Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Job 33;1-33

33  “O Job, mbọk, ke emi, kop ikọ mi, Nyụn̄ kpan̄ utọn̄ ke kpukpru se ntịn̄de.   Mbọk, sese! nnyene nditat inua; Edeme mi ye nsịn̄+ mi ẹnyene nditịn̄ ikọ.   Ikọ mi oto edinen esịt+ mi, N̄kpọkinua mi onyụn̄ enen̄ede etịn̄ ifiọk.+   Spirit Abasi akanam mi,+ Ibifịk Ata Ọkpọsọn̄ okonyụn̄ esịn mi ndu uwem.+   Edieke afo ekemede, bọrọ mi, Tịm ikọ eke editịn̄de ke iso mi; da itie fo.   Sese! Ami ndi kpa se afo edide ke iso ata Abasi;+ Ẹkeda mbat ẹbot+ mi n̄ko.   Sese! Ndịk mi idinamke fi edịghe, Mfịghe mi idinyụn̄ idobike fi ke idem.   Afo emetịn̄ ikọ esịn mi ke utọn̄, Mmonyụn̄ n̄kop uyo ikọ fo emi ọdọhọde ete,   ‘Ami ndi edisana nnamke idiọk;+ Mmasana, nnyụn̄ nnyeneke ndudue.+ 10  Sese! Enye oyoyom mme ifet ndida mbiọn̄ọ mi, Enye ada mi ke asua esie.+ 11  Enye esịn mi ukot ke ebuka,+ Enye etịm ese kpukpru usụn̄ mi.’+ 12  Yak mbọrọ fi, sese! afo unenke+ ke n̄kpọ emi; Koro Abasi okponde akan owo.+ 13  Ntak emi afo an̄wanade ye enye,+ Ndi koro enye mîbọrọke kpukpru ikọ fo?+ 14  Koro Abasi etịn̄de ikọ ini kiet, Ye utịm ikaba+—okposụkedi emi owo mîbatke emi ke n̄kpọ— 15  Ke ndap,+ ke n̄kukụt+ okoneyo, Ke ini ọkpọsọn̄ idap emende owo, Ke ini owo edede idap ke bed.+ 16  Ini oro ke enye esịrede mme owo utọn̄,+ Enye efịk ufịkn̄kpọ ke item mmọ, 17  Man ọwọn̄ọde owo ọkpọn̄ edinam esie,+ Onyụn̄ anyan̄a owo osio ke ntan̄idem.+ 18  Enye iyakke ukpọn̄ esie osụhọde ke obube+ Inyụn̄ iyakke enyịm+ ada uwem esie. 19  Ẹda ubiak ẹnen̄ede ẹsua ẹnọ enye ke bed esie, Ndien mme ọkpọ esie ẹka iso ẹtọhọ. 20  Uwem esie anam udia edi n̄kpọ itekesịt,+ Edinem udia onyụn̄ odorode ukpọn̄ esie. 21  Obụkidem esie eyemede tutu owo ikwe, Mme ọkpọ esie emi owo mîkekwe ẹwọn̄ọ ẹbono. 22  Ndien ukpọn̄ esie asan̄a ekpere obube,+ Uwem esie onyụn̄ ekpere mmọ eke ẹwotde owo. 23  Edieke enye enyenede isụn̄utom, Kpa anditịn̄ ikọ ke ibuot esie, kiet ke otu tọsịn, Ndisian owo edinen ido esie, 24  Ndien enye ọfọn mfọn ye enye onyụn̄ ọdọhọ ete, ‘Kûyak enye osụhọde odụk obube!+ Ami mmokụt ufak!+ 25  Yak obụkidem esie akabade esehe akan eke ini uyen;+ Yak enye afiak enyene odudu nte ekenyenede ke ini uyen esie.’+ 26  Enye eyekpe Abasi ubọk man enye enem esịt ye enye,+ Enye oyonyụn̄ okụt iso esie ye n̄kpo idara, Enye oyonyụn̄ afiak ọnọ owo edinen ido Esie. 27  Enye ọyọkwọ ikwọ ọnọ mme owo onyụn̄ ọdọhọ ete, ‘Ami mmanam idiọkn̄kpọ;+ mmonyụn̄ n̄kwan̄a se inende, Ndien oro ikedịghe nnennen n̄kpọ ami ndinam. 28  Enye amafak ukpọn̄ mi mbak edisụhọde odụk obube,+ Ndien uwem mi oyokụt un̄wana.’ 29  Sese! Abasi anam kpukpru n̄kpọ emi, Utịm ikaba, utịm ikata, ọnọ owo, 30  Man ọwọn̄ọde ukpọn̄ esie osio ke obube,+ Man un̄wana mmọ eke ẹdude uwem ayama ọnọ enye.+ 31  O Job, kpan̄ utọn̄ nọ mi! Kop ikọ mi! Dop uyo, ndien ami mmọn̄ n̄ka iso ntịn̄ ikọ. 32  Edieke afo enyenede ikọ ekededi, bọrọ mi; Tịn̄, koro edinen ido fo adatde mi esịt. 33  Edieke mûnyeneke, kpan̄ utọn̄ nọ mi;+ Dop uyo, ndien ami nyekpep fi ọniọn̄.”

Mme Ikọ Idakisọn̄