Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 36;1-33

36  Ndien Elihu aka iso ọdọhọ ete:   “Nyene ime ye ami esisịt, ndien nyasian fi Nte ke ikọ ke osụk ododu nditịn̄ mban̄a Abasi.   Ami mmọn̄ nda ifiọk mi nto anyan ebiet ndi, Nyonyụn̄ ndọhọ ke edinen ido+ enyene Andinam mi.   Koro ke akpanikọ, ikọ mi idịghe nsu; Enye emi ọfọnde ama ke ifiọk+ odu ye afo.   Sese! Abasi edi ọkpọsọn̄+ idinyụn̄ isịnke; Enye edi ọkpọsọn̄ ke ifiọk esịt esie;   Enye idinịmke owo ekededi emi edide idiọkowo uwem,+ Edi enye ọyọnọ mbon ukụt unenikpe.+   Enye idisioho enyịn esie ifep ke owo ekededi emi enende;+ Idem ndidem emi ẹtiede ke ebekpo+ Enye n̄ko oyodori mmọ ke nsinsi, ẹyenyụn̄ ẹmenede mmọ ẹnịm ke enyọn̄.   Ndien edieke ẹsịnde mmọ ke ebuka,+ Ẹda urụk ukụt ẹbọp mmọ.   Adan̄aoro enye ayasian mmọ nte mmọ ẹnamde n̄kpọ Ye nte mmọ ẹbiatde ibet, koro mmọ ẹtan̄de idem. 10  Ndien enye eyesịrede mmọ utọn̄ man ẹkop item,+ Enye oyonyụn̄ ọdọhọ mmọ ete ẹfiak edem ẹkpọn̄ ibak.+ 11  Edieke mmọ ẹkopde item ẹnyụn̄ ẹnamde n̄kpọ, Mme usen mmọ ẹyeyọhọ ye se ifọnde Mme isua mmọ ẹyenyụn̄ ẹyọhọ ye inemesịt.+ 12  Edi edieke mmọ mîkopke item, enyịm+ edikam owot+ mmọ, Ndien mmọ ẹyekpan̄a ke unana ifiọk. 13  Ndien mbon emi ẹdide mbon mfiakedem ke esịt ẹyekọ iyatesịt ẹnọ idemmọ.+ Mmọ ikpesemeke iyom un̄wam koro enye ọbọpde mmọ. 14  Ukpọn̄ mmọ ayakpa ke ini uyen mmọ,+ Ndien uwem mmọ oyodu ke otu iren akpara temple.+ 15  Enye ayanyan̄a owo ukụt ke ukụt esie, Enye oyonyụn̄ esịrede utọn̄ mmọ ke ini ẹfịkde mmọ. 16  Ndien enye n̄ko ayatap fi osio ke inua nnanenyịn!+ Akwa ufan̄,+ idịghe mfafaha, edidu ke itie esie, Ndọn̄esịt okpokoro fo edinyụn̄ ọyọhọ ye isek.+ 17  Ubiomikpe idiọkowo+ oyoyụhọ fi; Ubiomikpe ye unenikpe ẹyekara. 18  Kpeme idem mbak ifụtesịt+ edinam fi amia ubọk ke ntak udu, Kûnyụn̄ uyak akamba ufak+ otụn fi usụn̄. 19  Nte afo ndiseme nyom un̄wam eyenyene ufọn?+ Baba, idinyeneke ke ini ukụt Idem ofụri ọkpọsọn̄ ukeme fo.+ 20  Kûnen̄ede uyom okoneyo, Emi mme idụt ẹfiakde edem ke ebiet emi mmọ ẹdude. 21  Kpeme idem mbak uduwọn̄ọde ubịne ibak,+ Koro afo emekde emi utu ke ukụt.+ 22  Sese! Abasi omokpon ke odudu esie; Ewe anditeme ebiet enye? 23  Anie okot enye ete edinam ibat aban̄a usụn̄ esie,+ Anie onyụn̄ ọdọhọ ete, ‘Afo amanam ukwan̄ido’?+ 24  Ti ete ke afo enyene nditoro utom+ esie Emi mme owo ẹkwọde+ ẹban̄a. 25  Ofụri ubonowo ẹwụk enyịn ẹse emi; Owo ada nsannsan ese enye.+ 26  Sese! Abasi okon̄ akan nte nnyịn ikemede ndifiọk;+ Isua esie awak ke ibat akan nte ẹkemede ndidụn̄ọde.+ 27  Koro enye odụride mme ntọi mmọn̄;+ Mmọ ẹdụhọde nte edịm ẹkabade ntụhube esie, 28  Ntre obubịt enyọn̄ ọtọi mmọn̄,+ Mmọ ẹduọhọ ubonowo akpakịp. 29  Ke akpanikọ, anie ekeme ndifiọk mme ikpehe obubịt enyọn̄, Uyom emi otode ataya+ esie? 30  Sese! Enye atat un̄wana esie ofụk enye,+ Onyụn̄ ofụk isọn̄ inyan̄. 31  Koro enye adade mmọ ekpe ikpe mme idụt;+ Enye ọnọ mmọ udia barasuene.+ 32  Enye ada ubọk esie ofụk emịnen̄mịnen̄, Enye onyụn̄ ọnọ ewụhọ aban̄a owo en̄wan.+ 33  Uyom+ esie ọnọ ntọt aban̄a enye, Ufene n̄ko ẹtịn̄ ẹban̄a enye emi ọdọkde edi.

Mme Ikọ Idakisọn̄