Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Job 27;1-23

27  Ndien Job ọtọn̄ọ ntak etịn̄ ikọ esie ke n̄ke+ onyụn̄ ọdọhọ ete:   “Ma uwem Abasi,+ emi esịnde ndinọ mi unenikpe,+ Ma uwem Ata Ọkpọsọn̄, emi onyụn̄ anamde ukpọn̄ mi odoro,+   Ke adan̄aemi ofụri ibifịk osụk odude mi ke idem, Spirit Abasi onyụn̄ odude mi ke ndudu ibuo,+   N̄kpọkinua mi iditịn̄ke se ikwan̄ade Edeme mi idinyụn̄ ibian̄ake abian̄a!   Nsa mi-o! Ndidọhọke ke mbufo ẹmenen!+ Tutu n̄kpa, ndiduọkke nsọn̄ọnda+ mi!   Mmomụm edinen ido mi n̄kama, nditopke enye nduọk;+ Esịt idifịnake mi ke baba usen kiet.+   Yak asua mi akabade edi idiọkowo ke kpukpru usụn̄,+ Enye emi onyụn̄ adahade ada an̄wana ye ami onyụn̄ edi anamidiọk.   Koro nso idotenyịn ke owo mfiakedem enyene edieke Abasi esịbede enye efep,+ Edieke Abasi emende ukpọn̄ esie efep?+   Nte Abasi oyokop eseme esie Edieke nnanenyịn esịmde enye?+ 10  Mîdịghe nte Ata Ọkpọsọn̄ eyenen̄ede adat enye esịt? Nte enye eyeseme okot Abasi kpukpru ini? 11  Nyada ubọk Abasi nteme mbufo; Ndidịpke mbufo se idude ye Ata Ọkpọsọn̄.+ 12  Sese! Kpukpru mbufo ẹmekụt n̄kukụt; Ndien ntak emi mbufo ẹwụtde idem mbufo nte idide mme ata ikpîkpu+ owo? 13  Emi edi udeme emi otode Abasi esịm idiọkowo;+ Mmọ ẹyenyụn̄ ẹbọ udeme mbon ufịk ẹto Ata Ọkpọsọn̄. 14  Edieke nditọ esie ẹwakde, mmọ ẹwak ẹnọ akan̄kan̄;+ Mme ubon esie idinyụn̄ inyeneke udia ekem. 15  Ẹyebụk ikọt esie eke ẹbọhọde ẹsụhọ ke ini udọn̄ọ n̄kpa, Mme ebeakpa mmọ idinyụn̄ ituaha eyet.+ 16  Edieke enye ọkọde silver obon nte ntan, Onyụn̄ etịmde edisịnen̄kpọ nte mbat, 17  Enye eyetịm, edi edinen owo edisịne,+ Owo eke mîduehe edinyụn̄ enyene udeme ke mme silver oro. 18  Enye ọbọp ufọk esie nte utan̄kpọ ọbọpde, Ye nte ataya+ eke owo ukpeme ọbọpde. 19  Enye oyosụhọde ana ye inyene, edi idinyeneke n̄kpọ ndomokiet; Enye atat enyịn esie, edi ikwe n̄kpọ ndomokiet.+ 20  Mbabuat n̄kpọndịk eyemen enye nte mmọn̄;+ Ọkpọsọn̄ ofụm oyonyụn̄ emen enye efep ke okoneyo. 21  Ofụm edem usiahautịn eyemen enye efep,+ ndien enye ididụhe aba, Enye oyonyụn̄ oyụt enye ke ebiet esie emen efep.+ 22  Ndien enye oyotop idemesie ọtọ enye, idinyụn̄ ituaha enye mbọm;+ Enye oyodomo ndifehe mbọhọ odudu esie.+ 23  Owo ayamia ubọk asak enye nsahi+ Onyụn̄ ada ke ebiet esie efri+ enye inụk.

Mme Ikọ Idakisọn̄