Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 5;1-27

5  “Mbọk, kot ise! Ndi odu owo eke eyerede fi? Ewe ke otu ndisana owo ke afo ediwọn̄ọde ebịne?   Koro iyatesịt oyowot ndisịme owo, Isịnenyịn oyonyụn̄ owot owo emi ẹkemede ndisọp ntap nda.   Ami mmokụt nte ndisịme owo esịnde orụn̄ ke isọn̄,+ Edi ke ndondo oro ami ntọn̄ọ ndisụn̄i ebietidụn̄ esie.   Nditọ esie ẹdu nsannsan ẹkpọn̄ edinyan̄a,+ Ẹnyụn̄ ẹnuak mmọ ke inuaotop, andinyan̄a inyụn̄ idụhe.   Owo ọbiọn̄ adia se enye ekpen̄ede; Owo onyụn̄ otorode enye ke ekọp abakunam, Ekpọ onyụn̄ ọbọ mmọ se ẹkpedade ẹdu uwem.   Koro se idiọkde mîwọrọke ke ntan, Afanikọn̄ mînyụn̄ itoho isọn̄ isiaha iwọrọ.   Koro owo amanade ọnọ afanikọn̄, Kpa nte ebuaikan̄ efede ọdọk enyọn̄.   Edi ami nyobụp Abasi, Nyonyụn̄ nyak ikọ mi nnọ Abasi,+   Nnọ Enye emi anamde ikpọ n̄kpọ emi owo mîkemeke ndidụn̄ọde, Emi anamde mme utịben̄kpọ eke mînyeneke ibat;+ 10  Nnọ Enye emi anamde edịm edep ke iso isọn̄+ Emi onyụn̄ ọnọde mmọn̄ ke in̄wan̄;+ 11  Nnọ Enye emi emenerede mme usụhọde owo odori ke edikon̄ ebiet,+ Man emenede mbon mfụhọ ke enyọn̄ ọnọ edinyan̄a; 12  Nnọ Enye emi abiatde uduak mbon mbufiọk,+ Man ubọk mmọ okûkeme ndinam utom nnyene utịp; 13  Nnọ Enye emi omụmde mbon ọniọn̄ ke n̄kari+ mmọ, Man item mbon ifiọk etịmede;+ 14  Ekịm emesịm mmọ ke uwemeyo, Mmọ ẹnyụn̄ ẹfiọn̄ọ ubọk ẹsan̄a ke ufọt uwemeyo nte n̄kpọ eke ẹsan̄ade ke okoneyo;+ 15  Nnyụn̄ nnọ Enye emi anyan̄ade owo osio ke akan̄kan̄ emi ọwọrọde mmọ ke inua, Onyụn̄ anyan̄ade ubuene osio ke ubọk ọkpọsọn̄ owo,+ 16  Man idotenyịn odu ọnọ usụhọde owo,+ Edi ukwan̄ido emekịbi inua+ esie. 17  Sese! Owo emi Abasi asuade ọnọ+ okop inemesịt; Ndien kûsịn ntụnọ Ata Ọkpọsọn̄! 18  Koro enye anamde ẹkop ubiak, ndien ọbọp unan; Enye anuak n̄ken̄e n̄ken̄e, ndien ubọk esie ọkọk unan. 19  Enye ayayan̄a fi osio ke nnanenyịn itiokiet,+ Ndien ke ọyọhọ itiaba, idiọk baba kiet iditụkke fi.+ 20  Ke ini akan̄ enye ayafak fi osio ke n̄kpa,+ Ke ini ekọn̄ enye oyonyụn̄ afak fi osio akan̄kan̄ ke ubọk. 21  Ẹyedịp fi mbak edeme edimia fi,+ Ndien afo udufeheke ke ini ẹdide ndibụme fi. 22  Afo ayasak mbụme ye biọn̄, Ndien udufeheke unam ikọt emi odude ke isọn̄. 23  Koro afo oyodụk ediomi ye mme itiat ke ikọt, Ndien ẹyenam unam ikọt odụn̄ ke emem ye afo.+ 24  Afo oyonyụn̄ ọfiọk ete ke emem edi tent fo, Ndien afo ayaka okokụt in̄wan̄ mbiet ufene fo, udunyụn̄ utabake baba n̄kpọ kiet. 25  Ndien afo ọyọfiọk ete ke nditọ fo ẹwak+ Nditọ fo ẹnyụn̄ ẹbiet mbiet ke isọn̄.+ 26  Afo edisụk okokop odudu tutu odụk udi,+ Kpa nte ebek emi ẹbonde ke ini mmọ. 27  Sese! Se nnyịn idụn̄ọrede ikụt edi emi. Ntre ke edi. Kop emi, ndien afo—fiọk emi ke idemfo.”

Mme Ikọ Idakisọn̄