Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 37;1-24

37  “Ntem esịt mi ọtọn̄ọ ndinyek,+ Enye onyụn̄ ọfrọ ke ebiet esie.   Mbufo ẹtịm ẹkpan̄ utọn̄ ẹkop uyo n̄kụni esie,+ Ye n̄kụni emi ọwọrọde enye ke inua.   Enye asana mmọ ayak ke idak ofụri enyọn̄, Emịnen̄mịnen̄+ esie onyụn̄ esịm utịt isọn̄.   Ekem uyom oyomo; Enye osioro uyo nte obuma+ ndiwụt uten̄e esie,+ Enye inyụn̄ imụmke mmọ ikama ke ini ẹkopde uyo esie.+   Abasi osioro uyo+ nte obuma ke utịbe utịbe usụn̄, Anam ikpọ n̄kpọ emi nnyịn mîkemeke ndifiọk.+   Koro enye ọdọhọde snow ete, ‘Duọ ke isọn̄,’+ Onyụn̄ ọdọhọ edịm ye ọkpọsọn̄ edịm+ n̄ko.   Enye ada ufịkn̄kpọ efịk kpukpru owo ke ubọk Man kpukpru owo ẹfiọk utom esie.   Unam ikọt odụk itie udịbe, Onyụn̄ odụn̄ ke mme ebiet udịbe esie.+   Ọkpọsọn̄ ofụm oto esịt ubet+ ọwọrọ Tuep onyụn̄ oto ofụm edem edere.+ 10  Ibifịk Abasi ọnọ ice+ Ubara mmọn̄ onyụn̄ afaha.+ 11  Ih, enye ada mmọn̄ efịk obubịt enyọn̄, Un̄wana+ esie asuan obubịt enyọn̄, 12  Onyụn̄ oyụt enye akanade ke ndinọ mmọ ndausụn̄ ke se mmọ ẹnamde Ke ebiet ekededi emi enye owụkde+ mmọ ke iso isọn̄. 13  Edide ndida enye nnam n̄kpọ nte esan̄*+ m̀mê ndida nnam isọn̄ esie ebịt+ M̀mê ndida n̄wụt ima-mfọnido,+ enye anam emi enyene utịp. 14  O Job, kpan̄ utọn̄ ke n̄kpọ emi; Tuak da nyụn̄ nen̄ede kere ban̄a mme utịbe utom Abasi.+ 15  Nte afo ọmọfiọk ini emi Abasi okowụkde mmọ ewụhọ,+ Ye ini emi enye akanamde un̄wana ikpaenyọn̄ esie ayama? 16  Nte afo ọmọfiọk se inamde obubịt enyọn̄ ọkọn̄ọ ufịme,+ Mme utịbe utom Enye emi ọfọnde ama ke ifiọk?+ 17  Nte ọfọn̄idem fo ofiopde Ke ini isọn̄ odobode, ọtọn̄ọde ke edem usụk?+ 18  Nte afo emekeme nditiene enye nnen̄ede ikpaenyọn̄+ Man ọsọn̄ idem nte ukụtiso emi ẹtarade ukwak ẹnam? 19  Nam nnyịn ifiọk se idibọrọde enye; Nnyịn ikemeke nditịn̄ ikọ ke ntak ekịm. 20  Nte ẹkpenyene ndisian enye ke ami mmọn̄ ntịn̄ ikọ? Mîdịghe nte owo ekededi ama etịn̄ ke ẹyeneme n̄kpọ emi?+ 21  Ndien, ke emi, mmọ itịmke ikụt un̄wana; Enye ayama ke ikpaenyọn̄, Ke ini ofụm ofụmede ebe onyụn̄ anamde mmọ ẹsana. 22  Ediye gold oto edem edere edi. Uku+ Abasi enyene uten̄e. 23  Amaedi Ata Ọkpọsọn̄, nnyịn ikemeke nditịm mfiọk enye;+ Enye okpon ke odudu,+ Enye idinyụn̄ isehe unenikpe+ ye uwak edinen ido+ ke usụhọde.+ 24  Ntre yak mme owo ẹbak enye.+ Enye ibatke owo ekededi emi esede idem ke owo ọniọn̄ ke n̄kpọ.”+

Mme Ikọ Idakisọn̄

Ada aban̄a edinen̄ede m̀mê ntụnọ.