Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Job 24;1-25

24  “Ntak emi Ata Ọkpọsọn̄ mînịmke ini,+Ndien mbon emi ẹfiọkde enye mîkwe mme usen esie?+   Odu mbon oro ẹsịkde adan̄a;+Mmọ ẹwabade otu ufene ẹbọ ẹda, man ẹkpebọk mmọ.   Mmọ ẹbịn ayara ass nditọakpa;Mmọ ẹmụm ayara enan̄ ebeakpa ke ubiọn̄.+   Mmọ ẹwọn̄ọde mme ubuene ẹkpọn̄ usụn̄;+Ke ukem ini oro mbon ukụt ererimbot ẹdịp idemmọ.   Sese! Kpa nte zebra+ ke wildernessMmọ ẹmewọrọ ẹka ndiyom udia mmọ. Unaisọn̄ desat ọnọ owo kiet kiet udia nditọ mmọ.   Mmọ ẹda udia mmọ ke in̄wan̄,Mmọ ẹnyụn̄ ẹsọsọp ẹbụme in̄wan̄ vine idiọkowo.   Mmọ ẹna iferi ke okoneyo, isịneke ọfọn̄,+Inyụn̄ inyeneke se ẹfụhọde ke tuep.+   Ọkpọsọn̄ edịm obot ebịt mmọ idem,Ndien sia ebiet udakibuot+ mîdụhe, mmọ ẹfat akwa itiat ẹkama.   Mmọ ẹwabade eyenakpa ẹsio ke eba,+Ẹnyụn̄ ẹbọ se owo ukụt enyenede ke ubiọn̄.+ 10  Mmọ ẹsan̄a iferi isịneke ọfọn̄,Ẹnyụn̄ ẹsan̄a biọn̄ ẹbiom mbuot wheat emi ẹkpen̄ede.+ 11  Mmọ ẹsụk ẹnanam utom ke uwemeyo ke ufọt ibibene in̄wan̄ vine;Ẹdịghi obube unyịmi wine, edi itọn̄ asat mmọ.+ 12  Mmọ eke ẹkperede ndikpa ẹtie ke obio ẹmụm mmụm,Ukpọn̄ mbon emi ẹdade unan n̄kpa ẹseme ẹyom un̄wam;+Ndien Abasi ikereke ke emi ọdiọk.+ 13  Ndien mmọ ẹdu ke otu mbon nsọn̄ibuot emi ẹsuade un̄wana;+Mmọ ifiọkke usụn̄ esie,Mmọ inyụn̄ isọn̄ọke idu ke ọkpọusụn̄ esie. 14  Owotowo adaha ke enyọn̄ ke eyo an̄wan̄ade,Enye owot owo ukụt ye ubuene;+Ndien ke okoneyo enye akabade inọ.+ 15  Amaedi esịn efịbe,+ enyịn esie ebet mfụn̄mfụn̄ mbubreyo,+Ọdọhọde ete, ‘Enyịn ndomokiet idikwe mi!’+Enye onyụn̄ ofụhọ ufụhọn̄kpọ ke iso. 16  Enye etịbi ibibene ke ekịm odụk ufọk;Ke uwemeyo mmọ ẹkọbi usụn̄ ẹsịn idemmọ. Mmọ ikwe un̄wana uwemeyo.+ 17  Koro usenubọk etiede nte ọkpọsọn̄ ekịm+ ọnọ mmọ,Koro mmọ ẹfiọkde se mbabuat ndịk emi asan̄ade ye ọkpọsọn̄ ekịm edide. 18  Enye ọsọp usọp ke enyọn̄ mmọn̄.Ẹyesụn̄i in̄wan̄ mmọ ke isọn̄.+Enye idiwọn̄ọkede ika usụn̄ in̄wan̄ vine. 19  Unana edịm, n̄ko ufiop, ẹnam mmọn̄ snow asat;Ntre ke Udi* anam ye mmọ eke ẹnamde idiọkn̄kpọ!+ 20  Itie eyen eyefre enye, ndọn̄ ayata enye inem inem,+Owo iditịghi enye aba.+Ẹyenyụn̄ ẹbụn̄ ukwan̄ido nte eto.+ 21  Enye odụk ndụk ye n̄wan emi edide ada, emi mînyụn̄ imanke eyen,Ye ebeakpa,+ emi enye mîfọnke mfọn. 22  Ndien enye ayada odudu esie odụri n̄kpọsọn̄ owo;Enye ayadaha ada inyụn̄ ifiọkke m̀mê iyodu uwem. 23  Enye ayanam enye enyene mbuọtidem+ nte ke imekeme ndinọ idem imọ ibetedem;Ndien enye eyetịn̄ enyịn ke mme usụn̄ mmọ.+ 24  Mmọ ẹmemenede idem ke esisịt ini, ekem mmọ idụhe aba,+Ẹmenyụn̄ ẹsụhọde mmọ itie;+ ẹsịbe mmọ ẹfep nte owo efen ekededi,Ẹnyụn̄ ẹsịbe mmọ ẹfep nte mbuot wheat.* 25  Mmọdo, anie ediwụt ke ami ndi osu nsuMîdịghe anie ediwụt ke ikọ mi ọwọrọ ikpîkpu?”

Mme Ikọ Idakisọn̄

Heb., “Sheol.”
Mîdịghe, emi ekeme ndidi “barley.”