Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 31;1-40

31  “Ami mmodiomi ediomi ye enyịn+ mi. Ntre n̄kpasan̄a didie ntịn̄ enyịn ke idem eyenan̄wan?+   Ndien udeme ewe oto Abasi ke enyọn̄,+ Inyene ewe onyụn̄ oto Ata Ọkpọsọn̄ ke enyọn̄?   Nte afanikọn̄ inaha ibet anamidiọk,+ Nte ndiọkiso inyụn̄ inaha ibet mbon emi ẹnamde ibak?   Nte enye ikwe mme usụn̄ mi+ Inyụn̄ ibatke kpukpru ikpatisan̄ mi?   Edieke edide mmasan̄a ye mbon emi mînamke akpanikọ,+ Ukot mi onyụn̄ ọsọpde ebịne abian̄a,+   Enye oyodomo mi ke udomon̄kpọ+ eke enende Abasi oyonyụn̄ ọfiọk nsọn̄ọnda+ mi.   Edieke ikpat mi awahade ọkpọn̄ usụn̄,+ Mîdịghe esịt mi etienede enyịn+ mi, M̀mê ndo ekededi eyịrede mi ke ekaubọk,+   Yak ami ntọ n̄kpasịp ndien owo efen adia,+ Yak ẹnyụn̄ ẹbịn nditọ mi ẹsion̄o.   Edieke esịt mi atapde mi ntiene n̄wan,+ Ami nnyụn̄ ndịbede mbet+ ke inuaotop nsan̄a mi, 10  Yak n̄wan mi ọkọk n̄kpọ ọnọ erenowo en̄wen, Ndien yak irenowo en̄wen ẹnyanade ẹkụbọ enye.+ 11  Koro oro ekpedi obukpo ido, Oro okponyụn̄ edi ndudue emi oyomde mme ebiereikpe ẹnọ ntịn̄enyịn.+ 12  Koro oro edi ikan̄ eke atade tutu osobo,+ Onyụn̄ ata ofụri mbun̄wụm mi tutu esịm orụn̄. 13  Edieke n̄kesisịnde ndiyak ofụn eren mi enyene unenikpe M̀mê ndiyak ofụn an̄wan mi enyene unenikpe ke adan̄aemi mmọ ẹdude ye ami ke ikpe, 14  Do nso ke ami n̄keme ndinam ke ini Abasi adahade ada? Ke ini enye onyụn̄ okotde ete ẹdinam ibat, nso ke ami ndibọrọ enye?+ 15  Nte idịghe Enye emi akanamde mi ke idịbi akanam enye,+ Nte inyụn̄ idịghe kpa Enye okobot nnyịn ke itie eyen? 16  Edieke n̄kesibọde mme usụhọde owo idatesịt mmọ,+ N̄konyụn̄ nnamde enyịn ekịm ebeakpa,+ 17  Nnyụn̄ ntade ibio uyo mi ikpọn̄, Ke adan̄aemi eyenakpa mîtieneke ita+ 18  (Koro toto ke uyen mi enye ọkọkọri okpon ye ami nte ete, Ami n̄konyụn̄ nda enye usụn̄ toto ke idịbi eka mi); 19  Edieke edide mma nsikụt owo ekededi atakde ke ntak unana ọfọn̄,+ M̀mê nte ubuene mînyeneke se adade ofụk idem; 20  Edieke isịn esie mîkotoroke mi, Enye mîkonyụn̄ ifụhọke idet+ abak okukịm erọn̄ mi man okop ufiop; 21  Edieke n̄kadade edem ubọk mbịn eyenakpa,+ Ke ini n̄kụtde ke oyom nnọ un̄wam ke inuaotop,+ 22  Yak n̄kikọk afara mi otorode mi ke afara ọduọ, Yak ubọk mi onyụn̄ oto enyọn̄ ọkpọ obụn̄ọ. 23  Koro nsobo Abasi akanamde mi ndịk, Ke ntak uku+ esie, ami n̄kemeke ndida. 24  Edieke n̄kọbuọtde idem ke gold, Mîdịghe ndọhọde gold nte, ‘Mbuọt idem ke afo!’+ 25  Edieke edide mma nsidat esịt koro inyene mi ẹwakde,+ Koro ubọk mi okonyụn̄ okụtde ediwak n̄kpọ;+ 26  Edieke edide mma nsikụt un̄wana ke ini enye ayamade, M̀mê ediye ọfiọn̄ asan̄ade ebe,+ 27  Ndien esịt mi atap mi ke ndịbe+ Ubọk mi onyụn̄ etịm mi inua, 28  Oro n̄ko ekpedi ndudue emi oyomde mme ebiereikpe ẹnọ ntịn̄enyịn, Koro n̄kpakan̄ ata Abasi ke enyọn̄. 29  Edieke n̄kesidatde esịt koro owo emi enen̄erede asua mi mîdụhe aba,+ Mîdịghe n̄kopde idatesịt koro idiọk esịmde enye— 30  Ndien n̄kayakke nsịn̄ mi anam idiọk Ke ndidọhọ ẹsụn̄i ukpọn̄ esie.+ 31  Edieke mbon tent mi mîkọdọhọke ite, ‘Anie ekeme ndisio owo ekededi ndi emi udia esie mîkoyụhọke enye?’+ 32  Baba esenowo kiet ikadan̄ke ke an̄wa ke okoneyo;+ Mma nsinyụn̄ mberede usụn̄ mi nnọ owo isan̄. 33  Edieke n̄kofụkde idiọkn̄kpọ+ mi nte owo Ke ndidịp ndudue mi ke ekpat ọfọn̄idem mi— 34  Koro ndịghede ke ebiet emi mme owo ẹwakde, Emiom emi ẹmiomde mme ubon anam mi ndịk Ami ndop uyo, nnyụn̄ n̄wọrọke ke inuaotop. 35  Ubaha nte n̄kpenyenede owo eke akpan̄de utọn̄ ọnọ mi,+ Ubaha nte Ata Ọkpọsọn̄ ekpeyerede mi nte idiọn̄ọ usịn ubọk mi edide!+ Mîdịghe ubaha nte owo emi adade ke ikpe ye ami ekpewetde n̄wed! 36  Ke akpanikọ n̄kpobiom enye ke afara mi; N̄kpọbọp enye n̄kanade idem mi nte akamba anyanya. 37  N̄kpasiak ibat ikpatisan̄ mi nnọ enye;+ N̄kpasan̄a nte adausụn̄ n̄kpere enye. 38  Edieke isọn̄ mi ekpesemede aban̄a mi oyom un̄wam, Mme ufan̄ ebono esie ẹnyụn̄ ẹtuade eyet; 39  Edieke edide mmadia mbun̄wụm esie n̄kpehe okụk,+ Nnyụn̄ nnam ibifịk ababa ukpọn̄ mme andinyene enye,+ 40  Utu ke wheat yak mbaraekpe asiaha,+ Ndien utu ke barley yak edi mbiet emi osiode idiọk utebe.” Ikọ Job etre mi.

Mme Ikọ Idakisọn̄