Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 4;1-21

4  Ndien Eliphaz+ owo Teman ọbọrọ onyụn̄ ọdọhọ ete:   “Edieke owo odomode nditịn̄ ikọ ye afo, ndi ayakpa mba? Edi anie ekeme ndifara ke ikọ?   Sese! Afo emenen̄ede ediwak owo,+ Afo ama esinyụn̄ ọsọn̄ọ ubọk eke ẹmemde.+   Ikọ fo ama esimenede owo ekededi eke atuakde ukot ọduọ;+ Afo ama esinyụn̄ ọsọn̄ọ mme edọn̄ eke ẹfụmde.+   Edi ke emi enye emesịm fi, ndien afo amakpa mba; Enye omotụk fi, ndien esịt etịmede fi.   Nte idịghe uten̄e emi afo eten̄ede Abasi edi ntak mbuọtidem fo? Nte idịghe afo ndisọn̄ọ nda+ ke usụn̄ fo edi idotenyịn fo?   Mbọk, ti ise: Anie owo emi mîduehe akanam atak? Ndien m̀mọ̀n̄ ke akanam ẹsọhi edinen+ owo ẹfep?   Nte ami n̄kụtde, mbon oro ẹduakde ibak Ye mbon oro ẹtọde afanikọn̄ ẹdidọk kpa oro.+   Ibifịk Abasi esịn mmọ ẹtak, Spirit iyatesịt esie onyụn̄ esịn mmọ ẹsịm utịt. 10  Ekpe omokụni, ẹnyụn̄ ẹkop uyo abak ekpe, Edi edet mme abak ayara ekpe ẹmebehe. 11  Ekpe akpa biọn̄ koro se enye omụmde ata mîdụhe, Ẹmenyụn̄ ẹdian̄ade nditọ ekpe ẹkpọn̄ kiet eken. 12  Ndien ẹma ẹtịn̄ ikọ ke ndịbe ẹnọ mi, Utọn̄ mi okonyụn̄ okop enye ke odu,+ 13  Ke editịmede esịt emi otode n̄kukụt okoneyo, Ke ini emi ọkpọsọn̄ idap anamde mme owo. 14  Ndịk odoro mi, idem onyụn̄ enyek mi, Enye anam ediwak ọkpọ mi ẹdịghe. 15  Ndien spirit ebe mi ke iso; Idet idem mi ẹdaha ẹdada. 16  Enye atuak ada, Edi mfiọkke nte enye etiede; Mbiet n̄kpọ ada mi ke iso; Ebiet odobo, ami nnyụn̄ n̄kop uyo ọdọhọde ete: 17  ‘Nte owo ekeme ndinen n̄kan Abasi? Mîdịghe nte enye ekeme ndisana n̄kan Andinam enye?’ 18  Sese! enye inyeneke mbuọtidem ke mme asan̄autom esie, Enye onyụn̄ okụt ndudue ọnọ mme isụn̄utom esie. 19  N̄wan̄wadise mbon emi ẹdụn̄de ke ufọk mbat, Emi itiat idakisọn̄ mmọ odude ke ntan!+ Owo anuak mmọ inikiet inikiet akan nte anuakde utan̄kpọ. 20  Ẹnuak mmọ mbai mbai ọtọn̄ọde ke usenubọk tutu esịm mbubreyo; Mmọ ẹtak ke nsinsi, baba owo kiet ikereke iban̄a mmọ. 21  Nte owo idụrike urụk tent isio mmọ ke idem? Mmọ ẹkpan̄a ke unana ọniọn̄.

Mme Ikọ Idakisọn̄