Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 42;1-17

42  Ndien Job ọbọrọ Jehovah onyụn̄ ọdọhọ ete:   “Mmedifiọk ke afo emekeme ndinam kpukpru n̄kpọ,+ Inyụn̄ idụhe n̄kpọ emi afo aduakde oro mûkemeke ndinam.+   ‘Anie edi emi eke edịpde item ke unana ifiọk?’+ Mmọdo mma ntịn̄, edi n̄kọfiọkke Mme n̄kpọ eke ẹdide ata utịbe ẹnọ mi, emi mmemfiọkke.+   ‘Ami mmọn̄ ntịn̄ ikọ, mbọk, kop. Mmọn̄ mbụp fi mbụme, ndien sian mi.’+   N̄kokokop mban̄a fi, Edi, ke emi, enyịn mi okụt fi.   Ntak edi oro nsion̄ode se n̄ketịn̄de, Ndien mmetie ke ntan ye ntọn̄ ntua n̄kpọfiọk.”+  Edikem ke Jehovah ama eketịn̄ ikọ emi ye Job ama, Jehovah ọdọhọ Eliphaz owo Teman ete: “Mmayat esịt etieti ye afo ye ufan+ fo mbiba, koro mbufo mîtịn̄ke akpanikọ+ iban̄a mi nte asan̄autom mi Job etịn̄de.  Ndien, ke emi, mbufo ẹda nyara enan̄ itiaba ye okukịm+ erọn̄ itiaba ẹka ẹbịne asan̄autom mi Job,+ mbufo ẹnyụn̄ ẹnyene ndiwa edifọp uwa mban̄a idem mbufo; ndien asan̄autom mi Job ọyọbọn̄ akam aban̄a mbufo.+ Ndikop nnọ enye ikpọn̄ mbak ami ndisuene mbufo ke ntak ndisịme mbufo, koro mbufo mîtịn̄ke akpanikọ iban̄a mi, nte asan̄autom mi Job etịn̄de.”+  Ndien Eliphaz owo Teman ye Bildad eyen Shuah ye Zophar owo Naamah ẹka ẹkenam kpa nte Jehovah ọkọdọhọde mmọ; ndien Jehovah okop ọnọ Job. 10  Ndien Jehovah okpụhọde idiọk idaha Job+ ke ini enye ama ọkọbọn̄ akam aban̄a mme ufan esie,+ ndien Jehovah adian n̄kpọ utịm ikaba ọnọ Job ke kpukpru se enye ekenyenede.+ 11  Ndien kpukpru nditọete esie iren ye nditọete esie iban ye kpukpru mbon oro ẹkediọn̄ọde enye ke akpa ẹdi ẹbịne enye,+ mmọ ẹnyụn̄ ẹdia udia ye enye+ ke ufọk esie ẹnyụn̄ ẹseme enye ẹnyụn̄ ẹdọn̄ enye esịt ke kpukpru afanikọn̄ oro Jehovah akayakde ẹsịm enye; ndien owo mmọ kiet kiet ọnọ enye okụk ye n̄kpanuen gold. 12  Ndien Jehovah ọdiọn̄+ utịt uwem Job akan ntọn̄ọ esie,+ tutu enye edinyene erọn̄ tọsịn duopenan̄ ye camel tọsịn itiokiet, ye enan̄ iba iba ke itie tọsịn kiet ye uman ass tọsịn kiet. 13  Enye onyụn̄ enyene nditọiren itiaba ye nditọiban ita.+ 14  Ndien enye osio adiaha esie Jemimah onyụn̄ osio udun̄wan esie Keziah onyụn̄ osio ọyọhọ ita Keren-happuch. 15  Ndien iban eke ẹyede nte nditọiban Job ikodụhe ke ofụri idụt oro, ete mmọ onyụn̄ ọnọ mmọ udeme ke otu nditọeka mmọ iren.+ 16  Ndien ke emi ama ekebe, Job aka iso odu uwem isua+ ikie ye aba onyụn̄ okụt nditọ esie ye nditọ nditọ+ esie—emana inan̄. 17  Ekem Job akpa ke ama ọkọsọn̄ onyụn̄ oyụhọ usen.+

Mme Ikọ Idakisọn̄