Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Job 20;1-29

20  Ndien Zophar owo Naamah ọbọrọ onyụn̄ ọdọhọ ete:   “Ntak edi oro ekikere oro etịmerede mi esịt ọnọde mi ibọrọ, Koro aduaide mi ke esịtidem.   Ami mmokop item usọn̄enyịn emi ẹnọde mi; Ndien spirit emi mînyeneke mbufiọk ọnọ mi ibọrọ.   Nte afo ama ọfọfiọk n̄kpọ emi toto ko, Tọn̄ọ nte ẹkesịn owo ke isọn̄,+   Nte ke n̄kpo idara mme idiọkowo ibịghike+ Ye nte ke idatesịt owo mfiakedem edi ke ibio ini?   Okposụkedi ubọn̄ esie ọdọkde esịm enyọn̄+ Ibuot esie onyụn̄ esịm obubịt enyọn̄,   Enye ayatak ke nsinsi nte ifuọ esie;+ Mbon emi ẹkụtde enye ẹyebụp ẹte, ‘Enye odu m̀mọ̀n̄?’+   Enye eyefe ebe nte ndap, ndien mmọ idikwe enye; Ndien ẹyebịn enye ẹfep nte n̄kukụt okoneyo.+   Enyịn eke okụtde enye idikwe enye aba,+ Ebiet esie idinyụn̄ ikwe enye aba.+ 10  Nditọ esie ẹyeyom mfọn ẹto mme usụhọde owo, Ubọk esie oyonyụn̄ afiak ayak mme ọsọn̄urua n̄kpọ esie ọnọ.+ 11  Ọkpọ esie ẹyọhọ ye odudu ini uyen esie, Edi enye ayasan̄a ye enye osụhọde ke ntan.+ 12  Edieke se idiọkde enemde enye ke inua, Edieke enye anamde enye eyet ama ke idak edeme esie, 13  Edieke enye atuade enye mbọm mînyụn̄ ikpọn̄ke enye, Edieke enye onyụn̄ osụk omụmde enye akama ke ufọt nsịn̄ esie, 14  Ẹyekpụhọde enye udia ke nsia; Enye ayakabade etidot ebre ke esịt idịbi esie. 15  Enye emen inyene emen esịn ke idịbi, edi ọyọkpọhi enye osio; Abasi oyosio inyene oro efep ke idịbi esie. 16  Enye ayawap ifọt ebre; Edeme ibọm oyowot enye.+ 17  Enye idikwe idịm mmọn̄,+ Idịm aranọkwọk ye bọta. 18  Enye ayafiak ayak inyene esie ọnọ idinyụn̄ imenke enye isịn ke idịbi; Nte inyene eke otode ke mbubịne esie, edi emi mîdidatke enye esịt.+ 19  Koro enye anuakde mbai mbai, enye ọmọkpọn̄ mme usụhọde owo; Enye amada n̄kanubọk ọbọ ufọk eke mîdịghe enye ọkọbọp.+ 20  Koro enye mîdinyeneke ifụre ke idịbi esie; Ndiye n̄kpọ esie idinamke enye ọbọhọ.+ 21  Baba n̄kpọ kiet isụhọke inọ enye ndidia; Ntak edi oro mfọnọn̄kpọ esie mîdibịghike. 22  Enye editak ke editịmede esịt ke adan̄aemi inyene esie ẹsụk ẹwakde;+ Kpukpru odudu ndiọkiso ẹyesịm enye. 23  Ama ekem Abasi ọyọdọn̄ ikan̄-ikan̄ iyatesịt esie ọnọ enye,+ Man ọyọhọ enye idịbi, Onyụn̄ anam enye edep enye ke idem, osụhọde esịm nsia. 24  Enye eyefehe+ ọbọhọ n̄kpọekọn̄ ukwak; Utịgha okpoho eyekịm enye. 25  Idan̄ oyonyụn̄ ekịm enye ọwọrọ ke edem, Nsemnsem n̄kpọekọn̄ eyekịm enye esịm etidot;+ Mme enyene-ndịk n̄kpọ ẹyen̄wana ye enye.+ 26  Ẹyenịm kpukpru ekịm ẹnọ mme n̄kpọuto esie; Ikan̄ emi mîdịghe owo abara ayata enye;+ Idifọnke-fọn inọ owo eke osụhọde ke tent esie. 27  Ikpaenyọn̄ ayayarade ndudue esie,+ Isọn̄ oyonyụn̄ ọsọn̄ ibuot ye enye. 28  Akwa edịm eyeberi ufọk esie ọduọk; Odu mme n̄kpọ emi ẹdin̄wan̄ade ẹduọk ke usen iyatesịt esie.+ 29  Emi edi udeme emi otode Abasi esịm idiọkowo,+ Kpa udeme eke Abasi enịmde ọnọ enye.”

Mme Ikọ Idakisọn̄