Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 32;1-22

32  Ndien owo ita emi ẹtre ndibọrọ Job ikọ, koro enye edide edinen ke enyịn esie.+  Ndien Elihu eyen Barachel eyen Buz+ emi otode ubon Ram enen̄ede ayat esịt. Enye ayat esịt etieti ye Job ke enye ndidọhọ ke ukpọn̄ imọ enen utu ke ndidọhọ ke Abasi enen.+  Enye ayat esịt etieti n̄ko ye mme ufan esie mbita ke ntak emi mmọ mîkenyeneke ibọrọ, edi ẹsede Abasi ke idiọk.+  Ndien Elihu ama enyene ikọ nditịn̄ edi ekebet Job okụre, koro mmọ ẹkesọn̄ọde enye ke emana.+  Ndien Elihu okụt ke ibọrọ idụhe irenowo ita oro ke inua,+ esịt onyụn̄ ọdọdiọn̄ ayat enye.  Ndien Elihu eyen Barachel, eyen Buz ọbọrọ onyụn̄ ọdọhọ ete: “Ami ndi eyenọwọn̄ ke emana Ndien mbufo ẹdi ikpọ owo.+ Ntak edi oro n̄komụmde idem n̄kama, ndịk okonyụn̄ anamde mi Ndiwụt mbufo ifiọk mi.   Ami n̄kọdọhọ, ‘Yak mme usen ẹtịn̄ ikọ, Yak ediwak isua ẹnyụn̄ ẹwụt ọniọn̄.’+   Ke akpanikọ, edi spirit emi odude owo ke idem Ye ibifịk Ata Ọkpọsọn̄ ọnọ mmọ ifiọk.+   Idịghe sụk mbon emi ẹwakde usen ẹnyene ọniọn̄,+ Inyụn̄ idịghe sụk mbon emi ẹsọn̄de ẹfiọk ikpe.+ 10  Mmọdo ndọhọde nte, ‘Ẹkpan̄ utọn̄ ẹnọ mi. Ami mmọn̄ n̄wụt ifiọk mi.’ 11  Sese! N̄kebet mbufo ẹkụre ikọ mbufo, Mma n̄kpan̄ utọn̄ ke ikọ mbufo,+ Tutu mbufo ẹyom ikọ eke ẹtịn̄de. 12  Ndien ami mma n̄kpan̄ utọn̄ nnọ mbufo, Sese, idụhe owo eke asuade ọnọ Job, Owo mbufo ndomokiet inyụn̄ ibọrọke ikọ esie, 13  Mbak mbufo ẹdidọhọ ẹte, ‘Nnyịn imokụt ọniọn̄;+ Edi Abasi ebịn enye efep, idịghe owo.’ 14  Koro enye mîketịn̄ke ikọ idian mi, Ntre ndidaha ikọ emi mbufo ẹtịn̄de mbọrọ enye. 15  Idem enyek mmọ, mmọ ibọrọke aba; Ikọ omokụre mmọ ke inua. 16  Ami mmebet, koro mmọ mîtịn̄ke ikọ aba; Koro mmọ ẹdopde ẹda, mmọ ibọrọke aba. 17  Ami mmọn̄ nnọ ibọrọ okịmmọ; Ami mmọn̄ n̄wụt ifiọk mi; 18  Koro ikọ ọmọyọhọ mi inua; Spirit amatuak+ mi idịbi. 19  Sese! Idịbi mi etie nte wine eke mînyeneke ufan̄ ndiwọrọ; Nte mbufa ekpeme ikpa, enye ke oyom ndisiaha.+ 20  Yak ntịn̄ ikọ man efịghede mi. Mmọn̄ ntat n̄kpọkinua mi man mbọrọ.+ 21  Mbọk, yak n̄kûnam asari;+ N̄kûnyụn̄ nnọ owo udorienyịn̄;+ 22  Koro mmemfiọkke nte n̄kpọnọde udorienyịn̄; Andinam+ mi ọkpọsọp emen mi efep.

Mme Ikọ Idakisọn̄