Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Job 23;1-17

23  Ndien Job ọbọrọ onyụn̄ ọdọhọ ete:   “Mfịn emi ekikere+ oro n̄kerede edi nsọn̄ibuot;Ubọk mi odobi ke ntak mfụhọ mi.   Ubaha nte n̄kpọfiọkde ebiet emi n̄kpokụtde enye!+Ami n̄kpaka ebiet emi enye odude.+   N̄kpenịm enye ikpe ke iso,Ndien inua mi ọkpọyọhọ ye mfan̄a;   Ami n̄kpọfiọk ikọ eke enye edidade ọbọrọ mi,N̄kponyụn̄ n̄kere mban̄a se enye ọdọhọde mi.+   Nte enye akpada akwa odudu an̄wana ye ami? Baba-o! Ke akpanikọ enye akpakpan̄ utọn̄ ọnọ mi.+   Do ke edinen owo edinen̄ede se ikwan̄ade ye enye,Ndien n̄kpọbọhọ ebiereikpe mi ke nsinsi.   Sese! Mmaka edem usiahautịn, ndien enye idụhe do;Nnyụn̄ mfiak ndi, ndien n̄kemeke ndidiọn̄ọ enye;+   Mmaka ufien ke ebiet emi enye anamde utom, edi n̄kemeke ndikụt enye;Enye ọwọn̄ọde aka nnasia, edi n̄kwe enye. 10  Koro enye etịm ọfiọk usụn̄ eke nsan̄ade.+Ke enye ama okodomo mi ese, ami nyọwọrọ ndi nte gold.+ 11  Ukot mi etiene nde ikpat esie;Ami mmetiene usụn̄ esie, nnyụn̄ n̄wọn̄ọkede n̄kpọn̄.+ 12  Ami n̄wọn̄ọkede n̄kpọn̄ ewụhọ inua esie.+Mmenịm ikọ inua+ esie n̄kan se ẹyomde ẹto mi. 13  Enye onyụn̄ enyene ekikere kiet, anie ekeme ndibiọn̄ọ enye?+Ndien enyene se ukpọn̄ esie oyomde, enye oyonyụn̄ anam.+ 14  Koro enye ayanam ofụri se enye aduakde aban̄a mi,+Ediwak n̄kpọ eke ẹtiede ntem ẹnyụn̄ ẹdu ye enye. 15  Ntak edi oro esịt etịmerede mi aban̄a enye;Ami mmekere mban̄a, ndien ndịk esie anam mi.+ 16  Abasi amanam esịt mi edịghe,+Ata Ọkpọsọn̄ onyụn̄ etịmede mi.+ 17  Koro inua mi mîkụbọke ke ntak ekịm,M̀mê koro ekịm ofụkde mi iso.

Mme Ikọ Idakisọn̄