Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Job 40;1-24

40  Ndien Jehovah ọbọrọ Job onyụn̄ ọdọhọ ete:   “Nte owo ekededi okpokụt ndudue ọnọ Ata Ọkpọsọn̄ onyụn̄ an̄wana ye enye?+Yak enye andisua nnọ Abasi ọbọrọ.”+  Ndien Job ọbọrọ Jehovah onyụn̄ ọdọhọ ete:   “Sese! Ami ndịghe n̄kpọ ndomokiet.+Nso ke ndibọrọ fi?Mmofụk ubọk ke inua+ mi.   Mmetịn̄ ikọ ini kiet, ndinyụn̄ mbọrọke aba;Mmonyụn̄ ntịn̄ utịm ikaba, ndidianke ikọ ndomokiet.”  Ndien Jehovah etie ke oyobio+ ọbọrọ Job onyụn̄ ọdọhọ ete:   “Mbọk, bọbọ mbọbọ fo ke isịn nte erenowo;+Mmọn̄ mbụp fi mbụme, ndien sian mi.+   Nte afo ayabiat unenikpe mi? Nte afo edidọhọ ke ami nnenke man afo enen?+   Mîdịghe nte afo emenyene ubọk emi ebietde eke ata Abasi,+Omonyụn̄ enyene uyo obuma+ nte esiemmọ? 10  Mbọk, da ubọn̄+ ye edikon̄+ idaha fo bana idemfo;Nyụn̄ sịne uku+ ye uyai+ ke idem. 11  Yak ọkpọsọn̄ ibụmede iyatesịt+ fo ọwọrọ,Ndien kụt kpukpru mbon iseri nyụn̄ sụhọde mmọ nịm. 12  Kụt kpukpru mbon iseri, sụhọde mmọ nịm,+Nyụn̄ dịghi mme idiọkowo ke ebiet mmọ. 13  Dịp mmọ kpukpru ke ntan,+Kọbi mmọ ke ndedịbe ebiet, 14  Ndien ami nyotoro fi,Koro ubọk nnasia fo ekemede ndinyan̄a fi. 15  Ndien sese Isantịm* emi n̄kobotde kpa nte n̄kobotde fi. Enye ata+ awawa mbiet kpa nte ayara enan̄ atade. 16  Ndien sese, odudu esie odu enye ke isịn,Ọkpọsọn̄ ukeme+ esie odu ke mme esịp idịbi esie. 17  Enye onụk isịm esie nte eto cedar;Mme esịp ifụhi esie ẹfafiaha. 18  Mme ọkpọ esie ẹdi esan̄ okpoho;N̄kpọsọn̄ ọkpọ esie ẹbiet mme esan̄ ukwak. 19  Enye edi editọn̄ọ usụn̄ Abasi;Andinam+ enye ekeme ndida akan̄kan̄ nsan̄a n̄kpere enye. 20  Koro mme obot ẹn̄wụmde mbun̄wụm mmọ ẹnọ enye,+Kpukpru mme unam ikọt ẹnyụn̄ ẹbrede mbre do. 21  Enye osụhọde ana ke idak eto lotus emi enyenede n̄kukịm,Ke ndedịbe ebiet nnyanyan̄a+ ye ke okpụk.+ 22  Mfụt eto lotus emi enyenede n̄kukịm ẹfụk enye;Mme eto poplar ke itịghede mmọn̄ ẹkan enye ẹkụk. 23  Edieke akpa adahade, enye inyekke idem ifehe. Enye enyene uko okposụkedi emi Jordan+ ọtọde ọyọhọ inua esie. 24  Nte owo ekededi ekeme ndimụm enye ke ini enye osụk esede? Nte owo ekededi ekeme ndida uwam ntịbi enye ibuo?

Mme Ikọ Idakisọn̄

Heb., “Behemoth.”