Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 35;1-16

35  Ndien Elihu aka iso ọbọrọ onyụn̄ ọdọhọ ete:   “Nte se afo abatde ke unenikpe edi emi? Afo ọdọhọ ete, ‘Edinen ido mi akan eke Abasi.’+   Koro afo ọdọhọde, ‘Nso ufọn ke emi enyene ọnọ fi?+ Nso udori ke ami nnyene emi okponde akan ami ndinam idiọkn̄kpọ?’+   Ami mmọn̄ mbọrọ fi Ye mme ufan+ fo emi ẹdude ye afo.   Menede enyịn ke enyọn̄+ nyụn̄ se, Tịm se obubịt enyọn̄,+ nte ke enye okon̄ akan fi.   Edieke afo anamde idiọkn̄kpọ, emi anam enye nso?+ Edieke afo akade iso ọsọn̄ ibuot, afo anam enye nso?   Edieke afo enende, afo ọnọ enye nso, Mîdịghe nso ke enye ọbọ fi ke ubọk?+   Idiọkido fo ekeme nditụk owo nte afo,+ Edinen ido fo onyụn̄ otụk eyen owo.+   Ke ntak ediwak ufịk mmọ ẹseme ẹyom un̄wam;+ Mmọ ẹseme ẹyom un̄wam ke ntak ubọk ikpọ owo.+ 10  Ndien baba owo kiet idọhọke ite, ‘Enye enye Abasi kpa Akwa Andinam+ mi, Kpa Enye emi ọnọde edinem ikwọ ke okoneyo?’+ 11  Enye edi Enye emi ekpepde+ nnyịn akan nte ekpepde mme unam ke isọn̄,+ Enye onyụn̄ anam nnyịn inyene ọniọn̄ ikan mme edibotn̄kpọ emi ẹfede ke enyọn̄. 12  Do ke mmọ ẹseme ẹkot enye, edi enye iyereke,+ Ke ntak ntan̄idem+ mme idiọkowo. 13  Edi Abasi ikopke se mîdịghe akpanikọ,+ Ata Ọkpọsọn̄ inyụn̄ isehe emi.+ 14  N̄wan̄wadise, ndien, ke ini afo ọdọhọde ete imọ ikwe enye!+ Ikpe odu enye ke iso, ntre afo onyụn̄ enyene ndinen̄ede mbet enye.+ 15  Ndien sia iyatesịt esie mîyomke ẹnam ibat,+ Enye n̄ko ikereke iban̄a edinam n̄kpọ ke ata ibụmede.+ 16  Ndien Job enen̄ede atat inua esie ke ikpîkpu; Enye etịn̄ ediwak ikọ eke mîsịneke ifiọk.”+

Mme Ikọ Idakisọn̄