Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 39;1-30

39  “Nte afo ọmọfiọk ini emi mme ebot ikpọ obot emi ẹdụn̄de ke abaitiat ẹmande nditọ?+ Nte afo omokụt ini emi uman otụkde mme uman edop ndien mmọ ẹman+ nditọ?   Nte afo amabat ini emi ọfiọn̄ enyọn̄ mmọ ọyọhọde, Mîdịghe nte afo ọmọfiọk edikem ini mmọ ndiman nditọ?   Mmọ ẹnụhọ ke ini ẹmande nditọ mmọ, Ke ini ubiak uman mmọ okụrede.   Idem ọsọn̄ nditọ mmọ, mmọ ẹkponi ke ikọt; Mmọ ẹwọrọ ẹka inyụn̄ ifiakke ibịne mmọ aba.   Anie ayak zebra+ ọwọrọ asan̄a, Anie onyụn̄ atat ass ikọt n̄kpọkọbi,   Emi nnịmde ufọk mmọ ke unaisọn̄ desat Nnyụn̄ nnịmde mme ebietidụn̄ mmọ ke idụt inụn̄?+   Enye asasak ndutịme ke obio; Ikopke uyom andibịne+ enye.   Enye asan̄a akanade mme obot oyom mbiet+ Onyụn̄ oyom kpukpru orụk awawa ikọn̄.+   Nte editịm oyom ndinam utom nnọ fi,+ Mîdịghe nte enye edidan̄ ke usịnudia ufene fo ke okoneyo? 10  Nte afo ayada urụk etebe editịm anam enye ofụn̄ isọn̄, Mîdịghe nte enye ayasuan+ isọn̄ etiene fi ke edem? 11  Nte afo ọyọbuọt idem ke enye koro odudu esie okponde, Nte afo oyonyụn̄ ayak utom fo ọnọ enye? 12  Nte afo eyeberi edem ke enye nte ke enye ayada n̄kpasịp fo afiak edi Ye nte ke enye oyobon mmọ ke ọtọ udịghi wheat fo? 13  Nte uman ostrich amia mba ke idatesịt, Mîdịghe nte ntan̄ ye mba inuen inyan̄+ ke enye enyene? 14  Koro enye ọkpọn̄de nsen esie ke isọn̄ Onyụn̄ anamde mmọ ẹfiop ke ntan, 15  Enye onyụn̄ efre ke ẹkeme ndinuak mmọ ke ikpat Mîdịghe mme unam ikọt ẹkam ẹkeme ndidịghi mmọ. 16  Enye ọsọn̄ ido ye nditọ esie nte n̄kpọ eke mîdịghe esiemmọ+ Utom esie edi ke ikpîkpu koro enye mîdọn̄ke enyịn. 17  Koro Abasi anamde enye efre ọniọn̄, Enye inyụn̄ inọhọ enye udeme ifiọk esie.+ 18  Ke ini enye amiade mba esie ke enyọn̄, Enye asak enan̄-mbakara ye andiwat. 19  Nte afo emekeme ndinọ enan̄-mbakara odudu?+ Nte afo emekeme ndisịne enye mfụhọ-itọn̄ emi enyen̄ede? 20  Nte afo emekeme ndinam enye ọfrọ nte n̄kukun̄kpọyọriyọ? Uten̄e emi odude ke ini enye afiaride ke ibuo anam owo ndịk.+ 21  Enye edịghi+ unaisọn̄ onyụn̄ ọfrọ ye odudu; Enye ebe aka ndisobo n̄kpọekọn̄.+ 22  Enye asasak n̄kpọndịk, inyụn̄ inyekke idem;+ Inyụn̄ iwọn̄ọkede iso ke ntak akan̄kan̄. 23  Odịpidan̄ enyen̄e enye ke idem, Mbubara eduat ye enyịm. 24  Enye emen itọk ke ibụmede onyụn̄ emen isọn̄ emen, Ndien inịmke ite ke edi uyom nnụk. 25  Ke ndondo oro ẹfride nnụk enye ete Aha! Enye onyụn̄ ada ke anyan ebiet okop utebe ekọn̄, Mfiori mme etubom ye n̄kpo ekọn̄.+ 26  Nte ifiọk fo anam falcon adaha ọdọk enyọn̄, Anam enye atat mba esie ọnọ ofụm edem usụk? 27  Mîdịghe ndi ewụhọ fo esịn ntrukpom+ efe ọdọk enyọn̄ Onyụn̄ ọbọp efọk esie ke ata enyọn̄,+ 28  Onyụn̄ esịn enye odụn̄ ke akwa itiat onyụn̄ adan̄ do ke okoneyo Ke edet akwa itiat ye ebiet emi ọsọn̄de ndidụk? 29  Enye etie do oyom udia;+ Enyịn esie ada okụt n̄kpọ anyan ebiet. 30  Ndien nditọ esie ẹn̄wọn̄ iyịp; Ke ebiet emi mme okpo ẹdude, do ke enye odu.”+

Mme Ikọ Idakisọn̄