba atade osụhọ.+  “Mbufo mme akpammịn+ ẹdemede, ẹnyụn̄ ẹtuan̄a;+ ndien kpukpru mbufo mme ọn̄wọn̄-wine ẹseme ẹban̄a edinem wine,+ koro ẹmesịbe enye ẹfep ke inua mbufo.+  Koro enyene idụt emi ọdọkde edi isọn̄ mi, okop odudu inyụn̄ inyeneke ibat.+ Edet esie edi edet ekpe,+ enye onyụn̄ enyene ọkpọ mban̄ ekpe.  Enye anam vine mi edi n̄kpọ nsobo,+ onyụn̄ esịbe eto fig mi ke etak.+ Enye ke akpanikọ amayan̄ade enye ikpọk otop ọduọk.+ Mme n̄kọk esie ẹnyụn̄ ẹkabade ẹdi afia.  Tua nte eyenan̄wan emi mîfiọkke erenowo emi esịnede ọfọn̄ ntuan̄a+atua aban̄a andinyene enye.  “Ẹmesịbe uwa n̄kpasịp+ ye edin̄wọn̄ uwa+ ẹfep ke ufọk Jehovah; mme oku, kpa mme asan̄autom+ Jehovah, ẹmefụhọ.+ 10  Ẹmebụme in̄wan̄,+ isọn̄ omonyụn̄ odu ke mfụhọ;+ koro ẹbụmede wheat,* obufa wine onyụn̄ asatde,+ aran onyụn̄ asat sụn̄sụn̄.+ 11  Mme ọtọin̄wan̄ ẹmekop bụt;+ mme ọdiọn̄ vine ẹnyụn̄ ẹtuan̄a ẹban̄a wheat ye barley; koro ukpen̄e in̄wan̄ atakde.+ 12  Vine amasat, fig omonyụn̄ eyemede. Pomegranate, n̄ko ye eyop ye apple ye kpukpru eto ke in̄wan̄ ẹmesat;+ koro idara amadia bụt, omonyụn̄ ebe efep ke otu nditọ owo.+ 13  “Mbufo mme oku ẹbọbọ mbọbọ, ẹnyụn̄ ẹmia ikpanesịt+ mbufo. Mbufo mme asan̄autom itieuwa,+ ẹtuan̄a. Mbufo mme asan̄autom Abasi mi, ẹsịne ọfọn̄ ntuan̄a ẹdụk ẹdidan̄ ke okoneyo; koro ẹmetre ndiwa uwa n̄kpasịp+ ye edin̄wọn̄ uwa ke ufọk Abasi mbufo.+ 14  Mbufo ẹben̄e idem ẹnọ ini utreudia.+ Ẹkot edisana esop.+ Ẹnam mbiowo ye kpukpru mme andidụn̄ isọn̄ ẹsop idem ọtọkiet ke ufọk Jehovah Abasi mbufo,+ ẹnyụn̄ ẹseme ẹnọ Jehovah ẹyom un̄wam.+ 15  “Mbọm usen oro;+ koro usen Jehovah emekpere,+ enye edinyụn̄ edi nte nsobo eke otode Ata Ọkpọsọn̄! 16  Nte owo isịbeke udia ifep ke iso nnyịn; inyụn̄ isịbeke idara ye inemesịt ifep ke ufọk Abasi nnyịn?+ 17  Nsat fig ẹmefịmi ke idak udọk mmọ. Ufọk ubonn̄kpọ ẹmewụre. Ẹmewụri efe ubon mbun̄wụm in̄wan̄, koro wheat amasat. 18  Sese nte ufene omụmde mmụm! Sese nte mme otu enan̄ ẹnyụn̄ ẹyode ke ndutịme! Koro mbiet mîdụhe inọ mmọ ndita.+ Ẹmenyụn̄ ẹmen ufen ubiomikpe ẹdori otuerọn̄. 19  “Nyeseme n̄kot fi, O Jehovah;+ koro ikan̄ atade mme in̄wan̄ mbiet ufene wilderness, edemeikan̄ onyụn̄ ọfọpde kpukpru eto ke in̄wan̄.+ 20  Itọn̄ fo ọmọdọn̄ mme unam ikọt,+ koro mme udiọn̄ mmọn̄ ẹsatde,+ ikan̄ omonyụn̄ ata mme in̄wan̄ mbiet ufene wilderness.”

Mme Ikọ Idakisọn̄

Mîdịghe, emi ekeme ndidi “barley.”